MARTARS AI 29 DI NOVEMBAR: CONVOCÂT IL CONSEI COMUNÂL A PALAÇÛL

Convocât par martars ai 29 di novembar 2011, a lis 20.30, il Consei Comunâl di Palaçûl.

Al pont 9 dal ordin dal dì la mozion presentade di bande dai conseîrs dal centri çampe cuintri la vendite de Aziende Volpares (il document, za fat bon a Prissinins e a  Tisane, al vignarà votât te serade di lunis ai 28 di novembar ancje intai conseis comunâi di Rivignan, Lignan e Muçane)

Par lei l'ordin dal dì complet fracait sul steme dal Comun.

4/12/2011 - CONVOCADE LA ASSEMBLEE REGJONÂL DAL PD

Il president Tarcisio Balbo al à convocât par domenie ai 4 di dicembar 2011, a lis 9.30, alì de sede di vie Joppi 63 a Udin, la Assemblee Regjonâl dal Partît Democratic dal Friûl - Vignesie Julie.

Ca sot, l'ordin dal dì:

• Situazion politiche nazionâl
• Iniziativis dal Partît Democratic
• Aprovazion dal regolament pal funzionament de Assemblee Regjonâl
• Variis e eventuals

Atenzion: la assemblee e je stade spostade a domenie ai 18 di dicembar, a lis 10.15.

IL BEN AGHE IN FRIÛL VIGNESIE JULIE

Il Grup Consiliâr dal Partît Democratic al invide a partecipâ a un incuintri public sul impuartant teme de gjestion des risorsis idrichis ae lûs de evoluzion de normative, in particolâr di che regjonâl, e dal risultât dai referendum cun l'obietîf di proponi e indicâ lis sieltis fondamentâls e strategjichis pal Friûl Vignesie Julie.

L'incuintri a si davuelzarà lunis ai 28 di novembar 2011, a lis 18.00, alì dal Auditorium Centri Congrès San Marco di Palme, in vie Scamozzi n.5.

Program dai lavôrs:

Introduzion di Giorgio Brandolin, conseîr regjonâl e intervents di Antonio Massarutto, professôr di economie publiche, Marco Iob, Comitât 2 Sì pe Aghe Comun FVG, Stefano Del Cont Bernard, president A.A.T.O “Occidentale”, Antonio Nonino, diretîf Confindustrie Udin, Mauro Travanut e Sergio Lupieri, conseîrs regjonâi dal Pd.

A seguî contribûts e esperiencis locâls, dibatit e conclusions di Gianfranco Moretton, cjâf grup in consei regjonâl.

SABIDE A LIS 18.00 MUÇANE E INCUINTRE IL MESSIC

ETICHE E GNOVIS GJENERAZIONS: INCUNTRI PUBLIC DAL PD A CJAMPLUNC-TAPOIAN

Il Circul dal Partît Democratic di Cjamplunc Tapoian us invide a partecipâ al incuintri public "Il mont al cambie a svelt: cuale etiche e cuai modei pes gnovis gjenerazions?" che si davuelzarà vinars ai 18 di novembar 2011, a lis 20.30, alì dal municipi di Cjamplunc. In scjalete intervents di don Giorgio Giordani teolic e dal prof. Mauro Travanut, conseîr regjonâl dal Pd. Introduzion dal prof. Giulio Tavian, storic.

SUNS, SCLESIS DI EUROPE: A UDIN LA FINÂL DAL LIET INTERNATIONAL 2011

SUNS Sclesis di Europe. Visions, musichis, peraulis ..... e ai 19 di novembar no stait a piardisi la finâl dal LIET INTERNATIONAL 2011, pe prime volte in Italie, pe prime volte in Friûl!

SUL GAZZETTINO SI FEVELE DAL FLUM STELE .....

Il Partît Democratic al veve za puartât ae atenzion dal consei comunâl il probleme dal incuinament dal flum Stele domandant ae aministrazion comunâl di fâsi part ative sedi par chel che al inten il probleme de tutele sedi par chel che al rivuarde la gjestion e la valorizazion di un ben tant impuartant pal nestri teritori. Magari cussì no lis rispuestis, sedi intal mês di lui 2010 sedi intal mês di avost 2011 no son stadis sigurementri sodisfasintis.

Intun articul publicât sul Gazzettino di martars ai 2 di novembar 2011 (1 - 2) Silvio Bini al torne sul argoment.

Intal articul il gjornalist al torne a ricuardâ la solecitazion di Lorenzo Fabbro cun rivuart al parc dal Stele e a une gnove propueste politiche e aministrative pe gjestion dal teritori, une union che e meti adun i comuns dilunc dute le aste dal Stele.

AI 19 DI NOVEMBAR A UDIN LA ZORNADE NAZIONÂL DAL TESTAMENT BIOLOGJIC

Sabide ai 19 di novembar, apontament alì dal Teatri Palamostre di Udin, là che a partî des 8.30 e tacaran lis iniziativis organizadis dal Coordenament Laic Nazionâl, in colaborazion cul Comun di Udin, la Consulte di Bioetiche, la Uaar e lis Associazions "Per Eluana", "Luca Coscioni" e "Libera uscita" te suaze de Zornade Nazionâl dal Testament Biologjic.

Films, documentaris, testemoneancis e dibatits cu le partecipazion di esponents dal mont laic e religjôs, sociolics, miedis, esperts di bioetiche.

La zornade si concludarà a lis 19.30 cu le proiezion dal documentari "7 giorni" presentât di Beppino Englaro.
Lait ca par lei il program complet.

05.11.2011 - VONDE: IN NON DAL POPUL TALIAN

Lait a lei ca il discors integrâl dal segretari dal Partît Democratic Pierluigi Bersani

VOLPARES: ORDIN DAL DI' IN CONSEI COMUNÂL A TISANE

E continue sul teritori la mobilitazion cuintri la intenzion dal president de zonte regjonâl Tondo di vendi la aziende Volpares. Publicade sul Messaggero di martars passât la letare dal Coordenament dal Pd de Basse.

Ancje il grup Laboratorio Muzzana al cjape posizion intal blog de liste civiche presinte in consei comunâl a Muçane. Intant, daspò de letare dai sindics, le cuistion e tache a jessi puartade ae atenzion dai conseis comunâi: usgnot intal consei comunâl di Tisane si discutarà l'ordin dal dì presentât dai conseîrs comunâi dal grup Centro Sinistra per Latisana.

GNÛFS TALIANS E GNÛFS FURLANS E CRESSIN: "18 AGNS IN COMUN"

Dopo la adesion ae Campagne “L’italia sono anch’io” di bande dal Partît Democratic Provinciâl di Udin e continue la organizazion di iniziativis e bancuts di racuelte firmis. Cjalait ca la letare inviade ai aministradôrs e ai segretaris di circul di bande di Lorenzo Fabbro par cont de segretarie provinciâl. Jenfri lis buinis pratichis segnaladis sul sît de campagne nazionâl e je ancje chê che a proviôt che i sindics a mandin ai zovins nassûts in Italie che e fasin 18 agns une letare par informâju de pussibilitât di domandâ la citadinance taliane dentri dal an seguitîf. Cheste buine pratiche e jere za stade auspicade di bande dal Forum Imigrazion dal Partît Democratic dal Friûl-Vignesie Julie intal passât mês di lui. Cumò o segnalin la impuartante iniziative de Anci (Associazion Nazionâl Comuns Talians) adun cu lis associazions “Rete G2-Seconde Generazioni” e “Save the Children” che e an scrit a ducj i Comuns Talians par domandâi di aderî a "18 anni in Comune". Lait a lei ca dutis lis informazions.

IL BOSC IL FLUM E LA LAGUNE

Al è stât publicât il bant dal 10° Concors fotografic “Il bosc, il flum e la lagune”.

Une iniziative che di tancj agns e intint valorizâ il paisaç, l'ambient, lis plantis e i animâi dal teritori di Muçane.
Sul sît dal Comun o cjatais il bant complet e la schede di partecipazion (scjadince pe consegne des oparis: ai 15 di zenâr 2012).