lunedì 30 aprile 2012

1 DI MAI A ÇARVIGNAN

Dut pront pe fieste dal lavôr a Çarvignan. La manifestazion provinciâl dai sindicâts che si davuelzarà doman e proviôt la partence dal corteu di Vie Garibaldi a lis 9.30 e il comizi in Place Indipendence a partî des 10.30. Si proviodin intervents dal sindic di Çarvignan Pietro Paviotti e dal Segretari de Anpi di Udin Luciano Rapotez. Pai sindicâts al cjaparà la peraule Paolo Carcassi, segretari confederâl de Uil che al fevelarà ancje a non de Cisl e de Cgil.
Us segnalin ancje un pâr di events colaterâi: la presentazion dal libri “1 di mai a Çarvignan” usgnot aes 20.30 intal teatri Pasolini e il conciert dai radio Zastava doman, in place Indipendence, subite dopo i comizis.
Ca sot lis locandinis cui programs complets.

venerdì 27 aprile 2012

29/04/2012: A FAEDIS SUL TROI DAI NÎTS DI RAGNS


Il Comun e l’Anpi di Faedis us invidin ae inaugurazion de Mostre “Il troi dai nîts di ragns. Un om, un partigjan”. Fotografis di Danilo De Marco.
Cjistiel di Zucco - Faedis (Ud)
Domenie ai 29 di avrîl 2012, a lis 10.30
Leturis di Massimo Somaglino
Oraris di viertidure de mostre:  dai 29 di avrîl ai 26 di avost 2012, sabide, domenie e dîs di fieste da lis 10.00 a lis 19.00

giovedì 26 aprile 2012

IN SPIETE DI UN GNÛF PLAN PAL PAISAÇ INTAL FRIÛL-VIGNESIE JULIE

Legambiente Fvg, in colaborazion cul Dipartiment di Siencis Umanis de Universitât di Udin e cu la poie de Regjon Friûl-Vignesie Julie us invidin a partecipâ al dopli apontament:
IN SPIETE DI UN GNÛF PLAN PAL PAISAÇ INTAL FRIÛL-VIGNESIE JULIE
Vinars ai 27 di avrîl 2012, des 14.30 aes 19.00, ali de Sale Tomadini in Vie Tomadini 30 a Udin: VIERS GNOVIS FORMIS DAL PLAN DAL PAISAÇ
Coordenament
Franca Battigelli, Universitât di Udin
Gèrard Volpatti & Yves Rochette, President e Vicepresidente de Communautè d’agglomération des portes de l’Eure
La Charte Paysagére et Ecologique della Communautè d’agglomération des portes de l’Eure te tradizion des cjartis dal paisaç francês
Maja Šinigoj, Locus d.o.o., Nova Gorica
La esperienze de pianificazion dal paisaç inte scjale comunâl in Slovenie
Polse cafè
Anna Marson, Assessore ae urbanistiche, planificazion teritoriâl e paisaç de regjon Toscane
Il gnûf plan regjonâl pal paisaç  de Toscane
Massimo Carta, Universitât di Florence
La esperienze dal plan pal paisaç de Pulie: il rûl de rapresentazion inte cognossince e intal prgjet dai lûcs
Dibatit e conclusions cun coordenament di bande di  Moreno Baccichet, Legambiente FVG

Vinars ai 4 di mai 2012, des 14.30 aes 19.00, ali de Sale Tomadini in Vie Tomadini 30 a Udin: I PAISAÇS DAL FRIÛL-VIGNESIE JULIE
Coordenament
Giuseppe Zerbi, Universitât di Udin
Maurizio Anselmi, Direzion regjonâl bens culturâi e paisaç dal Friûl-Vignesie Julie, MiBAC
La definizion dai standards di cualitât dal plan
Giuseppe Oriolo, naturalist libar professionist
Plans di gjestion dai sîts Nature 2000, dai Parcs e des Riservis regjonâls intai rapuarts cu le legjslazion dal paisaç
Domenico Patassini, Universitât IUAV di Vignesie
I osservatoris dal paisaç: modei e esperiencis
Roberta Altin, Universitât di Udin
La esperienze di valorizazion dai paisaçs puartade indevant dai Ecomuseus
Pause cafè
Luca Nazzi, Coordenament Propietâts Coletivis FVG e Cars Triestin
Cuant che lis comunitâts locâls si fasin caric di gjestî in propi il paisaç
Viviana Ferrario, Universitât IUAV di Vignesie
Valôrs teritoriâi e obietîfs di cualitât dal paisaç. Riflessions partint de esperience de Cjarte dai Valôrs de Cjargne
Martina Pertoldi, architet libare professioniste
Il Roiel di Pradaman e la comunitât locâl
Claude Andreini, fisioterapist e insegnant di biologjie
Il contestât restaur di Lemene e Boldara
Dibatit e conclusions cun coordenament di bande di  Bruno Asquini, Legambiente FVG

lunedì 23 aprile 2012

COROT

Dome vuê o vin savût, leint il gjornâl, de muart, cualchi zornade indaûr, di Sergio Cadorini, 82 agns, za conseîr comunâl a Udin e conseîr regjonâl pal PCI, preseât miedi e om simpri dongje ai temis sociâi e des minorancis.
Vie pe gnot, a Palaçûl nus à lassâts ancje Luigi Fabbro “Fanti”, 90 agns. Al jere un partigjan. Al jere gno barbe.
Mandi Sergio. Mandi Gigi.
Cungjò!



mercoledì 18 aprile 2012

23/04/2012: CONVOCÂT IL CONSEI COMUNÂL DI PALAÇÛL

Convocât il Consei Comunâl di Palaçûl par lunis ai 23 di avrîl 2012, a lis 20.00.
Ve ca l'ordin dal dì:
1) Leture e aprovazion dai verbâi de sentade dal 23.02.2012, dal n° 01 al n° 06;
2) Leç Regjonâl 31.05.2002, n° 14, art. 7 – Aprovazion dal Program Trienâl des Oparis Publichis 2012 – 2014 e Anuâl 2012;
3) Ricognizion des proprietâts comunâls cun pussibilitât di alienazion, ai sens dal art. 58 dal D.L. n. 112/2008 convertît cun modifichis de Leç n. 133/2008 – An 2012;
4) Impueste municipâl IMU: determinazions;
5) Aprovazion dal program anuâl pal conferiment di incjariis di studi, ricercje, consulence e colaborazion;
6) Belanç di Prevision pal esercizi 2012 indotât dal Belanç plurienâl 2012/2014 e de Relazion Previsionâl e Programatiche. Esam e aprovazion;
7) Ordin dal dì cun riferiment a - Azione della Federazione Provinciale Coldiretti a sostegno del vero “Made in Italy agroalimentare”-;
8) Comunicazions dal Sindic, conseîrs e assessôrs.

martedì 17 aprile 2012

A PUCINIE MARINO ZAT AL LAVÔR CU LE LISTE CIVICHE "INSIEME PER POCENIA"

E tache la campagne eletorâl. Ve ca la foto di Marino Zat, candidât a sindic di Pucinie e de sô liste "Insieme per Pocenia". Chi o cjatais il program aministratîf e chi ducj i nons dai candidâts conseîrs. Notiziis cun rivuart ai apontaments eletorâi e altri si cjatin su Insieme per Pocenia.

COMITÂT VAL ROSANDRA, ITALIA NOSTRA, LEGAMBIENTE E WWF: “VAL ROSANDRA: DE DISTRUZION IL STIMUL PAR CREÂ UNE VERE CUSSIENCE AMBIENTÂL”


Il Comitât Val Rosandra, Italia Nostra, Legambiente e WWF, us invidin al incuintri public sul teme “Val Rosandra: de distruzion il stimul par creâ une vere cussience ambientâl” che si davuelzarà vinars ai 20 di avrîl, a lis 17.00, alì de Aule Magne de Scuele Interpretis in Vie Filzi n.14 a Triest.
Program:
Introduzion Lucia Sirocco (Legambiente)
Moderazion Franco Zubin (Italia Nostra)
Proiezion dal video di Max Morelli “C’era una volta la Val Rosandra
Intervents dal prof. Livio Poldini, docent di ecologjie de Universitât di Triest e president dal Comitât Val Rosandra, dal dot. Dario Gasparo, biolic e autôr dal libri “La Val Rosandra e l’ambiente circostante”, dai dot. Nicola Bressi e Andrea Colla dal Servizi Museus Sientifics di Triest e di Paolo Utmar, ornitolic e vuide naturalistiche.
Conclusions di Roberto Pizzutti (WWF)

venerdì 13 aprile 2012

UDIN 20/04/2012 “RICUARDÂ PAR JESSI. ANTIFASSISIM E RESISTENCE AL FEMININ”

La Comission Pari Oportunitâts dal Comun di Udin e l’ANPI di Udin us invidìn a un incuintri public sul teme “Ricuardâ par jessi. Antifassisim e Resistence al feminin” che si davuelzarà vinars ai 20 di avrîl a lis 18.00 alì de Sale Ajace in Place Libertât a Udin.
Program
Salûts dal Sindic di Udin Prof. Furio Honsell
Intervents di Marisa Ombra, Vice Presidente Nazionâl ANPI, Marisa Ferro, Segretarie Nazionâl ANPI, Anna Vinci, Societât Taliane des Storichis
Coordenament di Monica Emmanuelli, ricercjadore storiche
Te ocasion al vignarà presentât il libri di Flavio Fabbroni “Donne e ragazze nella Resistenza in Friuli” e si pandarà la iniziative de ANPI pe realizazion di un monument ae Femine Partigjane te Citât di Udin.
In sierade la rapresentazion “Diaris di gjemis e tampiestis. Sclesis dai diaris des Feminis de Resistence” par cure di Aida Talliente (leturis) Leo Virgili (musichis)

Par info:
pariopportunita@comune.udine.it tel. 0432 271 959 o ANPI Udin tel. 0432 504 813

mercoledì 11 aprile 2012

INCUINTRIS PUBLICS INTAI COMUNS DE UNION CÛR DAL STELE


Us segnalin trê iniziativis di sigûr interès ancje parcè che i temas in discussion e saran sigurementri al centri dal dibatit eletorâl a Pucinie (e no dome).
I conseîrs de Union Cûr dal Stele jenfri i Comuns di Rivignan, Teôr e Pucinie Battistutta, Odorico, Papais, Cosmi, Masolin e Colle e organizin trê incuintris publics cun rivuart ae introduzion de gnove impueste municipâl –IMU- e ae ipotesi di fusion dai trê comuns.
Apontament par miercus ai 11 di avrîl, a lis 21.00, alì dal Auditorium Comunâl di Rivignan pe prime serade; la dì dopo, joibe ai 12 di avrîl, simpri a lis 21.00, alì dal centri Civic di Teôr par finî, vinars ai 13 di avrîl, stesse ore, intal Centri Polifunzionâl di Pucinie. (te foto, gjavade dal blog www.pocenia.blogspot.com, al centri, il conseîr di Rivignan Paolo Battistutta)

PREMI FRIÛL: LA FARIE CREATIVE DE MUSICHE FURLANE

Al è jessût ta chestis zornadis il bant par partecipâ al Premi Friûl che, aromai di trente agns incà, al è la farie creative des novitâts musicâls par furlan. Il concors inmaneât di Radio Onde Furlane si insuaze tes azions promovudis dal progjet SUNS de ARLeF (Agjenzie Regjonâl pe Lenghe Furlane) e al va dilunc a pontâ sui grups zovins e su la sperimentazion intai gjenars musicâi plui atuâi, cu la convinzion che lenghe furlane e vedi di confrontâsi cence pôre cu la modernitât, di là di cierts stereotips che le volaressin peade a di un mont contadin che nol esist plui. Par partecipâ ae edizion dal 2012, i grups e/o i singui musiciscj a àn di mandâ dentri dai 15 di Jugn une cjançon compagnade dal so test (par furlan o intune altre lenghe minorizade dal Friûl). Framieç dal materiâl rivât a saran sielzûts tra i 3 e i 6 artiscj che a sunaran intant de finâl che e previôt une esibizion dal vîf di 15/20 minûts e che si tignarà ai 28 di Lui alì dal Parc dal Cormôr (Udin) inte suaze dal Homepage Festival. Come par solit, cui che al vinç il Premi Friûl al varà la pussibilitât di publicâ une sô  produzion discografiche pe etichete Musiche Furlane Fuarte. Dentri dal Premi Friûl però ancje chest an no podeve mancjâ une novitât. Cun di fat, dongje de sezion musiche si ‘nd à ancje une pai jingles radiofonics.  Cui che al vûl al pues partecipâ e creâ jingles gnûfs (di no plui di 30 seconts) pe “Radio libare dai furlans”. Ta chest câs la idee miôr e sarà premiade cuntun  iPad, simpri ai 28 di Lui alì dal Parc dal Cormôr, intant de finâl. Altris informazions su lis dôs sezions si cjatin sul sît www.ondefurlane.eu, là che si pues lei il bant e discjariâ la schede par partecipâ al concors. Cun di plui al è pront par saltâ fûr il cd di Ulisse e i Ciclopi, il grup rivelazion che al à vinçût la edizion passade dal Premi Friûl. I doi fantats (ghitare / batarie) di Mortean a àn produsût un cd di rock esplosîf che al supe tant dal blues des origjins che dal punk plui rumorôs, passant par scjassadis adrenalinichis e slambradis psichedelichis. Ancjemò une conferme, duncje, de funzion di scuvierte, produzion e promozion che il Premi Friûl al à vût e al à intal panorame musicâl furlan e plui in gjenerâl de culture furlane dal dì di vuê. Dai Mitli FLK a Lino Straulino, dai Arbe Garbe a DJ Tubet, juste par fâ cualchi non, ducj o cuasi a àn tacât dal Premi Friûl e di Radio Onde Furlane.

Par info telefonâ al 0432 530614 o scrivi a premifriul@ondefurlane.eu

venerdì 6 aprile 2012

INCUINTRI PUBLIC TE BASSE CUN RIVUART AE PROSSIME RIFORME SU VOLONTARIÂT E PROMOZION SOCIÂL

I grups regjonâi di centri çampe e an il plasê di invidâus al dibatit public sul teme "Volontariât e promozion sociâl: problemats e prospetivis ae vilie de riforme" che si tignarà sabide ai 14 di avrîl , a lis 14.30, alì dal Centri Civic di Villa Dora a S. Zorç.
Par info: Marco Fortunato (Ufici Stampe Paolo Menis) marcofortu@gmail.com

giovedì 5 aprile 2012

SABIDE SUI 90.00 MHZ DI RADIO ONDE FURLANE SI FEVELE DI RESISTENCE E DE CASERME PIAVE DI PALME

Carli Pup de redazion gjornalistiche di Radio Onde Furlane nus segnale la trasmission che e larà in onde sabide ai 7 di Avrîl – tor 9 e 35 di matine - sui 90.00 Mhz di Radio Onde Furlane (o in streaming dal sît www.ondefurlane.eu ). Il program al nas dal lavôr “Repressione antipartigiana in Friuli. La Caserma ‘Piave’ di Palmanova e i processi del dopoguerra” di Irene Bolzon, publicât che al è pôc de cjase editore Kappa Vu di Udin e che o vin presentât la setemane passade al Marinaretto di Palaçûl inte suaze de rassegne de Anpi "Resistenze".
La repression cuintri dal moviment partigjan e de popolazion civîl puartade indenant dai reparts logâts a Palme (a tacâ des SS talianis e de Milizie di Difese Teritoriâl), i procès cuintri dai responsabii di chês violencis, la memorie storiche di chei fats (in cierts câs rimovude o strassomeade) a saran duncje i temis frontâts dilunc vie de trasmission. Par fevelâ di chescj argoments a saran in studi Irene Bolzon, autore dal libri e impegnade intun impuartant lavôr di ricercje storiche su chei fats, Alessandra Kersevan, editore e storiche, e Valerio Battistella, testemoni diret des violencis des bandis nazifassistis che a operavin inte Basse furlane. Te foto la presentazion dal Marinaretto cun Alessandra Kersevan, Irene Bolzon e Lorenzo Fabbro.

mercoledì 4 aprile 2012

UDIN 10/04/2012: CUALE FILOSOFIE PAL PARTÎT DEMOCRATIC E LA ÇAMPE

Martars ai 10 di avrîl 2012, a lis 18.00, alì de Librarie Feltrinelli di Udin, si davuelzarà la presentazion dal libri “Cuale filosofie pal Partît Democratic e la Çampe” par cure di Luca Taddio, Mimesis Edizions.
L’autôr al discutarà cul public e cun Francesco Bilotta (Universitât di Udin), Roberto Masiero (Universitât di Vignesie) e Debora Serracchiani (Europarlamentâr dal Pd). Introduzion e moderazion di Maurizio Ionico (Dirigjent dal Pd di Udin).

ÇUIAN 13/04/2012: MEMENTO MARI

domenica 1 aprile 2012

LA MÊ PATRIE E SUNE IL ROCK: PERAULIS, IDEIS E MUSICHIS PAR UN FRIÛL LIBAR E BABELIC

Inte suaze de Fieste dal Friûl il Comun di Muçane e Radio Onde Furlane us invidin ae presentazion dal libri di Marco Stolfo  "La mê lenghe e sune il rock". Apontament li dal centri civic Villa Muciana, in Place S. Marc, martars ai 3 di avrîl 2012, a lis 20.30, par fevelâ di musiche, storie, politiche, societât, dirits, leterature e tutele des minorancis chenti e ator pe Europe. Cristina Mauro e Stefano Montello, components dal storic grup dal Mitili Flk, i pionîrs de "gnove musiche furlane", si confrontaran, moderâts di Pauli Cantarut di Radio Onde Furlane, cul grup dai Luna e un Quarto, vincidôrs dal Premi Friûl intal 2010, e cul autôr dal libri, il gjornalist Marco Stolfo. Duncje no dome la presentazion di un libri o une taule taronde ma ancje un conciert li che i musiciscj, vêrs protagoniscj de serade, e sunaran dal vîf cjançons di îr e di vuê. Apontament di no pierdi.