IL CONSEI COMUNÂL DI MUÇANE AL DOMANDE SCLARIMENTS SUL PROGJET DE TAV

Dopo lis riunions dai Comitâts l'argoment TAV al è rivât in Consei Comunâl a Muçane li che, dilunc le ultime sentade, la maiorance e à fat bon un ordin dal dì cun rivuart ae problematiche de linie de alte velocitât che e passarès te frazion dai Cjasâi Franceschinis. Intal document si lamente la mancjance di informazions, di un studi coscj/beneficis e de relazion sul impat ambientâl che, fin cumò, no permetin di dâ un judizi positîf sul progjet. Il sindic al à vût mandât di bande de assemblee di rapresentâ la posizion dal Consei Comunâl di Muçane a chei altris sindics interessâts e ai ents superiôrs tant che la Regjon. Astension e critichis pe decision de maiorance di bande de oposizion di centri drete.