IL COORDENADÔR DE SEGRETARIE NAZIONÂL DAL PD MIGLIAVACCA A MANZAN

Us segnalin che joibe ai 26 di mai, aes 19.30 alì dal parc Sartori a Manzan (via della Roggia 57) si davuelzarà un incuintri public cul coordenadôr de segretarie nazionâl dal Partît Democratic Maurizio Migliavacca e il senatôr dal Pd Carlo Pegorer par dibati dai temis dal partît e de situazion politiche a nivel locâl e nazionâl.
Daspò dal dibatit, simpri te aree de fieste, al vignarà proietât il film di Sabrina Benussi "Rapotez, un caso italiano" ae presince de regjiste e dal protagonist Luciano Rapotez, segretari de Anpi provinciâl di Udin.

IL CÂS RAPOTEZ

Par cui che al pues partecipâ segnalin une iniziative di no pierdi che si davuelzarà a Triest martars ai 25 di zenâr, aes 18.00, alì dal cine Ariston. Inte suaze de rassegne Trieste Film Festival al vignarà presentât il film “Rapotez, un caso italiano” de regjiste Sabrina Benussi, cun Luciano Rapotez, Gherardo Colombo, Marcello Flores e Moni Ovadia. La pelicule e conte la storie incredibile di Luciano Rapotez, 90 agns, za partesan des Brigadis Garibaldi, atuâl segretari provinciâl de Anpi di Udin, protagonist di un câs di persecuzion judiziarie intal secont dopovuere e inmò in spiete di justizie.

Luciano, un esempli di militance, coerence e dignitât par ducj, pardabon une persone straordenarie ........