In continuitât cu la miôr tradizion des aministrazions Bordin inte maiorance si continue a barufâ. Intant che il sindic al tâs (a lui ai va simpri ben dut baste no molâ la cjadree) dopo vê let di crisi de maiorance e scomunichis di cjâfs grups e referents de liste "Ieri, oggi e domani per Palazzolo" di bande dal vice sindic Zoroddu (cun relativis sostituzions di Franco D'Altilia e Claudio Braida cun Michele Caoduro e Francesco Filippi) cumò o lein che i components de liste che fasin riferiment a Franco D'altilia e Marina Pizzali (che evidentementri no an la maiorance intal grup dai elets in consei ma a son in stât di esercitâ une leadership di fier jenfri i no-elets) a varessin decretât adiriture la espulsion di Franco Zoroddu, Michele Caoduro, Benito Zago, Antonia Pitton e Francesco Filippi de liste "Ieri, oggi e domani per Palazzolo". Ducje crisi, epurazions, espulsions, cjâfs grup (no si capìs a cjâf di cui ….) ricognossûts e dineâts e dut jenfri components de maiorance e adiriture de zonte di Bordin. E dut sul gjornâl. La liste "Ieri, oggi e domani per Palazzolo" (par capîsi che che a manten la salde maiorance jenfri i no-elets) e a mandât al sindic e ai conseîrs comunâi un "dossier" par documentâ dut l'ambaradan: il dut in pûr politichês, tirant fûr cuestions che no an nuie ce viodi cu le aministrazion, cui citadins e cun Palassôl e continuant a sputanâsi a vicende cui lôr compagns di zonte e consei. Chest al rapresente il livel di dignitât politiche te maiorance e chescj a son i temas che ocupin i pensîrs dai sorestants dal nestri puar paîs. "io ti ho convocato e non tu non sei venuto, tu non sei più capogruppo, no il capogruppo sono io, la lista e mia e la rappresento io, io ti espello, no sono io che espello te". Se nol fos di vaî al sarès veramentri di ridi. Franco Zododdu al puedie restâ vicesindic intune zonte cun Marina Pizzali e Franco D'altilia? Ma chei ca, e il sindic Bordin par prin, no an un pocje di dignitât?
Nessun commento:
Posta un commento