ELEZIONS: AL KURSAAL DI LIGNAN, VUÊ A LIS 18.30, PRESENTAZION UFICIÂL DAL PROGRAM E DES LISTIS A SOSTEGN DI LUCA FANOTTO

PALASSÔL: DOMENIE APERITÎF IN PLACE CUI ELETÔRS

Manuela Romano, candidade sindic e i rapresentants des listis Svolta Democratica e Sin ducj par Palassôl e invidin ducj i citadins di Palassôl a un aperitîf cui eletôrs, domenie ai 17 di avrîl 2011, a lis 12.00, li de sede eletorâl in place Bini. Inte ocasion e vignaran presentâts ducj i candidâts e il program eletorâl.

No stait a mancjâ!

Sul sît www.svoltaperpalazzolo.blogspot.com o cjatàis za online il program e lis dôs listis Svolta Democratica e Sin ducj par Palassôl.

IL CORAÇ E LA COERENCE NO SI VENDIN AL MARCJÂT. PDL, LEGHE E ALEANCE PAR BORDIN: BARUFIS E ACUARDI AL ULTIN MINÛT?

Pdl e Leghe viers un acuardi eletorâl al anuncie il titul di un articul sul Messaggero di îr. Al sarà ancje cussì ae fin ma dome par mancjance di coraç e di coerence politiche. Dividûts su dut, rapuarts personâi al limit de insoference ma ae fin ducj tacâts ae poltrone, l'uniche, vere cole che e ten adun la maiorance. Invezit di cjapâ at des divisions politichis e personâls e lâ ognidun pe sô strade e discutin de composizion de zonte (poltronis); il Pdl al volarès cuatri assessôrs, la civiche Alleanza per Bordin a no volarès Zoroddu, Bordin al è disponibil a gloti cuasi dut e al tente di mediâ jenfri posizions inconciliabilis. Acuardi al ultin minût? Pussibil, ma dome parcè che e mancje un tic di dignitât politiche.

PALAÇÛL: ELEZIONS COMUNÂLS 2011

Te stampe locâl une schirie di notiziis cun rivuart ae competizion eletorâl dal mês di mai pal rinovament dal consei comunâl di Palaçûl.
Sedi tal Messaggero Veneto che tal Gazzettino e vegnin ripuartadis vôs di fastidis e divisions intal cjamp dal centri drete li che la tierce candidature dal leghist Bordin no i garbe masse ai aleâts (fin cumò) dal Pdl. In efiets in chescj agns lis vueris e i dispiets (plui o mancul latentis e in cualchi câs ancje masse evidentis) dentri de aministrazion e son simpri stadis e intal partît di maiorance de coalizion (atuâl) di centri drete al somee che cheste volte, daspò di dîs agns di domini de Leghe, si intindi finalmentri cambiâ.
Intant di che altre bande Manuela Romano sul Messaggero di îr e pant la decision di candidâsi par guidâ un progjet civic alternatîf che al ponte al protagonisim de comunitât e a recuperâ identitât e coesion sociâl.