"ITALIA BENE COMUNE" PROPUESTIS E DISCUSSION CUI CANDIDÂTS A PUCINIE

La coalizion “Italia Bene Comune” us invide a partecipâ al incuintri public inmaneât in ocasion de campagne eletorâl pes elezion politichis che si davuelzarà te sale polifunzionâl di Pucinie (di front ae glesie) sabide ai 16 di fevrâr 2013, aes 17.00. Il titul de iniziative al è “Il Futûr si fâs su dome cun etiche, trasparence, partecipazion e sobrietât: i principiis de buine politiche” e, pe ocasion, trê esponents de societât civîl, Maria Cristina Monti, impleade, Giovanni Zanetti, insegnant, e Maurizio Cesca, funzionari public e dialogaràn cui candidâts Serena Pellegrino (te foto, SEL, in liste pe Cjamare) e Maurizio Ionico (PD, Senât).

 

PRIN TURNI. ANCJE I FURLANS A SIELZIN BERSANI

Ae fin il risultât dal prin turni des primariis dal centri çampe al mande al balotaç Pierluigi Bersani (44,9%) e Matteo Renzi (35,5%). Ancje in Friûl-Vignesie Julie e in Provincie di Udin il segretari Bersani al è indevant. A Palaçûl e an votât in 111. Chescj i risultâts: Bersani 51, Renzi 36, Vendola 13, Puppato 9, Tabacci 2. Apontament a domenie ai 2 di dicembar.

FRIÛL GJAVE DAL NORD-EST?

Interessante cunvigne inmaneade a S. Pieri di bande di Partît Democratic e Çampe Ecologjie e Libertât sul teme de propueste di leç regjonâl cun rivuart a gjavis e risorsis gjeotermichis. Relatôrs i conseîrs regjonâi Brandolin dal PD e Pustetto di SEL.

Frache ca par lei le opinion dal cjâf grup dal Pd in consei regjonâl sul stes argoment.