PRIN TURNI. ANCJE I FURLANS A SIELZIN BERSANI

Ae fin il risultât dal prin turni des primariis dal centri çampe al mande al balotaç Pierluigi Bersani (44,9%) e Matteo Renzi (35,5%). Ancje in Friûl-Vignesie Julie e in Provincie di Udin il segretari Bersani al è indevant. A Palaçûl e an votât in 111. Chescj i risultâts: Bersani 51, Renzi 36, Vendola 13, Puppato 9, Tabacci 2. Apontament a domenie ai 2 di dicembar.

DOMENIE. VISAISI.

Domenie ai 25 di novembar, da lis 8.00 a lis 20.00, in dute Italie si votarà par sielzi il candidât de coalizion di centri çampe aes elezions 2013.

A Palaçûl seç e ufici eletorâl si cjataran alì de sede dal Partît Democratic, in Place Bini.

Lait a viodi su www.pd.udine.it par cjatâ ducj i seçs in provincie di Udin e ancje su http://www.primarieitaliabenecomune.it/ par vê plui informazions.

ADEUS TONI

23/09/1943 - 25/03/2012

"Cumò Tristan al è strac pardabon, nol à plui flât, si lu sint, al varès voie di durmî, ma no il sium curt di une iniezion, a lunc, come che al a di jessi lunc il sium cal compense la fature di vê vivût"

Antonio Tabucchi

JACUME: RATIFICADE LA CJARTE EUROPEANE PES LENGHIS DI BANDE DAL GUVIER TALIAN

Ripuartin la notizie dal blog dal Comitât 482:

Intant de riunion dal Consei dai ministris di îr, tra la istituzion de fieste pal inovâl de "unitât de Italie", l'aument dai podês dal esecutîf e un percors facilitât pal cumierç di armis, il guvier Monti al à ratificade la Cjarte europeane pes lenghis regjonâls o minoritariis (1992). Si trate di un dai documents di fonde pal rispiet dai dirits linguistics des comunitâts minorizadis che il stât talian al veve firmât agns indaûr, ma nol veve po ratificât. Là che, la mancjance de ratifiche, e impedive di meti in vore i principis de Cjarte intal stât talian. Tant par fâ un esempli, la mancjance de ratifiche e jere stade doprade (in maniere dal dut strumentâl e cence fondis) par motivâ il fat che la RAI no meteve in vore la leç statâl 482/99 che e garantìs spazis pes lenghis minoritariis ricognossudis dentri dal servizi radiotelevisîf public. A son coventâts cetancj agns, ma cumò la ratifiche de Cjarte e je rivade: jacume! Magari cussì no, cheste biele gnove e rive distès a lassânus la bocje garbe. Cun di fat, cemût si podaraial rispietâ i principis e i contignûts de Cjarte cuant che il strument principâl par fâlu, ven a dî - daûr des stessis peraulis jessudis îr de bocje dai rapresentants dal guvier talian - la leç statâl 482/99, al è aromai cuasi cence risorsis propit par vie dai tais decidûts dal guvier Monti? Chel istès, par cjalâ chê altre muse de medaie, o podìn dî che cu la ratifiche de Cjarte o vin une arme in plui pe nestre lote e, pôc ma sigûr, no mancjarìn di doprâle.

GNÛFS TALIANS E GNÛFS FURLANS E CRESSIN: "18 AGNS IN COMUN"

Dopo la adesion ae Campagne “L’italia sono anch’io” di bande dal Partît Democratic Provinciâl di Udin e continue la organizazion di iniziativis e bancuts di racuelte firmis. Cjalait ca la letare inviade ai aministradôrs e ai segretaris di circul di bande di Lorenzo Fabbro par cont de segretarie provinciâl. Jenfri lis buinis pratichis segnaladis sul sît de campagne nazionâl e je ancje chê che a proviôt che i sindics a mandin ai zovins nassûts in Italie che e fasin 18 agns une letare par informâju de pussibilitât di domandâ la citadinance taliane dentri dal an seguitîf. Cheste buine pratiche e jere za stade auspicade di bande dal Forum Imigrazion dal Partît Democratic dal Friûl-Vignesie Julie intal passât mês di lui. Cumò o segnalin la impuartante iniziative de Anci (Associazion Nazionâl Comuns Talians) adun cu lis associazions “Rete G2-Seconde Generazioni” e “Save the Children” che e an scrit a ducj i Comuns Talians par domandâi di aderî a "18 anni in Comune". Lait a lei ca dutis lis informazions.

L'ITALIA SONO ANCH'IO! DUCJ A FIRMÂ PAR CAMBIÂ LIS LEÇS SU LE CITADINANCE E SUL VÔT PAI CITADINS IMIGRÂTS

Ancje in Regjon a si è metût adun un Comitât par sapontâ la Campagne Nazionâl "L'Italia sono anch'io" puartade indevant di 18 organizazions de societât civîl (Acli, Arci, Asgi-Associazione studi giuridici sull’immigrazione, Caritas Italiana, Centro Astalli, Cgil, Cnca-Coordinamento nazionale delle comunità d’accoglienza, Comitato 1° Marzo, Emmaus Italia, Fcei – Federazione Chiese Evangeliche in Italia, Fondazione Migrantes, Libera, Lunaria, Il Razzismo Brutta Storia, Rete G2 - Seconde Generazioni, Tavola della Pace e Coordinamento nazionale degli enti per la pace e i diritti umani, Terra del Fuoco, Ugl Sei, Carlo Feltrinelli Editore).

In particolâr ancje il comitât dal Friûl Vignesie Julie al intint promovi la racuelte di firmis a sostegn des dôs propuestis di leç di iniziative popolâr : “Normis pe partecipazion politiche e aministrative a pal dirit di eletorât cence discriminazions di citadinance e nazionalitât” e modifichis ae leç N.91/92 “Gnovis normis di citadinance”.

I tescj des propuestis di leç si puedin visionâ sul sît: http://www.litaliasonoanchio.it/

La campagne regjonâl “L’Italia sono anch’io” e vignarà presentade in maniere uficiâl ai 15 di otubar; la racuelte des firmis intant a è tacade e lis adesions al comitât di bande di associazions, clapis e moviments politics e je pussibile e auspicade.

Il comitât regjonâl al è presint ancje su facebook .

A CHEI DE BARETE NISSUN AI LA PETE

06.09.2011 SIOPAR GJENERÂL

In place a Udin e in dute Italie cu le CGIL

30.05.2011

30.05.2011

ROME 11.12.2010: UNE BIELE PLACE

Fracait achì par scoltâ il discors dal segretari Bersani ae manifestazion di Rome dai 11 di dicembar. Une biele zornade, une biele place.

Ancje noaltris o jerin là.

AI 11 DI DICEMBAR SI VA' A ROME

Trenitalia e a comunicât al Partît Democratic i oraris pal treno speciâl organizât in ocasion de manifestazion nazionâl dai 11 di dicembar a Rome: partence di Triest a lis 22.40 di vinars (10.12.20101) e fermadis a Monfalcon (23.07), Gurize (23.43) e Udin (00.17).
Il treno, che nol fasarà altris fermadis, al rivarà a Rome, Stazion Ostiense, a lis 9.25.

Di Plaçâl dai Partesans (Piazzale dei Partigiani) a si inviarà un dai doi corteus de manifestazion che al rivarà in Place San Zuan (Piazza San Giovanni).

Il discors dal segretari Bersani si proviôt tor 15.30.
Par tornâ indaûr, partence (orari indicatîf) de Stazion Ostiense tor lis 19.00 di sabide e rivade in Friûl inte matine di domenie.
Par notâsi al è timp fin ai 9 di dicembar: lait su http://www.pdfriuli.it o clamait il 0432 531173.

AI 11 DI DICEMBAR ANCJE IL PD FURLAN A ROME

Ancje il Pd furlan ai 11 di dicembar al sarà a Rome pe manifestazion nazionâl “Con l’Italia che vuole cambiare”.

Prenote daurman il to puest. Achì.