Si sta inviant viers la conclusion la Campagne Nazionâl pai dirits di citadinance "L'Italia sono anch'io". Ancje te nestre Regjon il Comitât pal Friûl-Vignesie Julie al à tirât sù lis firmis a sostegn di dôs propuestis di leç di iniziative popolâr: "Normis pe partecipazion politiche e aministrative e pal dirit di eletorât cence discriminazions di citadinance e nazionalitât" e modifichis ae leç N.91/92 "Gnovis normis di citadinance". Joibe stât il responsabil imigrazion de segretarie provinciâl dal Partît Democratic Lorenzo Fabbro al à consegnât ai rapresentants dal Comitât, li de Cgil di Udin, plui di 600 firmis cjapadis sù dilunc di une schirie di iniziativis inmaneadis sul teritori di bande dal Pd. Te stesse ocasion, Fabbro e il segretari provinciâl Andrea Lerussi e an pandût la condivision dal partît cun rivuart ae manifestazion organizade dai sindacâts par protestâ cuintri la gnove tasse par rignuvî il permès di permanence. Lei il comunicât sul sît dal Pd provinciâl.
2 commenti:
600 firmis? Nancje ducj i iscris al pd.
@ anonim: ti pareve, velu ca ..... ma tu âstu firmât ..... âstu fat cualchi iniziative a pro dai dirits di citadinance ..... âstu organizât cualchi bancut .... o menistu il poleâr dome par lassâ coments anonims ator pai blogs? :-)
il pd al à aderît a cheste impuartante iniziative politiche in linie cui soi principis e chest al è impuartant. si podevial fâ miôr cu lis firmis ... sigûr, ma o spieti di savê cuâl partît in provincie di udin al à fat di plui. magari che an fossin .....
Posta un commento