AI 30 DI MARÇ A PALAÇÛL IL PRIN APONTAMENT DE RASSEGNE DE ANPI “RESISTENZE 2012”

ALESSANDRA KERSEVAN A "PORTA A PORTA" PAR FEVELÂ DI FOIBIS E LAGER FASSISCJ

Lunis ai 13 di fevrâr e larà in onde su Rai Uno une pontade de trasmission Porta a Porta dedicade a la Zornade dal Ricuart e in particolâr a lis foibis, ai cjamps di concentrament fassiscj e a la storie dal confin orientâl. In studi e sarà presinte la storiche Alessandra Kersevan di Udin. Une pontade di no pierdi.

"VOCI DALL'INTERNO DEL CAMPO": ZORNADE DE MEMORIE A CJARLINS

La sezion Anpi Cjarlins-Maran, in colaborazion cul Comun di Cjarlins, in ocasion de Zornade de Memorie 2012 e invide a partecipâ ae serade che si davuelzarà sabide ai 28 di zenâr, a lis 20.30, alì de sale parochiâl di Cjarlins. Daspò de introduzion e dai salûts di Marco Balestra, president provinciâl Aned, al vignarà presentât il spetacul teatrâl "Voci dall'interno del campo" ispirât dal libri di Alessandra Kersevan "Un campo di concentramento fascista Gonars nel '42-'43" ed. Kappa-Vu.

ZORNADE DE MEMORIE: INIZIATIVE DE ANPI DI CJARLINS E MARAN

In ocasion de zornade de memorie 2011 la sezion Anpi di Cjarlins/Maran us invide a partecipâ al incuintri public "I cjamps di concentrament in Friûl: Gonars e Visc" che si devuelzarà domenie ai 30 di zenâr, a lis 10.00, alì de sale "Vecia Pescheria" a Maran. E son proviodûts intervents dai storics e ricercjadôrs Alessandra Kersevan e Ferruccio Tassin e dal sindic di Udin Furio Honsell. Sabide ai 29 e domenie ai 30 di zenâr, simpri lì da "Vecia Pescheria" a si podarà visitâ une mostre sul cjamp di concentrament di Gonars. Oraris di visite: 10.00-12.00 e 15.00-19.00.

ZORNADE DE MEMORIE 2011: CUL PD DI BASILIAN PAR NO DISMENTEÂ

Te ocasion de zornade de memorie 2011 il circul dal Partît Democratic di Basilian al à inmaneât un incuintri par no dismenteâ fats, patiments e responsabilitâts.
L'apontament al è par joibe ai 27 di zenâr, aes 20.30, alì de sale cunvignis di Villa Zamparo, in Vie Rome a Basilian.
Ca sot il program:
Introduzion di Marco Del Negro
Intervents di Alessandra Kersevan "Il cjamp di concentrament di Gonârs", Ferruccio Tassin "Il cjamp di concentrament di Visc" e Guido Sut "Il cjamp di concentrament di Vilevuarbe"