1945/2013 - ANCJEMO' RESISTENCE. BON 25 DI AVRÎL A DUCJ!

la formazion gap dai "diavoli rossi"

di gelindo citossi "romano il mancino"

in pîts, al centri, duilio fabbro "premoli" di palaçûl

RESISTENZE 2013: "CJARGNE 1944: UNE ESTÂT DI LIBERTÂT" TES SCUELIS DAL ISTITÛT COMPRENSÎF DI PALACÛL

Vuê di buinore il tierç apontament de rassegne de ANPI "Resistenze 2013" : proiezion dal film documentari "Carnia 1944: un'estate di libertà" intal Istitût Comprensîf di Palaçûl. Incuadrament storic dal prof. Flavio Fabbroni de Anpi di Udin. Un grazie di cûr ai dirigjents, ai insegnants e ai arlêfs ..... une biele esperience di ripeti in curt.

 

 

FIESTE DAI 3 DI AVRÎL: LA FIESTE DAL FRIÛL, LA FIESTE DI DUCJ

Tancj auguris a dutis/ducj pe Fieste dal Friûl. Us invidìn a partecipâ aes tantis iniziativis che si davuelzaràn un pôc pardut e, pe ocasion, us invidin a lei un editoriâl une vore biel di Renzo Balzan, publicât intal ultin numar di Ladins dal Friûl. Tes peraulis di Renzo o ricognossin cetantis olmis di che co volaressin fâ sù: Un Friûl diferent.

 

 

DAL TIMÂF A LA LIVENCE

3 di Avrîl: la fieste di ducj

Tal inovâl dai 736 agns di fondazion de Patrie dal Friûl 3 di Avrîl 1077 - 3 di Avrîl 2013, za fa 936 agns e nasseve la Patrie dal Friûl. Vadì che “La Fieste dai 3 di Avrîl” al è un fat storic, par vie che l’acjadiment che al è ae sô fonde e je une realtât dal secul XI, cun conseguencis duradis centenârs di agns, che a àn mantignût la lôr vitalitât fint ai nestris dîs. La celebrazion di cheste dade si è trasformade intune cerimonie uficiâl, ae cuâl a partecipin diviersis istituzions, dai Comuns aes trê Provinciis furlanis di Pordenon, Gurize e Udin, une des cuâl e ricuarde il 3 diAvrîl ancje tal propi Statût.

Dut câs cheste fieste no je mai stade uficializade, tal sens che no esistin leçs che a proclamin une “Fieste Nazionâl dal Friûl”. Pensade, inventade e volude di chel predi “rivoluzionari” che al è stât Pre Checo Placerean tal 1977, planc planc e sta invezit cuistant i contignûts di une fieste de int, con moments culturâi e di rievocazion storiche, se no fintremai di fieste popolâr, cence che par altri l’intîr popul furlan indi vegni coinvolt (de Cjargne a Puart, di Pordenon a Gurize, di Udin a Sapade/Plodn). Dispès in cheste ocasion, come in altris darest, al semee che il 3 di Avrîl e sedi une cjosse presint dome tal Friûl centrâl e in Cjargne, o sei dome in chei teritoris dulà che la fevelade furlane e je inmò presint. In ogni câs, no si po dineâ che a diviers livei si vebi almancul une cualchi cussience di ce che al è il 3 di Avrîl. Cuant che Pre Checo, e il grop dai predis di Glesie Furlane che a jerin cun lui, indi àn fevelât pe prime volte, tal 1977, vâl a dî juste a 900 agns dal diplome imperiâl di Indrì IV che al concedeve il Ducât dal Friûl al Patriarcje Sigjeart, si è doprade la espression “fieste”, volint intindi l’inovâl di une memorie di gjonde, di sperance, di spirt di identitât, di voie di rinassince intun avignî in miôr. O jerin, in fats, intai moments intrigôs dal daspò taramot e dai ferments plui vivarôs pe autonomie, la lenghe, il svilup economic e sociâl, la brame di une universitât autonome e dut chest al vignive vivût come une smire insiemit culturâl e politiche par une Friûl aromai madressût, cussient, libar di cjapâ lis decisions plui adatis ae propie indole e vocazion, ben inlidrisât inte sô storie e daviert aes sfidis dal presint.

Dal 1977 a vuê di agns a ’nd è passâts, Pre Checo Placerean, Pre Antoni Beline, Pre Pieri Londar e altris furlaniscj storics no son plui cun nô, magari cussì no, e la lôr mancjance si la sint cetant. Si sint che e mancje la grinte e l’entusiasim di chescj personaçs. Si rindisi cont che la “Cuestion Furlane” e je lade a finîle intune sorte di sgjarpie di dulà che e stente a diliberâsi. Par esempli al è dificil, vuê, distacâ la cuestion de autonomie e de tutele linguistiche dal rest dai problemis che si stan proponint: problemis di ocupazion, soredut di ocupazion dai zovins e des feminis, di imigrazion, di integrazion, di ambient e di paisaç, di viabilitât, di sparagn e di aument dai presits, di scuele, di spazis par fâ culture, di pluralitât e diplurilinguisim.

Ma, soredut, cuale imagjin di popul furlan vino nô vuê e dino a no stes, a cui che al ven a vivi chenti, a cui che nus vualme di fûr regjon? Cui sono dabon i Furlans vuê? Resonant di 3 di Avrîl, al è just che si feveli di lenghe, di culture, di autonomie, ma ancje di societât e di ambient dulà che la lenghe ladine dal Friûl si fevele,dulà che si vîf, dulà che si progjete o ben si paidìs ilfutûr. L’om furlan, la femine furlane, il frut furlan, l’anzian furlan: cemût vivino, cemût pensino, cemût si metino in rapuart cun chei altris? E par chei altris no vin di intindi chei che a loghin al di là des monts, o dal Timau e de Livence, ma chei altris che a stan rivant chenti, chei altris che a son bielzà rivâts chenti di agns in ca. Cetancj di chescj si sintino integrâts e ben acolzûts. Se a son nassûts achì, si sintin fintremai Furlans a ducj i efiets, ancje par vie che a fevelin pulît la nestre lenghe, dispès miôr di tancj dai nestris. Ma scoltant lis esperiencis di feminis e di oms, zirant pai nestris paîs, leint i gjornâi, o sintin inmò storiis di separazion e di esclusion, pal colôr de piel, pe diviersitât de divignince, pe diviersitât di religjon e di lenghe. Chest dal sigûr no nus fâs gran onôr.

In chescj moments cussì dificii, massime par chel che al rivuarde i puescj di lavôr, a son cuestions reâls, che dal sigûr a saran ogjet di dibatit e di discussion, ma che dut câs no puedin jessi assents intune vision globâl e complete dal nestri jessi Furlans vuê. Se fieste e à di jessi, il 3 di Avrîl al à di vierzi lis sôs puartis a dutis lis problematichis esistints, in maniere che lis justis aspirazions ae autonomie, al autoguvier, ae autodeterminazion, ae tutele e ae incressite de nestre lenghe mari, al svilup sostignibil, a cjatin il teren plui adat par cressi e par sperâ che si puedin tradusi in realtât. Une realtât, finalmentri, il plui pussibil condividude, di chei che a fevelin par furlan e par sloven, par todesc e par talian, di cui che al è rivât achì di nô di pôcs o di tancj agns. Il Friûl al è stât di simpri une beorcje di lenghis e di culturis, e dal sigûr lu jere ancje tal 1077 cuant che al è deventât un Stât indipendent che al è durât fint al 1420. Par chest o vin di fâ in mût che la “Fieste dai 3 di Avrîl” e deventi la fieste di ducj. (renzo balzan)

"RESISTENZE" IL SECONT APONTAMENT: LA PARTIGJANE FURLANE Y LOS NIÑOS REBELDES DI GUIDO CARRARA

 

Vinars, ai 29 di març 2013, aes 20.30, alì de Cjase dal Marinaretto di Palaçûl, si davuelzarà il secont apontament de rassegne "Resistenze 2013". Dilunc de serade, inmaneade di bande de ANPI adun cun diviersis associazions dal teritori, a vignaran presentâts i libris a fumuts "Angelina, una storia partigiana" e "Il grido del sapo" di Guido"Quisco" Carrara e Raff BB Lazzara.  Lis dôs iniziativis editorialis de Anpi di Tarcint/Tresesin e de Bande Tzingare nus contin, cuntune modalitât e un lengaç no convenzionâi dôs resistencis; il fîl ros jenfri la storie de partigjane furlane e chê visionarie dai fruts ribei de Americhe Latine che lotin cuintri il sfrutament dai adults e dal "sisteme" a rapresentin pai organizadôrs une ocasion di no pierdi par alimentâ la memorie ma ancje par dâ vôs ai ultins che inmò vuê, par doprâ lis peraulis di Guido Carrara, "a esistin e a resistin". Vinars, dopo la introduzion di Lorenzo Fabbro, Gabriella Cecotti a dialogarà cui autôrs intant che Mauro Daltin e Simone Ciprian de "Bottega Errante" e learan cualchi toc leterari intervalât des cjançons "resistentis" dal Coro Popolâr de Resistence di Udin e dai Luna e un Quarto. Une mostre des riproduzions e di cualchi taule origjinâl dal "Grido del sapo" si podarà visitâ par un pâr di setemanis intai oraris di vierzidure dal centri di agregazion pai zovins Art Port.

CIRINT LIS PERAULIS

LIS LOTIS DAL CORMÔR: ANCJE A UDIN CONTÂ PAR NO DISMENTEÂ

6/7/2012 - LIS LOTIS DAL CORMÔR A PALAÇÛL

Inte suaze de rassegne “Estât, aghis e storiis” il Comun di Palaçûl, la Associazion Culturâl Emilio Nardini e Radio Onde Furlane us invidin a partecipâ al spetacul:

LA MEMORIE, DOPO LA LIBERAZION LIS LOTIS PAL LAVÔR
1950, la Basse Furlane a jeve il cjâf: LIS LOTIS DAL CORMÔR

Vinars ai 6 di lui, a lis 21.00, in Place Luigi Bini a Palaçûl

Introduzion di Lorenzo Fabbro e Adriano Venturini, videointervistis ai protagoniscj, leturis di Maurizio Mattiuzza e incursions musicâls dai Luna e Un Quarto.“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

LÛCS, STORIE, MEMORIE E TERITORI: IL PROFUM DAL PAN

Cjâr amì/amie, ti invidi a partecipâ ae presentazion dal libri "Il profum dal pan" che si davuelzarà sabide ai 30 di jugn, aes 18.00, alì de sale civiche di Villa Muciana a Muçane.
Un libri, une ocasion par cjatâsi jenfri citadins, aministradôrs, associazionisim e mont de culture par resonâ su la storie e la identitât de Basse Furlane ma ancje par pensâ al futûr.
Il mont dai Mulins, la societât rurâl e contadine, la seconde vuere mondiâl, i rapuarts tra l'om e il teritori.
O conti su la tô partecipazion e intant ti saludi cuntun mandi di cûr.
Cristian Sedran.

Dopo la presentazion o restarin in compagnie par gjoldi de musiche sfolmenade dai Luna e un Quarto e par cerçâ il pan cuet intal for a lens secont la ricete dal Mulin e la bire Zahre di Sauris.

1/6/2012 - AQUILEE - TORNÂ A CONTÂ PAR NO DISMENTEÂ: 1950. LIS LOTIS DAL CORMÔR, DOPO LA LIBERAZION LIS LOTIS PAL LAVÔR

SECONT APONTAMENT DI "RESISTENZE 2012": CUANT CHE I FORESCJ O JERIN NOALTRIS E LA CAMPAGNE "L'ITALIA SONO ANCH'IO"

1976

06 maggio 1976 - 06 maggio 2012

29/04/2012: A FAEDIS SUL TROI DAI NÎTS DI RAGNS

Il Comun e l’Anpi di Faedis us invidin ae inaugurazion de Mostre “Il troi dai nîts di ragns. Un om, un partigjan”. Fotografis di Danilo De Marco.

Cjistiel di Zucco - Faedis (Ud)

Domenie ai 29 di avrîl 2012, a lis 10.30

Leturis di Massimo Somaglino

Oraris di viertidure de mostre:  dai 29 di avrîl ai 26 di avost 2012, sabide, domenie e dîs di fieste da lis 10.00 a lis 19.00

UDIN 20/04/2012 “RICUARDÂ PAR JESSI. ANTIFASSISIM E RESISTENCE AL FEMININ”

La Comission Pari Oportunitâts dal Comun di Udin e l’ANPI di Udin us invidìn a un incuintri public sul teme “Ricuardâ par jessi. Antifassisim e Resistence al feminin” che si davuelzarà vinars ai 20 di avrîl a lis 18.00 alì de Sale Ajace in Place Libertât a Udin.

Program

Salûts dal Sindic di Udin Prof. Furio Honsell

Intervents di Marisa Ombra, Vice Presidente Nazionâl ANPI, Marisa Ferro, Segretarie Nazionâl ANPI, Anna Vinci, Societât Taliane des Storichis

Coordenament di Monica Emmanuelli, ricercjadore storiche

Te ocasion al vignarà presentât il libri di Flavio Fabbroni “Donne e ragazze nella Resistenza in Friuli” e si pandarà la iniziative de ANPI pe realizazion di un monument ae Femine Partigjane te Citât di Udin.

In sierade la rapresentazion “Diaris di gjemis e tampiestis. Sclesis dai diaris des Feminis de Resistence” par cure di Aida Talliente (leturis) Leo Virgili (musichis)

Par info:

pariopportunita@comune.udine.it tel. 0432 271 959 o ANPI Udin tel. 0432 504 813

ÇUIAN 13/04/2012: MEMENTO MARI

AI 30 DI MARÇ A PALAÇÛL IL PRIN APONTAMENT DE RASSEGNE DE ANPI “RESISTENZE 2012”

DOPLI APONTAMENT "RESISTENT" A RUDE

La Biblioteche "Luigi Chiozza", l'Assessorât ae culture dal Comun di Rude e la Sezion ANPI di Rude us invidin ae presentazion dal libri di Irene Bolzon "Repressione antipartigiana in Friuli - La Caserma Piave di Palmanova e i processi del dopoguerra" che si davuelzarà sabide ai 3 di març 2012, a lis 18.30, alì de sale consiliâr dal Municipi di Rude.

Il program al proviôt la introduzion di Bernardino Spanghero, vice president de A.N.P.I. provinciâl e daspò i intervents di Alessandra Kersevan, storiche e editore de Kappa Vu , di Paolo Ferrari, docent di storie contemporanie ae Universitât di Udin e di Irene Bolzon, autore dal libri e dotorande in storie ae Universitât di Udin.

Us ricuardin ancje l’apontament di Sacilet par domenie ai 4 di març a lis 10.30, cun partence dal corteu dal parc Formentini o drets alì de Place La Spessa a lis 10.45 par memoreâ i partigjans de Intendence Montes e de GAP fusilâts dai fassiscj intal fevrâr dal ’45. Il program de cerimonie al proviôt il salût dal Sindic, intervents dai arlêfs des scuelis di Tierç e di Rude e contribûts musicai dal Coru Multifariam e de Bande Mandamentâl di Çarvignan. La orazion conclusive e sarà dal senatôr Luciano Guerzoni, vice president nazionâl de ANPI.

ALESSANDRA KERSEVAN A "PORTA A PORTA" PAR FEVELÂ DI FOIBIS E LAGER FASSISCJ

Lunis ai 13 di fevrâr e larà in onde su Rai Uno une pontade de trasmission Porta a Porta dedicade a la Zornade dal Ricuart e in particolâr a lis foibis, ai cjamps di concentrament fassiscj e a la storie dal confin orientâl. In studi e sarà presinte la storiche Alessandra Kersevan di Udin. Une pontade di no pierdi.

CJAMP DI CONCENTRAMENT DI VISC. TASSIN: MEMORIE E VERGOGNE

Nus è rivade cheste letare dal prof. Ferruccio Tassin che e fevele di memorie, vergogne e ipocrisie cun rivuart al cjamp di concentrament di Visc.  La publichin ben vulintîr.

Chi ha ascoltato gli interventi dell’anno scorso per la giornata della memoria (chi scrive, in registrazione), avrà apprezzato le preghiere; pel resto, tenebra su quanto successo in Friuli, a Visco (UD). Morti potrebbero esserci, perché andati a nidi sugli alberi, e caduti. Fascismo razzista, assassino, feroce avversario dell’identità, in quelle “analisi”, passato indenne come salamandra il fuoco. Non si è saputo: morti, deportati, erano venuti dall’ex Jugoslavia nel 1943. Si erano salvate le preghiere: Quest’anno ha parlato uno storico onesto, il prof. Stefano Perini; gran bene. Gronda di ipocrisia la giornata della memoria a Visco: il Comune snobba la presenza fisica nell’unico campo fascista in Italia, vincolato nell’intatto cuore logistico, dalla Soprintendenza. Là non si va; chiamati i pompieri: c’è pericolo. A causa di chi? Perché non chiamare i Carabinieri, a esaminare se le nefandezze non ledano forma e sostanza, del decreto Urbani (prove esistono). Perché non dire che a rendere agibile l’area, ci vorrebbe poco (fortezza di Palma pulita da amministratori capaci!)?  e che, quando risuonarono in sala consiliare parole di negazione, l’attuale giunta (allora presente) nulla obiettò. Perché non dire che il monumento, eretto dalle vittime, è sepolto dalle erbacce, incivile vergogna europea? L’ accennare a generica memoria “fa immagine”, ma servirsene è ipocrita? Perché non adottare, almeno, un silenzio pudico e vergognoso?.

Il coordinatore della Associazione Culturale Vischese “Terre sul Confine”

Prof. Ferruccio Tassin

"VOCI DALL'INTERNO DEL CAMPO": ZORNADE DE MEMORIE A CJARLINS

La sezion Anpi Cjarlins-Maran, in colaborazion cul Comun di Cjarlins, in ocasion de Zornade de Memorie 2012 e invide a partecipâ ae serade che si davuelzarà sabide ai 28 di zenâr, a lis 20.30, alì de sale parochiâl di Cjarlins. Daspò de introduzion e dai salûts di Marco Balestra, president provinciâl Aned, al vignarà presentât il spetacul teatrâl "Voci dall'interno del campo" ispirât dal libri di Alessandra Kersevan "Un campo di concentramento fascista Gonars nel '42-'43" ed. Kappa-Vu.

5.1.2011

Doi events impuartants e emozionants vuê dopomisdì a Udin: a lis 15.30 il tribût a Tina Modotti pal inovâl de sô muart alì de sô cjase nadâl di Borc Praclûs cun tancj artiscj e tante, tantissime int e, a lis 18.00 in sale Ajace, la consegne dal sigjîl de citât a Guerrino Ceccotti di bande dal Sindic Furio Honsell. Pai siei otante agns une biele sodisfazion ma Guerrino, che intal so intervent zuiât sul fîl de memorie par rivâ ae atualitât al à ricuardât ancje lis Lotis dal Cormôr e chês dal Cotonifici Udinês, si la meretave dute.