RESISTENZE 2013: "CJARGNE 1944: UNE ESTÂT DI LIBERTÂT" TES SCUELIS DAL ISTITÛT COMPRENSÎF DI PALACÛL

Vuê di buinore il tierç apontament de rassegne de ANPI "Resistenze 2013" : proiezion dal film documentari "Carnia 1944: un'estate di libertà" intal Istitût Comprensîf di Palaçûl. Incuadrament storic dal prof. Flavio Fabbroni de Anpi di Udin. Un grazie di cûr ai dirigjents, ai insegnants e ai arlêfs ..... une biele esperience di ripeti in curt.

 

 

COGNOSSI PAR RESISTI. DÎS LEZIONS SU FASSISIM, ANTI FASSISIM, RESISTENCE

La ANPI di Udin, in colaborazion cun ANED e Istitût Furlan pe Storie dal Moviment di Liberazion, e a inmaneât un cors di formazion sul teme de Resistence viert a ducj i interessâts. Il cors, “Cognossi par resisti. Dîs lezions su fassisim, antifassisim, resistence” si tignarà te sede de ANPI in viâl Ungheria 10 a Udin e al sarà articolât in dîs apontaments a partî di lunis ai 19 di novembar 2012.

Par cognossi il program complet e vê plui informazions fracait achì.

Par iscrizions: ANPI di Udin. tel. 0432 504813 e-mail: anpiudine@gmail.com

ZUAN MINUT. TIERE E LIBERTÂT: STORIE DI UN RIVOLUZIONARI FURLAN

 

La fondazion Valmi Puntin, lis sezions ANPI di Aquilee e de  Basse Furlane, la Leghe SPI CGIL di Aquilee e la AUSER Basse Furlane, in colaborazion cul Centri di documentazion e ricercje “L. Gasparini” us invidin a partecipâ ae presentazion dal libri di Federico Snaidero  “Giovanni Minut. Terra e libertà: storia di un rivoluzionario friulano” che si davuelzarà vinars ai 16 di novembar, a lis 20.30, alì dal Municipi di Aquilee.

Te opare Snaidero al delineie  il profîl biografic di une personalitât jenfri lis plui impuartantis e rapresentativis de storie furlane dal secul passât, la ricostruzion di une vicende personâl e politiche che e a traviarsât il ‘900, de Grande Vuere ae stagjon des lotis contadinis te Basse, dal avent dal fassisim ae emigrazion in Americhe Latine.

E parteciparan Federico Snaidero, autôr de publicazion, Giancarlo Bertuzzi, President dal Istitût Regjonâl pe Storie dal Moviment di Liberazion di Triest e Dario Mattiussi, President al Centri di documentazion e ricercje “Leopoldo Gasparini di Gardiscje.

Vie pe serade e sarà ricuardade ancje la figure di Renato Jacumin che intal 1974 al publicà un dai prins saçs dedicâts a lis lotis agrariis intal Friûl orientâl.

Gjavât fûr di Pup, Carli 2006: Memoriis platadis. Olmis di storie te narative popolâr furlane.Feagne: Edizions Associazion Culturâl “El Tomât”

Zuan Minut (1895 – 1967)

Giovanni Minut (dispès clamât Zovanin o, a pont, Zuan) al jere nassût a Visc ai 26 di Dicembar dal 1895 di une famee contadine. Di zovin al frecuente la scuele serâl agrarie di Gurize e cuant che e sclope la prime vuere mondiâl si ricjate cu la divise austriache, prime tes retroviis dal Friûl orientâl e po sui confins a soreli jevât dal Imperi. “Arlêf ” di une figure interessante di socialist e artist come Rodolfo Del Mestri [1], finide la vuere, si bute ad in plen inte militance politiche, ma soredut sindacâl prime cul partît socialist e po, cu la crevadure dal ’21, cui comuniscj. La sô passion, la sô preparazion e la sô capacitât oratorie lu puartin in curt a deventâ segretari de Federazion Provinciâl dai Lavoradôrs de Tiere, la leghe rosse dai contadins ative intal ex Friûl imperiâl [2]. Lu cjatìn protagonist intes lotis dai contadins e dai sotans dal Friûl orientâl che si cjatin a fâ i conts cuntune azion simpri plui agressive dai latifondiscj e dai proprietaris locâi e cuntun cambiament politic e aministratîf traumatic (cheste zone dal Friûl e jere stade, di fat, sot dal Imperi austriac par almancul cinc secui). Il partît popolâr che, fintremai la vilie de vuere, al jere stât il pont di riferiment de grande part de popolazion, acusât di jessi austriacant al ven perseguitât cun fuarce e i siei dirigjents principâi, tant che Faidutti e Bugatto, a son obleâts al esili. Ancje lis concuistis sindacâls e sociâls otignudis prin de vuere a vegnin metudis in discussion dal gnûf ordin politic che tai prins agns, intes gnovis provinciis, si poie, di fat, su comissaris nomenâts inaltrò e su la aministrazion militâr [3]. In curt al devente un dai personaçs plui cognossûts dal Friûl orientâl e un dai plui amâts de int. La sô figure e cjate un rivoc grues ancje su “Il Lavoratore della Sera”, cuotidian dai socialiscj stampât a Triest, là che al ven sorenomenât “il pridicjadôr socialist” e presentât come “il giovane compagno Minut che nelle riunioni fevele simpri furlan”. Minut, di fat, al fevele simpri par furlan ancje tai siei comizis e, ancje par chest, si cjate a ce fâ dispès cui carabinîrs che i proibissin di fevelâ te sô lenghe, come che i capite tal Març dal 1920 a Lonzan. Cuant che po, tal Mai di chel stes an, al ven arestât a Tierç tant che al cîr di fermâ i carabinîrs che a vuelin secuestrâi il fen a di un contadin, si discjadene il montafin. No coventin il stât di emergjence proclamât des autoritâts e nancje i reparts di ardîts mandâts a ocupâ i ponts strategjics, parcè che i lavoradôrs de tiere, ma ancje i operaris di Monfalcon si movin par liberâ il lôr “eroi”. Minut al pant un amôr totâl pe sô lenghe, pe sô tiere e pe sô int, che si pues viodi ancje tun librut di poesiis publicât tal 1921, [4] là che al jes dai schemis de poesie furlane in vore ta chei agns, sei dal pont di viste stilistic, sei di chel dai contignûts (cun tescj di denuncie sociâl e antimilitariscj). La jessude di cheste publicazion i discjadenarà cuintri dute la asse di une cierte part dal mont culturâl furlan che al judicave scandalôs sei il so stîl di roture, sei i siei argoments. Tal 1923 al emigre in Sud Americhe, prime in Argjentine e po in Uruguay, là che si fasarà un non te industrie dal lat. A obleâlu a cheste sielte e je la campagne difamadorieinviade cuintri di lui, no dome dai siei aversaris politics, ma ancje, e in maniere fintremai plui feroce, dai siei ex compagns socialiscj daspò de decision di passâ cui comuniscj. A cheste situazion si zontin lis violencis simpri plui pesantis cuintri di lui e de sô famee de bande dai fassiscj. Ancje Minut, duncje, come tancj altris militants antifassiscj al scugne cjapâ la strade amare dal esili.

[1] Par savê alc di plui su Del Mestri e sui siei rapuarts cun Minut si rimande al libri di: TASSIN, FERRUCCIO: Artist. Gorizia: Comune di Visco.

[2] Su la ativitât di Minut inte suaze politiche e sindacâl di chei agns intal Friûl orientâl al reste fondamentâl il libri di: JACUMIN, RENATO 1974: Le lotte contadine nel Friuli orientale 1891/1923. Udine: Doretti Editore.

[3] In mert si pues viodi: PUP, CARLI 1998: La seconde Irlande. Il Friûl orientâl tra il 1915 e il 1922. – in “La Comugne”, n.2. Udin: Edizions Kappa Vu.

[4] MINUT, GIOVANIN 1921: Rimis furlanis – Gurize: Tipografie Social. La publicazion e je stade riscuvierte al professôr Zorç Faggin che le à fate ristampâ intal 1977.

"Us saludi, o flamis di fûc, / e us invidi a disfâ tun moment / il sisteme dal siôr e dal pu[a]r / e po il mont sarà calm e content". (Zuan Minut - A lis bandieris, 1919)

 

SUL TROI DAL PROGRÈS

 

La Associazion Culturâl “La Rinascita” e invide a partecipâ ae cunvigne “SUL TROI DAL PROGRÈS”. La presince de çampe daspò de vuere, de ricostruzion ae costituzion de Regjon Autonome Friûl Vignesie Julie”

Miercus ai 29 di avost 2012 a lis 16.00 alì de Sale Pasolini intal Palaç de Regjon di vie Sabbadini a Udin.

PROGRAM

Introduzion par cure dal president ENNIO DI BORTOLO

Relatôrs

dot. GIAN LUIGI BETTOLI

“La muse platade dal disvilup: contadins, operariis e sindacâts in FVG, de Resistence al meracul economic”

dot. OTELLO BOSARI

“La presince de çampe daspò de vuere, de ricostruzion ae costituzion de Regjon Autonome Friûl Vignesie Julie”

prof. GIUSEPPE MARIUZ

“Dibatit su l’autonomisim de Regjon Friûl Vignesie Julie"

dot. LUCA TADDIO

“Cosmopolitisim e dirits civîi”

Conclusions par cure dal av. GIANNI ORTIS

LÛCS, STORIE, MEMORIE E TERITORI: IL PROFUM DAL PAN

Cjâr amì/amie, ti invidi a partecipâ ae presentazion dal libri "Il profum dal pan" che si davuelzarà sabide ai 30 di jugn, aes 18.00, alì de sale civiche di Villa Muciana a Muçane.
Un libri, une ocasion par cjatâsi jenfri citadins, aministradôrs, associazionisim e mont de culture par resonâ su la storie e la identitât de Basse Furlane ma ancje par pensâ al futûr.
Il mont dai Mulins, la societât rurâl e contadine, la seconde vuere mondiâl, i rapuarts tra l'om e il teritori.
O conti su la tô partecipazion e intant ti saludi cuntun mandi di cûr.
Cristian Sedran.

Dopo la presentazion o restarin in compagnie par gjoldi de musiche sfolmenade dai Luna e un Quarto e par cerçâ il pan cuet intal for a lens secont la ricete dal Mulin e la bire Zahre di Sauris.

22/23/24 JUGN - PALASSÔL 1250

A PALAÇÛL , PAI 1250 AGNS, IL VIAÇ NOTURNI TE STORIE E TE MUSICHE DI STEFANO MONTELLO E CRISTINA MAURO

Sabide ai 19 di mai, a lis 20.30, inte suaze des celebrazions dedicadis a "Palaçûl 1250" la aministrazion comunâl us invide a partecipâ al spetacul teatrâl "Viaggio Notturno" di e cun Stefano Montello e Cristina Mauro.

Il spetacul, un viaç, a traviersâ la storie e la culture furlane dilunc i secui cul jutori de musiche e des cjançons, al tacarà aes 20.30, alì dal auditorium des scuelis di vie Rome, a lis 20.30.

Jentrade libare.

1 DI MAI A ÇARVIGNAN

Dut pront pe fieste dal lavôr a Çarvignan. La manifestazion provinciâl dai sindicâts che si davuelzarà doman e proviôt la partence dal corteu di Vie Garibaldi a lis 9.30 e il comizi in Place Indipendence a partî des 10.30. Si proviodin intervents dal sindic di Çarvignan Pietro Paviotti e dal Segretari de Anpi di Udin Luciano Rapotez. Pai sindicâts al cjaparà la peraule Paolo Carcassi, segretari confederâl de Uil che al fevelarà ancje a non de Cisl e de Cgil.

Us segnalin ancje un pâr di events colaterâi: la presentazion dal libri “1 di mai a Çarvignan” usgnot aes 20.30 intal teatri Pasolini e il conciert dai radio Zastava doman, in place Indipendence, subite dopo i comizis.

Ca sot lis locandinis cui programs complets.

29/04/2012: A FAEDIS SUL TROI DAI NÎTS DI RAGNS

Il Comun e l’Anpi di Faedis us invidin ae inaugurazion de Mostre “Il troi dai nîts di ragns. Un om, un partigjan”. Fotografis di Danilo De Marco.

Cjistiel di Zucco - Faedis (Ud)

Domenie ai 29 di avrîl 2012, a lis 10.30

Leturis di Massimo Somaglino

Oraris di viertidure de mostre:  dai 29 di avrîl ai 26 di avost 2012, sabide, domenie e dîs di fieste da lis 10.00 a lis 19.00

ALESSANDRA KERSEVAN A "PORTA A PORTA" PAR FEVELÂ DI FOIBIS E LAGER FASSISCJ

Lunis ai 13 di fevrâr e larà in onde su Rai Uno une pontade de trasmission Porta a Porta dedicade a la Zornade dal Ricuart e in particolâr a lis foibis, ai cjamps di concentrament fassiscj e a la storie dal confin orientâl. In studi e sarà presinte la storiche Alessandra Kersevan di Udin. Une pontade di no pierdi.

CJAMP DI CONCENTRAMENT DI VISC. TASSIN: MEMORIE E VERGOGNE

Nus è rivade cheste letare dal prof. Ferruccio Tassin che e fevele di memorie, vergogne e ipocrisie cun rivuart al cjamp di concentrament di Visc.  La publichin ben vulintîr.

Chi ha ascoltato gli interventi dell’anno scorso per la giornata della memoria (chi scrive, in registrazione), avrà apprezzato le preghiere; pel resto, tenebra su quanto successo in Friuli, a Visco (UD). Morti potrebbero esserci, perché andati a nidi sugli alberi, e caduti. Fascismo razzista, assassino, feroce avversario dell’identità, in quelle “analisi”, passato indenne come salamandra il fuoco. Non si è saputo: morti, deportati, erano venuti dall’ex Jugoslavia nel 1943. Si erano salvate le preghiere: Quest’anno ha parlato uno storico onesto, il prof. Stefano Perini; gran bene. Gronda di ipocrisia la giornata della memoria a Visco: il Comune snobba la presenza fisica nell’unico campo fascista in Italia, vincolato nell’intatto cuore logistico, dalla Soprintendenza. Là non si va; chiamati i pompieri: c’è pericolo. A causa di chi? Perché non chiamare i Carabinieri, a esaminare se le nefandezze non ledano forma e sostanza, del decreto Urbani (prove esistono). Perché non dire che a rendere agibile l’area, ci vorrebbe poco (fortezza di Palma pulita da amministratori capaci!)?  e che, quando risuonarono in sala consiliare parole di negazione, l’attuale giunta (allora presente) nulla obiettò. Perché non dire che il monumento, eretto dalle vittime, è sepolto dalle erbacce, incivile vergogna europea? L’ accennare a generica memoria “fa immagine”, ma servirsene è ipocrita? Perché non adottare, almeno, un silenzio pudico e vergognoso?.

Il coordinatore della Associazione Culturale Vischese “Terre sul Confine”

Prof. Ferruccio Tassin

"IL CUMUN, STORIE DES ISTITUZIONS DI PALAÇÛL, BLANCJADE E MARIANIS 1349-2012"

Domenie ai 5 di fevrâr, a lis 10.30, alì de Sale A. Biasutti de Aziende Marianis-Volpares di Blancjade le Associazion "La Bassa" e presente il libri di Giuliano Bini "Il Cumun, Storie des Istituzions di Palaçûl, Blancjade e Marianis 1349-2012".

LIS LIDRÎS DE LIBERTÂT E DE DEMOCRAZIE: LE ATUALITÂT DE ESPERIENCE DE REPUBLICHE LIBARE DE CJARGNE E DAL FRIÛL DI MONT

Lis lidrîs de libertât e de democrazie: Le atualitât de esperience de Republiche Libare de Cjargne e dal Friûl di Mont

Dimpeç -  Domenie ai 25 di setembar 2011

Ae cerimonie di domenie si proviodin i intervents dal sindic di Dimpeç Michele Benedetti, dal president dal comitât provinciâl Anpi di Udin Federico Vincenti, de retore de Universitât dal Friûl Cristiana Compagno e dal president de Regjon Renzo Tondo. La orazion uficiâl e sarà tignude dal president de Anpi nazionâl Carlo Smuraglia.

Lis sezions Anpi di Tisane, Roncjis, Palaçûl, Muçane, Maran, Cjarlins, San Zorç, Gonârs, Palme, Poçui, Mortean, Talmassons e an organizât une coriere (cuote di partecipazion 25 euros cul gustâ in ristorant a Dimpeç daspò de cerimonie). Par info clamâ il 3408119862.
Ca sot il program complet des iniziativis:
http://repubblicadellacarnia1944.uniud.it/

12 E 13 DI JUGN 2011

E poi la gente, (perchè è la gente che fa la storia)
quando si tratta di scegliere e di andare,
te la ritrovi tutta con gli occhi aperti,
che sanno benissimo cosa fare.
Quelli che hanno letto milioni di libri
e quelli che non sanno nemmeno parlare,
ed è per questo che la storia dà i brividi,
perchè nessuno la può fermare............

27 DI FEVRÂR 1511 - 27 FEVRÂR 2011

"e jo no, no pensi nuie di vô bulo cortesan

o ai in cûl la vuestre entrade us refudi il vuestri pan"

Dirits dineâts fûcs impiâts

BON 27 DI FEVRÂR A DUTIS/DUCJ

1000 AGNS DI BEVI E MANGJÂ INTAI DOCUMENTS SCRITS DE NESTRE STORIE

Vinars ai 11 di fevrâr, a lis 18.00, alì dal Centri Agricul multifunzionâl Olistella a Palaçûl, localitât Cjasâi Moretton 30/b, le Associazion Culturâl La Bassa e presente il libri di Giuliano Bini e Benvenuto Castellarin "1000 anni di cibi e bevande nei documenti scritti della nostra storia".
Intervents dai autôrs e presentazion di Piero Villotta, gjornalist.