INCUINTRI CUL SENATÔR PEGORER A GRIDISCJUTE

Il circul Pd di Vildivar adun cui circui dal teritori al invide a partecipâ a une serade di discussion e informazion cun rivuart ae situazion politiche a livel locâl, regjonâl e nazionâl che si davuelzarà vinars ai 27 di zenâr alì de Tratorie Da Toni di Gridiscjute. Relazion introdutive e partecipazion al dibatit dal Senatôr dal Pd Carlo Pegorer.

LA MANOVRE MONTI E LA POSIZION DAL PD: LUNIS INCUINTRI PUBLIC A DAEL

Il Circul dal Pd di Dael e Visc us invide a partecipâ al incuintri public "Dopo il disastri dal Guvier Pdl-Leghe Nord al covente salvâ il Paîs: la manovre Monti e la posizion dai Democratics" che si davuelzarà lunis ai 16 di zenâr 2012, a lis 20.30, alì de sale civiche di Dael. Introduzion dal segretari di circul Rudi Buset e intervents di Mauro Travanut, conseîr regjonâl dal Pd e di Carlo Pegorer (te foto), senatôr dal Pd.

E CONTINUIN LIS INIZIATIVIS ELETORÂLS DAL CENTRI ÇAMPE A TISANE

Doi apontaments inmaneâts te suaze de campagne eletorâl dal centri çampe a Tisane: lunis ai 11 di avrîl, aes 20.30 li de sale riunions dal Hotel Bella Venezia le liste "Centro Sinistra per Latisana" e invide ducj a partecipâ al incuintri public sul teme "Federalisim e fiscalitât municipâl". E fevelaran Guido Monis, Sergio Simonin, il candidât sindic Orlando Fantin e il senatôr dal Partît Democratic Carlo Pegorer. Sabide ai 9 di avrîl presentazion dal candidât sindic Orlando Fantin e de sô liste te frazion di Perteade: apontament li dal Centri Social aes 18.30. La ocasion juste par cognossi, scoltâ, domandâ e confrontâsi.