Cualchi zornade indaûr, sul Messaggero Veneto o vevin let, prime
te rubriche des letaris e cualchi dì dopo
intun articul publicât in croniche di Palassôl, la notizie relative ae vicende de autorizazion a un privât di taiâ un pâr di plantis (doi teis) di proprietât comunâl in Vie Fornâs; autorizazion firmade dal vice sindic Simone Francesco Zoroddu profitânt de assence dal sindic (che al somee ca si sedi sustât une vore e cun lui ancje une buine part de maiorance). Se al sindic la inrabiadure “ai passe” simpri (al à glotût ancje di piês par tignî dûr la poltrone …..) a cualchidun no i passe tant a svelt se, come che nus conte la gjornaliste,
la assessore Miotto e veve preparât adiriture une mozion di sfiducie ritirade dome cualchi moment prime dal ultin consei. La vuere jenfri la Miotto e Zoroddu e continue ma, come te miôr tradizion de aministrazion Bordin, no si le puarte cun coerence ae lûs dal soreli. Si visin ducj ancjemò de
barufe sui contribûts pe scuele materne cuant che la maiorance e il sindic no an vût il coraç e la dignitât di cjapâ lis parts de Miotto cuintri Zoroddu e
la assessore è a dite clarementri che al esisteve un probleme politic e che se il sindic a no lu frontave a lu varès risolt je. Bon, cjapin at che fin cumò ni il sindic lu a frontât ni la assessore lu à risolt se a no à vût cûr di la fin insomp cu le mozion. Intant Zoroddu intun comunicât jessût îr nus fâs cognossi la sô version e al declare
«coloro i quali pensavano di poter impostare la campagna elettorale raccontando bugie o con il tentativo di praticare una sorta di “terrorismo psicologico” che non troveranno la mia disponibilità». Viodût che le oposizion fin cumò no a dite nuie (ma forsit la cuistion, come par solit une vore torbule, e larès sclaride almancul cuntune interogazion uficiâl) a cui ai fevelial Zoroddu? Ai citadins che e comentin tai bars
o tes letaris sui gjornâi o ae assessore Miotto, so coleghe di zonte? Il vice sindic al conclût: «La mia coscienza è tranquilla, se qualcuno dovesse trovare qualsiasi atto che dimostri il contrario lo invito a consegnarlo alla magistratura ma sono certo che non troverà niente». E daje cun cheste magjistrature ….. a nus fâs tornâ iniment cuant che, simpri su iniziative dal vice, il sindic e la zonte e vevin presentât un espost cuintri i dipendents comunâi. Brute vicende, finide cuntune
figurate de maiorance che e à scugnût rimangjâsi dut e
votâ une mozion di solidarietât ai dipendents e di censure a Zoroddu presentade di bande de oposizion. Dopo la censure al vice sindic isal sucedût alc? Nuie. Però almancul nô o vin le dignitât e le coerence di presentâlis (e no ritirâlis) lis mozions …
No stait a straçâ flât e timp par domandâi a Bordin se al esist cualchi probleme: o podaressis stâ sigûrs che a us rispuindarès: "la maggioranza non è mai stata così compatta". Sigh!
