CONVOCÂT PAR JOIBE AI 23 DI DICEMBAR IL CONSEI COMUNÂL DI PALAÇÛL

Convocât il Consei Comunâl di Palaçûl pal 23 di dicembar 2010, a lis 17.30.
Ve ca l'ordin dal dì:
1) Leture e aprovazion dai verbâi de sentade dal 27.11.2010, dal n° 45 al n° 52;
2) Ratifiche delibare di zonte n.132 dal 30.11.2010; variazion al belanç di prevision esercizi 2010 (variazion n. 8);
3) Ricognizion des societâts partecipadis e adempiments ex art.3, comis 27/33, L.n.244 dal 24.12.2007 – Adeguament al art.14, come 32, D.L. n.78/2010, convertît cun L. n.122/2010;
4) Modifiche regolament comunâl pe aplicazion de ICI aprovât cun delibare di consei n.15/2008 e s.m.i.;
5) Aprovazion Variante n. 5 al plan regolament edilizie comunâl – modifiche art.52;
6) Indreçaments pe rinovazion de convenzion di concession in ûs dal imobil “ex Fuart Ca Modean” ae associazion sportive “La Poiane”;
7) Aprovazion dal gnûf regolament pe gjestion dai refudons;
8) Aprovazion dal gnûf regolament di ûs dal centri comunâl di racuelte dai refudons;
9) Criteris pal adeguament dal regolament dai uficis e dai servizis;
10) Comunicazions dal Sindic, conseîrs e assessôrs.

PD DI TISANE: GNÛF SEGRETARI, GNOVIS INIZIATIVIS

Ancje il circul dal Partît Democratic di Tisane al à rinovât il diretîf. Il gnûf segretari al è Luca Abriola. A lui i miôr auguris di bon lavôr e l’impegn a colaborâ puartânt indevant iniziativis “teritoriâls” intal latisanês. E torne la “vite” ancje intal sît dal Pd di Tisane che nus vise che lunis ai 20 di dicembar, a lis 21.00, alì dal Centri Polifunzionâl di Vie Goldoni a Tisane a si davuelzarà un incuintri public sul teme de riorganizazion de assistence aes fassis debilis e dai servizis sociâi. Dongje dal gnûf segretari e puartaran il lôr contribût Orlando Fantin e Sergio Simonin. Ducj e son invidâts a partecipâ.

COOP DISTRET DI TISANE: SIMPRI DONGJE AL MONT DAL VOLONTARIÂT E AL TERITORI

Le Coop dal Distret di Tisane simpri in prime linie par sostignî lis associazions di volontariât e lis realtâts plui impuartantis e vivarosis dal nestri teritori. Intune conference stampe il president dal distret Dario Rassatti al à comunicât i risultâts dal prin an dal progjet “Noi per voi”: 7.600 euros tirâts sù cui ponts regalâts dai socis che e saran destinâts ae Auser di San Michêl, Palaçûl e Muçane par garantî il servizi di traspuart dai malâts e altris 12.000 euros par progjets in favôr des scuelis dal teritori e dai zovins puartâts indevant cul jutori e la cooperazion di une schirie di altris associazions (e jenfri chestis ancje i “Amici del Bosco” di Palaçûl). Lait a lei l’articul publicât sul Messaggero.

NUIE PÔRE, E JE DOME UNE ALTRE LENGHE :-)

Il comun di Udin al met in vore un plan par inviâ la sostituzion di tabelis di segnaletiche stradâl e toponomastiche doprant i fonts de leç statâl 482 e metint la lenghe furlane dongje di che taliane. Nissune novitât. Une operazion di politiche linguistiche che e stâ funzionant di agns in Friûl, li che la segnaletiche bilengâl si cjate dilunc lis stradis e intal 40% dai comuns de provincie di Udin. Un dirit e une oportunitât. Dut ben alore? No, parcè che, come par solit, al è cualchidun che al strafevele e al fâs su polemichis cence sens o dal dut strumentâls.
Lei ca sot un intervent di Lorenzo Fabbro, component de segretarie provinciâl dal Pd di Udin, cun rivuart ae cuistion:
Desidero esprimere compiacimento per la scelta del comune di Udine di adottare la segnaletica bilingue (in italiano ed in friulano) per un intervento sulla cartellonistica stradale e la toponomastica che interesserà diverse vie della città. Tale operazione, sostenuta economicamente con i fondi statali della legge 482/99, non rappresenta affatto una novità (neppure per la città di Udine) e credo debba essere inquadrata in una precisa scelta di politica linguistica in continuità con il passato e non considerata un escamotage per recuperare fondi per la segnaletica in tempo di crisi.
I diritti linguistici in Italia (riconosciuti dall’art.6 della Costituzione) vengono tutelati dalla legge 482/99 e nella nostra regione, in particolare per quanto riguarda la lingua friulana, dalla legge 29/2007 e, precedentemente, dalla legge 15/96.
L’uso pubblico della lingua, all’interno e nei rapporti con le amministrazioni pubbliche e la presenza del friulano nella segnaletica stradale e nella cartellonistica sono quindi un diritto sostenuto dalle leggi di cui sopra da circa un decennio e non possono certo costituire una novità che possa “incuriosire” o portare “perplessità” come si è letto sulla stampa in questi giorni.
In questi anni la Provincia di Udine (ed anche quella di Gorizia, purtroppo molto meno quella di Pordenone) hanno svolto un grosso lavoro per quanto riguarda l’installazione di segnaletica stradale bilingue sulle strade di loro competenza e circa il 40 % dei comuni della provincia di Udine hanno provveduto a predisporre nel loro territorio cartellonistica bilingue per quanto riguarda la toponomastica.
Un lavoro prezioso ed importante anche e soprattutto per lo status della lingua friulana che ha dato sicuramente i suoi frutti.
Si tratta di investimenti ad alta redditività. Oltre a garantire un diritto la segnaletica bilingue è la manifestazione più evidente del carattere plurilingue del territorio e può rappresentare una piacevole “novità” anche per i turisti ed uno strumento da utilizzare quale “marketing” territoriale.
Alla luce delle considerazioni di cui sopra fanno sorridere le polemiche di chi ritiene che i friulani non siano in grado di capire “di primo acchito” se Grado/Grau o Venezia/Vignesie siano la stessa località o le perplessità di chi opera nel settore turistico e paventa difficoltà per gli stranieri. La cartellonistica bilingue è già presente su buona parte del territorio friulano e non risulta che si sia perso nessuno, inoltre se qualche ospite straniero chiedesse ad un operatore turistico “se è un altro posto” basterebbe spiegare, con un sorriso, che “no, è solo un’altra lingua” ed i risultati potrebbero riservare qualche piacevole sorpresa. Nella nostra Regione abbiamo avuto più volte occasione di riflettere sulle opportunità legate al plurilinguismo ed al “valore” delle lingue locali ed anche in occasione del convegno organizzato recentemente presso la sede della Camera di Commercio di Udine dalla Coop. Informazione Friulana/Onde Furlane sul tema “Minoranze linguistiche ed imprenditoria” è stato dimostrato, alla luce di una pluralità di esperienze in Italia ed all’estero, come promuovere e valorizzare assieme lingua, identità, cultura, prodotti e territorio sia un modo efficace per fidelizzare i turisti, che prendono coscienza di essere ospiti di un luogo “speciale”. Il marketing territoriale e linguistico ovviamente fuziona sia per i prodotti che per i luoghi. Del resto in tutta Europa si fa così e la cartellonistica plurilingue è la regola e non l’eccezione.
Sul fronte degli amministratori le affermazioni del rappresentante del PDL al comune di Udine che impiegherebbe i fondi della legge 482 (Tutela delle minoranze linguistiche) per la segnaletica orizzontale e per sistemare le buche sulle strade si commentano da sole e fanno capire, se ce n’era il bisogno, qual è l’atteggiamento del centrodestra rispetto al tema della tutela e valorizzazione della lingua friulana.
E’ invece importante proseguire con politiche linguistiche per il friulano che prevedano tra l’altro il completamento della realizzazione di cartellonistica e segnaletica in lingua friulana su tutto il nostro territorio ed auspicare in tal senso la partecipazione attiva di enti ed istituzioni ad ogni livello.
Lorenzo Fabbro
Membro Segreteria Provinciale PD di Udine

ROME 11.12.2010: UNE BIELE PLACE

Fracait achì par scoltâ il discors dal segretari Bersani ae manifestazion di Rome dai 11 di dicembar. Une biele zornade, une biele place.

Ancje noaltris o jerin là.

LA AMINISTRAZION COMUNÂL, OPS, PARDON, IL PDL AL PRESENTE I RISULTÂTS DE AZION AMINISTRATIVE INTAL COMUN DI PALASSÔL

L’aministrazion comunâl di Palassôl e a presentât lis oparis publichis realizadis intal mandât 2006/2010. E an presentât il belanç da lis oparis publichis parcè che pal rest e an verementri pôc e nuie di contâ. Bêçs par asfalt e ciment invezit and’è rivâts e chest o vin di ricognossilu (che dopo i bêçs e sedin stâts doprâts ben o mâl e che lis sieltis e sedin stadis chês justis o chês sbaliadis al è dut un altri discors).
Pardon, scusait, come che o varês let a nol è il sindic Bordin e l’aministrazion comunâl a presentâ i risultâts de azion aministrative ma il “Popolo della Libertà” di bessôl cul vice sindic e l’assessôr ai lavôrs publics. Une biele patafe pal sindic e pe Leghe.
E in efiets, ancje a drete, i sostignidôrs dal sindic e son simpri di mancul.

BELLA CIAO, BELLA CIAO, BELLA CIAO CIAO CIAO

Fidalma Garosi Lizzero "Gianna" no je plui ..... Mandi Gianna

CONVOCADE LA DIREZION PROVINCIÂL DAL PD PAL 17 DI DICEMBAR

Convocade la Direzion Provinciâl dal Partît Democratic di Udin par vinars ai 17 di dicembar, a lis 20.00, alì de sede di Vie Joppi a Udin.
Ve ca l’ordin dal dì:
-Analisi de situazion politiche nazionâl ae lûs dal vôt di fiducie dai 14 di dicembar ae Cjamare e al Senât;
-Relazion dal Cjâf Grup dal Pd in Consei Provinciâl Francesco Martines cun rivuart ae situazion politiche-aministrative de Provincie di Udin;
-Relazion sul stât economic patrimoniâl dal partît a livel provinciâl par cure de tesoriere Anna Maria Zuccolo;
-Analisi di une schirie di cuistions frontadis di resint dal partît a livel provinciâl: eletrodot Wurmalch-Somplago, riforme dal ordinament locâl in teritori di mont, coordenaments teritoriâi dal Pd;
-Elezions Aministrativis 2011 (cuadri gjenerâl);
-Prossime Assemblee Provinciâl di zenâr.

AI 11 DI DICEMBAR SI VA' A ROME

Trenitalia e a comunicât al Partît Democratic i oraris pal treno speciâl organizât in ocasion de manifestazion nazionâl dai 11 di dicembar a Rome: partence di Triest a lis 22.40 di vinars (10.12.20101) e fermadis a Monfalcon (23.07), Gurize (23.43) e Udin (00.17).
Il treno, che nol fasarà altris fermadis, al rivarà a Rome, Stazion Ostiense, a lis 9.25.

Di Plaçâl dai Partesans (Piazzale dei Partigiani) a si inviarà un dai doi corteus de manifestazion che al rivarà in Place San Zuan (Piazza San Giovanni).

Il discors dal segretari Bersani si proviôt tor 15.30.
Par tornâ indaûr, partence (orari indicatîf) de Stazion Ostiense tor lis 19.00 di sabide e rivade in Friûl inte matine di domenie.
Par notâsi al è timp fin ai 9 di dicembar: lait su http://www.pdfriuli.it o clamait il 0432 531173.

CONGRÈS PROVINCIÂL DE ANPI

Domenie ai 28 di novembar intal auditorium Zanon di Udin a si è davuelt il Congrès Provinciâl de Associazion Nazionâl Partigjans (ANPI). Un congrès une vore biel che si è strent ator des "colonis" (in particolâr il President Federico Vincenti e il segretari Luciano Rapotez) ma che al à viodût la definitive vierzidure ai zovins ancje intai organisims dirigjents de associazion. Il congrès al à elet il gnûf comitât provinciâl (Lorenzo Fabbro di Palaçûl al è stât riconfermât) e i delegâts al congrès nazionâl. Pe nestre sezion (Palaçûl,Muçane,Pucinie e Prissinins) e an partecipât tant che delegâts Mario Venturini, Cristian Sedran, Denis Nardon, Renato Zuliani e Lorenzo Fabbro (che al à fat un intervent tocjant doi cantins: lis minorancis linguistichis e il teme de memorie e dal lavôr, ricuardânt in particolâr la ricorence, che e cole chest an, dai sessante agns des Lotis dal Cormôr).

VIVE IL CANZONÎR DI DAEL

Joibe 9 Dicembar 2010
Teatri Palamostre - Plaçâl Paolo Diacono - UDIN a lis 20,00

Al torne a sunâ IL CANZONÎR DI DAEL intun gnûf concert "Di nuovo come un tempo..."
Daspò di un grum di agns, e torne a sunâ un grup storic dal panorame musicâl furlan, che intai agns '70 e '80 al à congnossût une stagjon di grande partecipazion e impegn intal mont culturâl furlan dal post taramot, rapresentant une avanguardie inte ricercje musicâl e inte proposizion di une gnove musiche furlane cui tescj di cualchidun dai plui significatîfs poets furlans, di Leonardo Zanier a Galliano Zof, di Pier Paolo Pasolini a Gianni Gregoricchio.
La valorizazion de lenghe furlane, tant che imprest di libertât e dirit di popul par fâ cuintri ae globalizazion des culturis, si compagne di simpri intal lavôr dal Canzonîr cun contignûts sociâi indreçâts ai “senzastoria”, aes classis sociâls che di sempri a subissin injustiziis e prepotencis.
La scjalute dal concert e previôt cjançons furlanis vecjis e gnovis (tra chestis "Canson dismitude", une poesie di Elio Bartolini musicade di Giancarlo Velliscig) e une schirie di gnovis baladis par talian su lis tematichis de cuotidianitât furlane e planetarie.
Dal pont di viste musicâl il grup, insiorât de partecipazion di zovins musiciscj furlans di talent e dai arangjaments di Alessio Velliscig, al mostre un stîl tipic de cjançon di autôr moderne, in ambientazion acustiche cjade, mantignint la sô vocalitât che e alterne moments solistics e moments di coralitât, intal spirt dal Canzonîr di Dael.
La formazion dal grup e jé:
Alessandra Kersevan, vôs
Viviana Gallet, vôs
Giancarlo Velliscig, vôs e chitare
Paolo Del Ponte, vôs e bas el.
Alessio Velliscig, vôs e chitaris
Antonio Merici, violoncel
Alberto Pezzetta, tastieris
Alessio Benedetti, baterie e percussions
Jentrade a ufiarte libare.

PIÇULIS GRANDIS LENGHIS A MUSICHE*MUZIKE

La manifestazion in lenghe furlane Musiche - Pe gnove musiche furlane, volude dal assessorât pe culture dal comun di Udin cul contribût di ARLeF (Agjenzie Regjonâl pe Lenghe Furlane), Provincie di Udin, Istitût pe Culture Slovene, e metût adun des cooperativis Il Campo e Informazione Friulana inte suaze dal progjet “Suns”, chest an e cambie muse. Cun di fat, la formule tradizionâl, che par agns e à alternât novitâts e vecjis gloriis dal panorame de musiche par furlan, e ven slargjade cu la presince inedite e une vore agradide di grups musicâi che a rivin de aree linguistiche slovene.
Al titul storic de manifestazion (“Musiche”, di intindisi inte sô ambivalence furlane e taliane) al è stât zontât ancje il sloven “Muzike” propit par marcâ la gnove muse de iniziative.
A testemoneance di cemût che lis lenghis no si fermin alì dai confins politics e nancje di chei artistics vinars ai 3 di Dicembar sul palc dal Palamostre di Udin, a tacâ des 9 di sere (21.00), o viodarìn duncje une daûr di chê altre trê formazions che, si ben che a rivin di Austrie, Slovenie e Italie, a cjantin dutis in lenghe slovene.
A vierzaran la serade i BK Evolution, formazion folk rock interessante che e rive des Valadis dal Nadison e che e je leade ae lungje esperience corâl dal Beneške Korenine. Ur vignarà daûr Tonç Feinig pianist sloven carinzian tra i plui cognossûts e preseâts dal jazz. In cheste ocasion al puartarà a Udin un progjet di stamp funk che al viôt la presince de cjantante Maya. Il grup plui spietât al sarà però chel dai Melodrom di Lubiane. Une realtât che, cul miscliç di une estetiche dark e di un sens melodic rafinât, al è di cualchi an incà un dai grups di ponte de sene alternative slovene. La lôr cjantante Mina e je ancje la vocalist dal storic grup di innomine mondiâl Laibach.
Sul finî di cheste prime serade a saran i R.esistence in Dub. La formazion Dub furlane, a pene tornade cuntun sucès de finâl dal Liet International, il festival european des cjançons in lenghe minoritarie, e varà il compit di sierâ te maniere miôr chest incuintri musicâl tra lenghe slovene e lenghe furlane.
Sabide ai 4 di Dicembar cun Musiche*, stes lûc e stes orari, si varà la vetrine aromai classiche des miôr novitâts discografichis dal an.
O viodarìn cussì i Nosisà che, a dîs agns juscj de ultime jessude discografiche, a son tornâts cu la lôr gnove produzion “Neri Cjarbon”. Dute di scuvierzi, invezit, la Orchestra Cortile, al lôr debut cun “Ondis di Glerie”. Nol podeve po mancjâ Lino Straulino cul so gnûf lavôr che lu viôt in vore cun vilotis classichis de tradizion furlane tornadis a lei cuntune vieste country-bluegrass.
Sul finî de serade fine e sarà dade fûr la targhe Deganutti premi pal miôr disc dal an sielt di un osservatori di gjornaliscj cualificâts e dedicât ae memorie dal innomenât gjornalist furlan.
A saurî inmò di plui la serade e sarà ancje la finâl, come par solit vivarose, cu lis novitâts puartadis dal Premi Friûl che chest an al mande sul palc cinc grups pardabon ferbints: Savac, Ad Plenitatem Lunae, Luna e un Quarto, Mig 29 Over Disneyland, Ulisse e i Ciclopi.
Dutis e dôs lis seradis a son cun jentrade libare. Di no pierdi!