LA SALÛT E JE DI DUCJ: DIRIT AE SALÛT, MEDISINE E IMIGRAZION

La Societât Taliane di Medisine des Migrazions S.I.M.M. e il Grup Imigrazion Salût Friûl-Vignesie Julie Gr.I.S. FVG us invidin a partecipâ ae cunvigne
LA SALÛT E JE DI DUCJ/LA SALUTE E’ DI TUTTI/ZDRAVJE JE ZA VSIH/GESUNDHEIT IST FUER ALLE/ZDRAVLJE SVIMA/SHENDETI ESHTE PER TE GJITHE/SANATATEA ESTE A TUTUROR/GOOD HEALTH FOR ALL/LA SANTE POUR TOUS/LA SALUD ES PARA TODOS
Vinars ai 9 di lui, alì dal Centri Balducci di Çuian, a lis 9.30
intervents
Don Pierluigi Di Piazza
Fondadôr Centri E.Balducci
Mario Affronti
President S.I.M.M.
Az. Osp. Universitarie Policlinic, Palermo
Salvatore Geraci
Conseîr S.I.M.M. e coordenadôr nazionâl Gr.I.S.
Responsabil aree sanitarie Caritas, Rome
Maurizio Marceca
Conseîr S.I.M.M., Universitât La Sapienza, Rome
Rapresentânt de Sanitât Publiche de Republiche Slovene
Guglielmo Pitzalis
Conseîr S.I.M.M., Coordenadôr Gr.I.S. FVG
Graziella Sacchetti
Conseîr S.I.M.M. Cooperative Crinali Milan
Claudia Pretto
Associazion pai Studis Juridics pe Imigrazion (ASGI)
Awa Diallo Kane
President AssociazionMediatôrs di Comunitât di Udin
Rapresentants des Associazions Circolo Aperto di Pordenon, Interethnos di Triest e dai Grups Regjonâi Imigrazion e Salût (Gr.I.S.)
Pe partecipazion iscrizion obligatorie: viôt la schede intai coments

UN MILION

Il Comitât promotôr dal Referendum "L'aghe a no si vent" al informe che e son stadis tiradis sù plui di 20.000 firmis in Regjon e passe un milion a nivel nazionâl.
Par fâ il pont de situazion al invide ducj a un incuintri di sieradure e valutazion dai risultâts de campagne che si davuelzarà joibe ai 15 di lui, a lis 18.00, alì dal parc S. Osvaldo (ex sede ospedâl psichiatric) a Udin.
Lei l'invît intal prin coment.

"OSPITI DI GENTE UNICA"

La Regjon Friûl-Vignesie Julie e dinee la assistence e il jutori scolastic a un frut down dome parcè che al è extracomunitari.
Lei la notizie achì sot:
http://www.superabile.it/web/it/REGIONI/Friuli_Venezia_Giulia/News/info666335018.html

CUNVIGNE PD A PALME: “ENTS LOCÂI: JENFRI STRAÇARIIS E RIFORMIS. AMINISTRADORS A CONFRONT”

Il Partît Democratic dal Friûl-Vignesie Julie us invide a partecipâ ae cunvigne “Ents locâi: jenfri straçariis e riformis. Aministradors a confront” - Joibe ai 24 di jugn, alì de sale Giustinian dal MeetingPoint San Marc a Palme, a lis 20.30.
IntroduzionSilvia Caruso
Sindic di San Canzian dal Lusinç, componente dal esecutîf regjonâl PD
Lis normis regjonâlsMauro Travanut, Conseîr regjonâl, membri de V comission
La posizion de AnciGianfranco Pizzolitto, president Anci, sindic di Monfalcon
La posizion dal Consei des Autonomiis
Enrico Gherghetta, President consei des autonomiis, President provincie di Gurize
ConclusionsDebora Serracchiani
Segretarie regjonâl Pd, europarlamentâr

ZORNADE MONDIÂL DAL RIFUGJÂT - HOME: UN LÛC SIGÛR PAR TORNÂ A SCOMENÇÂ. UDIN AI 21 DI JUGN 2010 E CODROIP AI 22 DI JUGN 2010

Zornade Mondiâl dal Rifugjât
Home: un lûc sigûr par tornâ a scomençâ
Udin ai 21 di jugn 2010 - Codroip ai 22 di jugn 2010
In ocasion de Zornade Mondiâl dal Rifigjât (ai 20 di jugn) si davuelzaran a Udin e Codroip dôs seradis inmaneadis di bande de Associazion “Nuovi Cittadini” onlus.
Il program (identic pai doi apontaments) al proviôt la proiezion dal film Nìguri (Neris, in calabrês) di Antonio Martino, zirât intal 2009 (durade 50’) che al conte dai rapuarts jenfri i forescj ospits dal CDA di Sant’Anna e i abitants dal piçul paîs de provincie di Croton li che si cjate il Centri. Daspò de proiezion dibatit cu le partecipazion dai rifugjâts e dal public, moderât dal gjornalist Francesco Brollo.
A Udin (al sarà presint il sindic Furio Honsell) l’event si tignarà a lis 20.30 di lunis 21 di jugn 2010, alì de sale Comelli - Parochie di San Marc. A Codroip il dì dopo: martars ai 22 di jugn, simpri a lis 20.30, alì dal Teatri Comunâl Benois De Cecco. Ae fin de cunvigne buffet multietnic preparât de Associazion Interculturâl Cinampa.

SABIDE AI 26 DI JUGN ULTIN APONTAMENT PAR "VINO DI LEI 2010". DI NO PIARDI .....

Ultin apontament pe edizion 2010 di “Vino di Lei”.
Sabide ai 26 di jugn, a lis 18.00, tal zardin di cjase Michelutti-Biondin, l’associazion Artetica us invide ae presentazion dal libri “Il nemico. Romanzo eretico”. E saran presints l’autôr Emanuele Tonon, il gjornalist di Radio Onde Furlane Pauli Cantarut, e, cuntune schirie di incursions poetico-musicâls, il poete trastolon Raff BB Lazzara e il blues-omp Fabian Riz. Daspò de presentazion dal libri degustazion dai vins de Aziende Agricole Colutta Bandut di Manzan. In câs di brut timp la manifestazion si davuelzarà alì dal Centri Civic Villa Muciana. Vignît in biciclete.

DOMENIE 27 DI JUGN E RIVE "GOLETTA VERDE"

GOLETTA VERDE 2010
cul il patrocini dal Comun di San Zorç di Noiâr
PROGRAM DES ATIVITÂTS
Domenie ai 27 di jugn
- matine 10.00 /13.00 e dopomisdì 16.00 /19.00 stand informatîf e animazion te aree di front al Municipi
- sot sere rivade de Goletta alì de Marine di Sant'Andree
Lunis ai 28 di jugn
- matine 10.00 /13.00 e dopomisdì 16.00 /19.00 stand informatîf e animazion te aree di front al Municipi
- da lis 17.45 a lis 20.00 cunvigne alì de sale consiliâr dal Municipi: Confront di ideis su lis lagunis di Grau e Maran in ocasion de presince de Golete Verde
UN FUTÛR PE LAGUNE JENFRI GJESTION NATURÂL E ATIVITÂTS UMANIS
Introduzion:
GIORGIO CAVALLO, President di Legambiente FVG
DANIELE DE LUCA, Diretôr dal Servizi Tutele Ambient e Faune de Regjon FVG: Il sisteme dai Plans di gjestion de Aree Nature 2000 in Friûl-Vignesie Julie - Il câs de Lagune di Grau e Maran
AMINISTRAZION DI SAN ZORÇ: L'impuartance da guvier dal teritori circumlagunâr pe valorizazion de lagune di di Grau e Maran
GIANNI MENCHINI, Comissari pe bonifiche dal Sît Incuinât di interès nazionâl de Lagune di Grau e Maran: La lagune tra risanament e gjestion ambientâl
Martars ai 29 di jugn
-matine a lis 11.00 alì de Goletta Verde inte Marine di Sant'Andree,
conference stampe di presentazion dai risultâts dal lavôr dai tecnics de Goletta Verde

"RIFORME" GELMINI. LA SCUELE CHE NO VOLIN

Il PD regjonâl us invide a partecipâ ae cunvigne "La riforma Gelmini, risorse, tagli, organici, precari” che si davuelzarà vinars ai 18 di jugn, aes 18.30, intal Kulturni Dom (vie Italico Brass 20) di Gurize.
Introduzion de segretarie regjonâl dal PD Debora Serracchiani e intervents di insegnants, students, rapresentants dai gjenitôrs e dal personâl de scuele e conclusions di Alessandro Maran, vicepresident dal grup parlamentâr dal PD e di Manuela Ghizzoni, cjâfgrup dal PD inte 7^ comission culture, siencis e istruzion de Cjamare dai deputâts.

AGHE PUBLICHE: INCUINTRI AI 25 DI JUGN A AQUILEE

Comitât promotôr dal referendum cuintri la privatizazion dal servizi idric integrât
Comitât pe tutele dai poçs e des faldis artesianis dal Çarvignanês
Au.Ser. Basse Furlane
Sezion A.N.P.I. di Aquilee
Leghe Comunâl S.P.I. - C.G.I.L.
Fondazion Istitût “Valmi Puntin”
us invidìn a partecipâ al incuintri public che si davuelzarâ vinars ai 25 di jugn, a lis 20,30 alì de Cjase dal Popul di Vie Giovanni Minut a Aquilee
AGHE PUBLICHE: Cuintri la privatizazion e la marcjantificazion di un ben fondamentâl tant che l’aghe. Par une gjestion publiche e democratiche dal servizi idric. Pe tutele dai poçs artesians e des aghis di falde.
Intervents di:
Lorenzo Fabbro, za sindic di Palaçûl, referent dal comitât referendari;
Furio Honsell, sindic di Udin;
Renato Iacumin, dal comitât pe tutele dai poçs artesians e des aghis dal Çarvignanês.

GOL: LIS LENGHIS DAL SPORT

Si davuelzarà vinars ai 11 di Jugn aes 18.00, li de librarie Feltrinelli in vie P. Canciani, 15 a Udin, la presentazion dal volum “Gol: lis lenghis dal sport” di Federica Angeli e Priscilla de Agostini, publicât de Agjenzie Regjonâl pe Lenghe Furlane.
Il test al presente une panoramiche europeane sul rapuart che al esist jenfri sport e lenghe. Dongje de descrizion di cualchi manifestazion a pro dal ricognossiment dai dirits linguistics, al è stât analizât ancje cemût che il sport e la informazion sportive a son promovûts e veicolâts tes lenghis minoritariis e, soredut, cemût che il sport al pues jentrâ tes strategjiis di planificazion e di politiche linguistiche. Cun di plui, a son stâts analizâts tal specific i plans di comunicazion e lis strategjiis linguistichis dal FC Barcelona e de Udinese Calcio, viodude la sielte fat pôc timp indaûr de Societât di doprâ ancje la lenghe furlane te comunicazion. Il volum, tal ultin, al à ancje un glossari curt specific talian/furlan dai tiermins dal balon.

ALTER

invît ae presentazion di alter associazion di culture politiche
lunis ai 14 di jugn a lis 18.00
sale bar dal visionario-vie asquini 33 udin

ASSEMBLEE PROVINCIÂL DAL 7 DI JUGN

Publicât intal sît dal Pd di Udin www.pd.udine.it il test dal regolament provinciâl pe elezion dal segretari e de assemblee provinciâl di Udin, dal segretari e de assemblee comunâl di Udin, dai segretariis e dai diretîfs di circul de provincie di Udin fat bon te assemblee provinciâl di lunis 7 di jugn.
Daspò dai lavôrs l’on. Ivano Strizzolo al à metût a disposizion la liste (no definitive) des proprietâts che e vignaran trasferidis in curt dal demani dal stât ai comuns de provincie di Udin. Il document al è a disposizion alì de sede provinciâl dal Pd di Udin. Si pues domandâlu scrivint a pd.udine@libero.it

ISULIS: GNÛF LIBRI DI STIEFIN MORAT

Isulis
di Stiefin Morat
presentazion e leturis a cure di Pauli Cantarut e dal autôr
musiche cun Ulysse e i Ciclopi
Tal oratori di San Pauli (Morsan des Ocjis - PN)
Joibe ai 10 di jugn 2010 a lis 9 di sere

… là che linie dal timon e je sirene
viaç che nol à cjarte
distin che al incjadene…

DOI POPUI DOI STÂTS

“Donne in Nero” di Udin e “Rete Radié Resch” us invidin miercus ai 9 di jugn 2010, a lis 20.30, alì dal Centri “E. Balducci” di Çuian, a l’incuintri “Il boicotaç viers Israêl: un strument no violent in difese de leç internazionâl e dal dirit umanitari”.
Introduzion di Don Pierluigi Di Piazza e Mariolina Meiorin e relazion di Diana Carminati za professore di Storie de Europe contemporanee inte Universitât di Turin, comò impegnade in ISM-Italia (International Solidarity Movement-Italia).

altris info su le situazion di gaza:
http://www.pd.udine.it/images//dossier_gaza_per_circoli_pd.pdf

DUT SU LIS NESTRIS SPALIS

frache su la imagjin par viodi miôr

5 E 12 DI JUGN. "RADIO ATOR" E ONDE FURLANE A PALAÇÛL

Dilunc la fieste di S. Antoni a Palaçûl, sot dal tendon des associazions di volontariât (Protezion civîl, Auser, Aism, Ana e altris) e vignaràn propuestis dôs seradis cu le colaborazion di Radio Onde Furlane. Onde Furlane e je une radio nassude intal 1980 cun chê di valorizâ e di difindi il teritori, la culture e lis lenghis dal Friûl. Di 30 agns Radio Onde Furlane e jentre ogni dì intes cjasis dai furlans par informâju e par fâur cognossi dutis lis musis dal Friûl. Pal inovâl dai 30 agns Onde Furlane e torne sul teritori cuntune schirie di apontaments, “Radio Ator”, cun chê di proponi tematichis e stiçâ riflessions. L’identitât e lis lenghis, l’ambient e il teritori, la politiche e l’economie, la culture e la scuele, i rapuarts emigrazion/imigrazion e i cambiaments de societât e son sigurementri cuestions ator des cualis rifleti sul Friûl che a nol è plui, sul Friûl che al cambie, sul Friûl che o volìn fâ sù pal doman. A Palaçûl sabide ai 5 di jugn, a lis 21.00, sot dal tendon des associazions Adriano Venturini e Lorenzo Fabbro e presentaran une schirie di contribûts e video intervistis sul teme ambientâl e sul rapuart jenfri il paisaç e l’identitât “Teritori, paisaç e identitât: storiis di aghis, prâts, morârs e fossâi” mentri il sabide seguitîf, ae stesse ore, “Radio Ator” e sarâ di gnûf a Palaçûl par fevelâ inmò di ambient e il titul de serade al sarà “Teritori, paisaç e identitât: storiis di oms e di aghis, il flum Stele” un viaç jenfri aghis, memorie, atualitât e storiis incredibilis e scuasit dismenteadis contadis de vive vôs dai protagoniscj.

ASSEMBLEE PROVINCIÂL DAL PD: REGULIS PE ELEZION DAI SEGRETARIIS E DES ASSEMBLEIS

Il segretari provinciâl dal Pd di Udin Cristiano Shaurli al à convocât la assemblee provinciâl, adun cun le comission provinciâl pal congrès, par lunis ai 7 di jugn, a lis 18.30, alì de sede provinciâl dal Pd, in vie Joppi 63 a Udin.
Dome un pont (ma une vore impuartant) come ordin dal dì:
Aprovazion dal regolament provinciâl pe elezion dal segretari e de assemblee provinciâl di Udin, dal segretari e de assemblee comunâl di Udin, dai segretariis e dai diretîfs di circul de provincie di Udin.

ETICA-MENTE 2010

Dal 3 al 6 di jugn e torne, a Tei, Fossalte e Puart

ETICA-mente la super fieste etiche dal venit orientâl.

Frache sul link chi sot par lei dut il sflandorôs program de edizion 2010 http://www.prolocotegliese.org/eticamente/eticamente2010/programma.aspx