BUTEGHE @ ITINERANNIA

A MONFALCON CUN "APERTAMENTE" PAR DISCUTI DI INTEGRAZION E MULTICULTURALITÂT, PREJUDIZIS E STEREOTIPS

La Associazion Culturâl Apertamente a us invide a partecipâ ae cunvigne sul teme “Integrazion e multiculturalitât, prejudizis e stereotips” che si davuelzarà vinars ai 25 di mai, a lis 17.30, alì sale conferencis de Biblioteche Civiche di Vie Ceriani 10 a Monfalcon.

Introduzion: Bou Konate, Associazion Culturâl Apertamente

Moderazion de discussion: Giulia Castellan, Associazion Culturâl Apertamente

Contribûts: Davide Girardi, Aree Studis Sociâi Fondazion Nord Est, Universitât di Padue “Fenomenos migratoriis e mudaments sociâi”

Mario Faraone, Associazion Culturâl Apertamente, “La pôre dal diviers”

Fernando Biague, Centri di ricercje e formazion su le interculturalitât  di Bressanon “Il prejudizi sociâl”

Laila Wadia, Universitât di Triest, “Come deventâ  talians in 24 oris”

Cul patrocini dal Comun di Monfalcon

www.associazione-apertamente.it

29/05/2012: CONVOCADE LA ASSEMBLEE PROVINCIÂL DAL PD

Convocade di bande de presidente Elena Maiulini la Assemblee Provinciâl dal Partît Democratic slargjade ai segretaris di circul e ai sindics. Apontament alì de sede dal Pd in Vie Joppi, 63 a Udin, martars ai 29 di mai a lis 20.00.

Teme centrâl de discussion e saran i risultâts des elezions aministrativis e la analisi de situazion politiche.

Ve ca l'ordin dal dì:
- Analisi dal vôt cun rivuart aes elezions aministrativis dal mês di mai 2012 par cure dal segretari provinciâl Andrea Simone Lerussi

- Analisi de situazion politiche regjonâl e percors viars lis elezions dal 2013 par cure de segretarie regjonâl Debora Serracchiani
- Dibatit
- Conclusions dal segretari provinciâl

ZOVINS DEMOCRATICS CUINTRI LA OMOFOBIE

Une vore biele la iniziative dai Zovins Democratics de Provincie di Udin in ocasion de zornade mondiâl cuintri la omofobie. Cuant che si dîs “meti le muse”!

Altris manifescj ju cjatais te pagjine facebook a chestedirezion.

Ancje tu tu puedis aderî ae campagne mandant le tô foto a giovanidem.udine@gmail.com

Bulos!

A PALAÇÛL , PAI 1250 AGNS, IL VIAÇ NOTURNI TE STORIE E TE MUSICHE DI STEFANO MONTELLO E CRISTINA MAURO

Sabide ai 19 di mai, a lis 20.30, inte suaze des celebrazions dedicadis a "Palaçûl 1250" la aministrazion comunâl us invide a partecipâ al spetacul teatrâl "Viaggio Notturno" di e cun Stefano Montello e Cristina Mauro.

Il spetacul, un viaç, a traviersâ la storie e la culture furlane dilunc i secui cul jutori de musiche e des cjançons, al tacarà aes 20.30, alì dal auditorium des scuelis di vie Rome, a lis 20.30.

Jentrade libare.

17/05/2012: CONVOCÂT IL COORDENAMENT DAL PD DE BASSE FURLANE

Il responsabil dal coordenament dal Pd te Basse Furlane Fulvio Tomasin al a invidât i membris dal coordenament e i segretaris dai circui de basse a une riunion che si davuelzarà joibe ai 17 di mai, a lis 20.30, alì de sede dal Pd a S. Zorç in vie Nogara n.7, par discuti de situazion politiche e par individuâ il percors dai circui de Basse cun rivuart a lis elezions dal 2013.

SECONT APONTAMENT DI "RESISTENZE 2012": CUANT CHE I FORESCJ O JERIN NOALTRIS E LA CAMPAGNE "L'ITALIA SONO ANCH'IO"

12/05/2012: CONVOCADE LA ASSEMBLEE REGJONÂL DAL PD

Il president Tarcisio Balbo al à convocât par sabide ai 12 di mai 2012, a lis 9.30, alì de sede di vie Joppi 63 a Udin, la Assemblee Regjonâl dal Partît Democratic dal Friûl - Vignesie Julie.

Ca sot, l'ordin dal dì:

• Aprovazion dal belanç consuntîf 2011 e dal  belanç di prevision 2012 dal Pd regjonâl
• Esit elezions aministrativis
• Viers lis elezions regjonâls
• Variis e eventuals

ELEZIONS TE BASSE: MIÔR LA ÇAMPE

In Provincie di Udin, te basse furlane, o vevin trê comuns li che si votave par rinovâ i conseis comunâi. A Pucinie il candidât de liste civiche di centri çampe "Insieme per Pocenia" Marino Zat al è stât superât di pôc dal vecjo sindic Bernardis. Dut câs une biele campagne eletorâl par Marino e la sô scuadre di tancj zovins che si fasaran sigurementri valê (di marcâ il biel risultât in tiermins di preferencis di Maria Cristina Monti, ancje je iscrite al Pd, la femine plui votade intal consei comunâl di Pucinie). A Çarvignan grande afermazion de storiche liste civiche di centri çampe "Il Ponte" e dal candidât Gianluigi Savino che al vinçût cun scuasit 700 vôts di distac su Rossetti (ancje te capitâl de basse orientâl un grant risultât pal Pd, il plui votât Antonio Casola cun 135 preferencis). Par finî  a Lignan il centri drete al a tirât su une raclade di chês che e restaran te storie. Luca Fanotto e lis sôs listis civichis si son afermâts cul 65% dai vôts. Une vore ben la liste di centri çampe "Comunità Lignano" (la seconde plui votade des sîs che poiavin Fanotto) che e puarte in consei doi rapresentants (il plui votât Paolo Cjubei, dal Pd, cun 104 preferencis). Achì ducj i risultâts in detai.

FÂ FIESTE .......

Il Gas Furlan us invide ae "Fieste dai Gas e de economie solidarie" che si davuelzarà ai 12 di mai, des 10.00 aes 18.00, alì de "Cjase di Catine" in vie Selvuzzis 1 a Vilalte di Feagne. Frache ca par lei il program complet.

Ca parsore il program de 1 Fieste Democratiche che e tacarà vinars ai 11 di mai e e durarà dut il fin setemane te "buse" di Cjamplunc. Une vore interessantis lis iniziativis in program. Se o vês voie di viodi il calendari di dutis lis fiestis in provincie di Udin lu cjatais sul sît dal Pd provinciâl.

1976

06 maggio 1976 - 06 maggio 2012

02/05/2012: CONSEI COMUNÂL A PALAÇÛL

Convocât par vuê miercus ai 2 di mai, a lis 19.00, il Consei Comunâl di Palaçûl.

Ca sot l’ordin dal dì:

1) Surogazion dal conseîr comunâl Scarpolini Marziano;

2) Leture e aprovazion dai verbâi de sentade dai 23.04.2012 dal n. 7 al n. 14;

3) Interpelance presentade di bande dai conseîrs comunâi Scarpolini Marziano, Romano Manuela e Domenighini Vigilio in date 18/04/2012, prot. n. 3372, cun rivuart a “Osservazions presentadis di bande de Associazion “Chei de Fionde” e di Bertoli Italico cuintri la delibare de zonte comunâl n. 13 dai 17 di fevrâr 2012. Domande di sclariments”