ÇUIAN 13/04/2012: MEMENTO MARI

CUNVIGNE AL CENTRI BALDUCCI: IL DIRIT AE PROTEZION. CUÂL FUTÛR PAL DIRIT DI ASÎL IN ITALIE?

Il Centri Ernesto Balducci e la Rêt pai Dirits di Citadinance dal Friûl – Vignesie Julie e invidin a partecipâ al incuintri public "IL DIRIT AE PROTEZION. Cuâl futûr pal dirit di asîl in Italie?" che si davuelzarà lunis ai 19 di març 2011, a lis 20.30, alì dal

Auditorium dal Centri Balducci a Çuian.

Chel di asîl al è un dirit fondamentâl de persone, stabilît di bande dal articul 10 de Costituzion. Furnî, protezion a cui che al scjampe di persecuzions, conflits e violencis coletivis al è un oblic juridic e etic de Republiche. Cun dut che la Italie di cualchi an a cheste bande e sedi deventade un paîs di destinazion dai rifugjâts e no plui dome un paîs di transit, lis politichis publichis no son sigurementri adeguadis ae situazion.

Il stes dirit di asîl al reste un teme pôc cognossût di gran part de opinion publiche ma ancje dal mont de culture e di chel de politiche. Daspò de sentence de Cort europeane pai dirits dal om che e condane cun durece l’Italie par vê parât indûr i sfolâts che e rivavin de Libie e dopo la fin de cussì clamade “emergjence Nord-Afriche” al è necessari vierzi une gnove pagjine dal dirit di asîl in Italie. In ocasion de presentazion de ricercje “Il dirit ae protezion” un dai prins studis che al cjape in esam il stât dal sisteme asîl in Italie intai ultins agns, discutin des prospetivis dal dirit di asîl intal nestri Paîs cun:

Furio Honsell - Sindic di Udin

Guglielmo Pitzalis -  Miedi, referent dal GrIS Fvg de S.I.M.M. (Societât Taliane di Medisine des Migrazions)

Silvia De Lotto - Associazion Nuovi Cittadini Onlus, ent gjestôr SPRAR di Udin e coordenadore de rêt regjonâl “Crocicchio-Voikrucigo”

Pietro Paviotti - Sindic di Çarvignan e referent ANCI regjonâl dal Friûl Vignesie Julie

Tamara Amadio - Avocat, CIR (Consei Talian pai rifugjâts)

Gianfranco Schiavone - Component dal diretîf nazionâl A.S.G.I. (Associazion Studis Juridics su la Imigrazion) e coordenadôr sientific de ricercje “Il dirit ae protezion”

Introduzion e coordenament par cure di Pierlugi Di Piazza, Centri Balducci

CUNVIGNE DI LEGAMBIENTE: “INCUINAMENT E MALATIIS: CE CHE O VIN DI SAVÊ E CE CHE O VIN DI F”

Il Circul Legambiente di Udin, cul contribût di FVG Solidale, e in colaborazion cul Centri Balducci di Çuian, Città Sana, Isde FVG, Associazion Alpi, Club Unesco di Udin e cul patrocini dai Comuns di Udin, Cjampfuarmit, Martignà Mortean, Pavie di Udin, Poçui, Pradaman, Remanzâs e Tavagnà us invide a partecipâ al incuintri public “Incuinament e malatiis: ce che o vin di savê e ce che o vin di fâ” che si davuelzarà vinars ai 10 di fevrâr 2012, a lis 20.30, alì dal Centri Balducci di Çuian.

Ca sot il program de serade.

Presentazion: Marino Visentini, President Circul Legambiente di Udin.

Intervents: Dot. Diego Serraino, diretôr SOC epidemiologjie e biostatiche dal Centri di riferiment oncologjic di Davian “Inzornament sui tumôrs in Friûl Vignesie Julie. Cognossi par prevignî” e Dot. Mario Canciani, responsabil dal servizi di pneumologjie inte Cliniche pediatriche de Aziende Ospedaliere Universitarie di Udin.

Dibatit.

Par informazions: udine@legambientefvg.it

BÊATS CHEI CHE E AN FAM E SÊT DI JUSTIZIE: STORIIS DI MAFIE E ANTIMAFIE A ÇUIAN

Il Centri E. Balducci di Çuian, in colaborazion cul Moviment Propositivo e la partecipazion de Associazion Libera al pant l’invît a partecipâ ae iniziative publiche “Beâts chei che e an fam e sêt di justizie” (Mt. 5/6). Presentazion dal libri: "Nel labirinto degli dèi. Storie di mafia e antimafia" di Antonio Ingroia, procuradôr distretuâl antimafie di Palermo.

Ve ca il program de iniziative:
Salût di Augusto Failutti, president dal Centri Balducci
Introduzion e coordenament di Pierluigi Di Piazza, responsabil dal Centri Balducci e Gianpaolo Carbonetto, gjornalist
Intervents di Antonio Ingroia, procuradôr distretuâl antimafie a Palermo e Francesco Zinzone, referent di Libera-Udin
Dibatit e, daspò des conclusions, moment conviviâl