VINARS AI 31 DI MAI ANCJE A PALAÇÛL "LA MÊ LENGHE E SUNE IL ROCK (E NO DOME CHEL)"

"RESISTENZE" IL SECONT APONTAMENT: LA PARTIGJANE FURLANE Y LOS NIÑOS REBELDES DI GUIDO CARRARA

 

Vinars, ai 29 di març 2013, aes 20.30, alì de Cjase dal Marinaretto di Palaçûl, si davuelzarà il secont apontament de rassegne "Resistenze 2013". Dilunc de serade, inmaneade di bande de ANPI adun cun diviersis associazions dal teritori, a vignaran presentâts i libris a fumuts "Angelina, una storia partigiana" e "Il grido del sapo" di Guido"Quisco" Carrara e Raff BB Lazzara.  Lis dôs iniziativis editorialis de Anpi di Tarcint/Tresesin e de Bande Tzingare nus contin, cuntune modalitât e un lengaç no convenzionâi dôs resistencis; il fîl ros jenfri la storie de partigjane furlane e chê visionarie dai fruts ribei de Americhe Latine che lotin cuintri il sfrutament dai adults e dal "sisteme" a rapresentin pai organizadôrs une ocasion di no pierdi par alimentâ la memorie ma ancje par dâ vôs ai ultins che inmò vuê, par doprâ lis peraulis di Guido Carrara, "a esistin e a resistin". Vinars, dopo la introduzion di Lorenzo Fabbro, Gabriella Cecotti a dialogarà cui autôrs intant che Mauro Daltin e Simone Ciprian de "Bottega Errante" e learan cualchi toc leterari intervalât des cjançons "resistentis" dal Coro Popolâr de Resistence di Udin e dai Luna e un Quarto. Une mostre des riproduzions e di cualchi taule origjinâl dal "Grido del sapo" si podarà visitâ par un pâr di setemanis intai oraris di vierzidure dal centri di agregazion pai zovins Art Port.

DI JERBAS E DI SUNS : MUSICHE E PERAULIS PAR UNE SPOON RIVER CJARGNELE

in ocasion de riedizion dai album di

Giorgio Ferigo &

povolÂr ensemble

martars ai 18 di dicembar 2012, aes 20.20

alì dal teatri Palamostre di Udin, si davuelzarà il conciert/spetacul

 di jerbas e di suns

musiche e peraulis par une spoon river cjargnele

mauro costantini, pianoforte / federico luciani,percussions / mirko cisilino, trombe / emanuel donadelli, batarie / Massimiliano d’osualdo, armoniche / simone serafini, liron / maria fernanda pardini e flaviano miani, vôs / riccardo maranzana e francesca casaccia, leturis / imagjinis di riccardo losito / tescj metûts adun di annalisa comuzzi e francesca valente

 

Jentrade libare

SUNS 2012: SABIDE AI 2 DI NOVEMBAR A UDIN

Vinars ai 2 di Novembar, a tacâ di 9 di sere, alì dal teatri Palamostre di Udin si tignarà la edizion 2012 di SUNS, il festival european de cjançon in lenghe minoritarie. Dilunc vie de serade a sunaran grups e cjantautôrs che a rivin de Sardegne (Randagiu Sardu cun Quilo), de citât sarde catalane dal Alguer (Claudia Crabuzza e Claudio Gabriel Sanna), dal Cjanton dai Grisons (Casper Nicca), de Ladinie dolomitane (Jean Ruaz), de comunitât cravuate dal Burgenland (Ruben Dimitri), de Arpitanie (Billy Fumey), de Ocitanie (Somi de granadas) e, clâr, ancje dal Friûl (Jonokognòs e Mig 29 Over Disneyland). Ospit speciâl di SUNS 2012 il progjet musicâl Orka che al rive jù dret des isulis Føroyar.

La jentrade e je libare.

PAI TROIS DAI SANTS 2012

Ca sot il program che a nus propon la Associazion Trois di Rivignan in ocasion de fieste dai Sants.

Musiche, mostris e cetant altri a partî di joibe 31 fin ai 3 di novembar.

Vierzidure cul bot joibe a lis 21.00: scree de mostre e presentazion dal gnûf fumet di Guido Carrara Quisco e Raff BB Lazzara "Il grido del Sapo" , un lavôr di une fuarce e bielece straordenariis, une storie visionarie di denuncie sul sfrutament de infanzie e su la lote pe libertât …… di no pierdi!

VIVA ONDE FURLANE 2012

Ai 5 e ai 6 di otubar ven a judâ la Radio Libare dai Furlans ...... e a gjolditi une schirie di concierts un miôr di chel altri! No si pues mancjâ!

SUNADE PAR GIORGIO FERIGO

DULINVIE 2012

fracait parsore par lei miôr

CONCIERT PAL TILIMENT

ARCA e ONDE FURLANE a presentin la seconde edizion dal CONCIERT PAL TILIMENT une zornade di musiche ad ôr dal flum par celebrâ il Tiliment e par difindilu dal progjet de autostrade Cimpel-Glemone.

Il conciert si tignarà domenie ai 26 di Avost di dôs dopomisdì (14.00) fin che al ven scûr a Pontaibe, dongje Cuel di Pinçan (PN), dulà che l’Arzin si bute tal Tiliment.

Il conciert al è a gratis e al sarà presint il miôr de musiche furlane: Arbe Garbe, MiG-29 over Disneyland, Ulisse e i Ciclopi, Truc, Aldo Rossi, Matteo Segrado, Pantan, GBU-The Good, the Bad and the Ugly, Eleonora Cedaro, RuznoTone. Tra une sunade e chê altre si varan intervents di WWF, Legambiente, CAI e di diviers comitâts di difese dal teritori.

Cemût rivâ? Par cui che al rive bande Maian-Flavuigne, si à di zirâ a çampe dopo dal puint sul Arzin e lâ daûr des indicazions fin al puest dal conciert. Par cui che al rive di Pinçan, si va indevant bande Flavuigne e al dret de frazion di Cjampeis si cjatin lis indicazions pal conciert.

Par cui che al è interessât, a 10 di buinore, escursion cul WWF su la Mont di Ruvigne, di chê altre bande dal flum rispiet al puest dal conciert. Compagnâts di Roberto Pizzutti, president dal WWF dal Friûl - Vignesie Julie, si rivarà a di un pont panoramic di indulà che si gjolt di une viste magnifiche dal Tiliment, par capî cemût che al vignarès ruvinât de autostrade. Si cjatisi a 10 a S. Pieri di Ruvigne, tal splaç de crosere tra la provinciâl 5 e vie dal Puint. In alternative si pues lâ sù in machine e cjatâsi cul grup dai cjaminadôrs a 11 e mieze, cuntune curte salide fin al pont panoramic. Dopo si podarà tornâ jù tal puest dal conciert, dulà che si cjate di gustâ tor une (13.00).

Se il timp nol è biel controlait il sît www.comitato-arca.it

VIVA ONDE FURLANE E IL PREMI “ANDREA ZARAMELLA” SABIDE AI 4 DI AVOST A MUÇANE

BUTEGHE @ ITINERANNIA

A PALAÇÛL , PAI 1250 AGNS, IL VIAÇ NOTURNI TE STORIE E TE MUSICHE DI STEFANO MONTELLO E CRISTINA MAURO

Sabide ai 19 di mai, a lis 20.30, inte suaze des celebrazions dedicadis a "Palaçûl 1250" la aministrazion comunâl us invide a partecipâ al spetacul teatrâl "Viaggio Notturno" di e cun Stefano Montello e Cristina Mauro.

Il spetacul, un viaç, a traviersâ la storie e la culture furlane dilunc i secui cul jutori de musiche e des cjançons, al tacarà aes 20.30, alì dal auditorium des scuelis di vie Rome, a lis 20.30.

Jentrade libare.

1 DI MAI A ÇARVIGNAN

Dut pront pe fieste dal lavôr a Çarvignan. La manifestazion provinciâl dai sindicâts che si davuelzarà doman e proviôt la partence dal corteu di Vie Garibaldi a lis 9.30 e il comizi in Place Indipendence a partî des 10.30. Si proviodin intervents dal sindic di Çarvignan Pietro Paviotti e dal Segretari de Anpi di Udin Luciano Rapotez. Pai sindicâts al cjaparà la peraule Paolo Carcassi, segretari confederâl de Uil che al fevelarà ancje a non de Cisl e de Cgil.

Us segnalin ancje un pâr di events colaterâi: la presentazion dal libri “1 di mai a Çarvignan” usgnot aes 20.30 intal teatri Pasolini e il conciert dai radio Zastava doman, in place Indipendence, subite dopo i comizis.

Ca sot lis locandinis cui programs complets.

ÇUIAN 13/04/2012: MEMENTO MARI

LA MÊ PATRIE E SUNE IL ROCK: PERAULIS, IDEIS E MUSICHIS PAR UN FRIÛL LIBAR E BABELIC

Inte suaze de Fieste dal Friûl il Comun di Muçane e Radio Onde Furlane us invidin ae presentazion dal libri di Marco Stolfo  "La mê lenghe e sune il rock". Apontament li dal centri civic Villa Muciana, in Place S. Marc, martars ai 3 di avrîl 2012, a lis 20.30, par fevelâ di musiche, storie, politiche, societât, dirits, leterature e tutele des minorancis chenti e ator pe Europe. Cristina Mauro e Stefano Montello, components dal storic grup dal Mitili Flk, i pionîrs de "gnove musiche furlane", si confrontaran, moderâts di Pauli Cantarut di Radio Onde Furlane, cul grup dai Luna e un Quarto, vincidôrs dal Premi Friûl intal 2010, e cul autôr dal libri, il gjornalist Marco Stolfo. Duncje no dome la presentazion di un libri o une taule taronde ma ancje un conciert li che i musiciscj, vêrs protagoniscj de serade, e sunaran dal vîf cjançons di îr e di vuê. Apontament di no pierdi.

PREMARIÂS 2/3/2012: CENE (E CONCIERT) PAR ONDE FURLANE

La cene dal Drâc – ai 2 di Març dal 2012

Par mangjâ ben, scoltâ musiche dal vîf e judâ Onde Furlane!

La “Cene dal Drâc” e je la prime iniziative enogastronomiche metude adun de associazion “Amîs di Onde Furlane - Lenghis dal Drâc” par dâ une man a Radio Onde Furlane.

Cun 25 euros tu podarâs gjoldi di un menù speciâl alì de piçule tratorie Sant Maur a Premariâs, (http://www.trattoriasanmauro.com/) scoltâ un conciert dai Luna e un Quarto (vincidôrs dal Premi Friûl 2010) e judâ la situazion economiche de tô radio.

Dilunc vie de cene si podarà mangjâ: tocj in braide; carpaccio di cjar salade su rucule e cuince di asêt balsamic; crêpes cul lidric di Trevîs gratinadis tal for; spaghets grues di cjase cun luianie nostrane; cuintrifilet di purcit cuet in panzete e osmarin; patatis rustidis; polente zale; strudel.

La cene e je vierte a ducj, socis e no, e cui che al vûl al pues ancje profitâ par fâ la tessare pal 2012.

Prenote daurman telefonant al 0432 530614 begin_of_the_skype_highlighting 0432 530614 end_of_the_skype_highlighting o pûr scrivint a lenghisdaldrac@gmail.com dentri dal prin di març.

No tu puedis mancjâ!

SUNS, SCLESIS DI EUROPE: A UDIN LA FINÂL DAL LIET INTERNATIONAL 2011

SUNS Sclesis di Europe. Visions, musichis, peraulis ..... e ai 19 di novembar no stait a piardisi la finâl dal LIET INTERNATIONAL 2011, pe prime volte in Italie, pe prime volte in Friûl!

SÊSO PRONTS A TORNÂ PAI TROIS? A RIVIGNAN FIESTE, MOSTRIS E, COME SIMPRI, TANTE BUINE MUSICHE

I amîs de Associazion TROIS nus mandin il program che e an metût adun in ocasion de Fieste dai Sants 2011 a Rivignan.

La Fieste dai Sants

Vinars ai 28 di otubar, a partì da lis 21.00, inaugurazion des mostris "Caleidoscopio Cameroun" reportage fotografic di Andrea Tonizzo e "L'om di carton" mostre artistiche des creazions dal mestri Luciano Lunazzi.

Luciano Lunazzi

Sabide ai 29 di otubar, da lis 22.00, musiche cul DJ set di ENJOY, MAXIST, KALI + CAPITAN LOVE. A la une di gnot mignestron gratis par ducj!

Domenie ai 30 di otubar, a partì da lis 15.00 concierts dai OUTLAWS (mularie in rock), ORCHESTRA CORTILE, MAD MAN BLUES e PICCOLI GIOCOLIERI.

Orchestra Cortile

Lunis ai 31 di otubar, da lis 21.00 concierts di EL BLASE, INTERNOS e BRAIN CONDOR.

Ultime zornade martars 1 di novembar, a partì da lis 17.00 inmò buine musiche cun ALDO SBADIGLIO E LA FAMIGLIA ANANAS IN VACANZA A DRESDA e ALIANTENSAMBLE (Renzo Stefanutti, Emanuele Stefanutti, Susan Franzil).

Renzo Stefanutti

Come simpri mostris e concierts si davuelzaran te sede de Associazion, la ex Ostarie alle Piramidi a Rivignan.

E TORNE VIVA ONDE FURLANE

Ai 15 di Otubar Kultur Shock, Mellow Mood, Radio Zastava, Carnicats e tancj altris in conciert a Mortean a pro de “radio libare dai furlans”

Dopo dal sucès straordenari dal an passât, cu passe 1.500 personis e un grant numar di zovins, e torne “Viva Onde Furlane”, la fieste – conciert di autofinanziament metude adun de storiche emitente che si conferme une des realtâts culturâls furlanis plui seguidis e preseadis. L’apontament si tignarà ai 15 di Otubar, a tacâ des sîs sot sere (18.00), alì de aree di Festintenda a Cjasielis di Mortean (10 euros di jentrade).I efiets dai tais pesants che la aministrazion regjonâl e à fat sui invistiments pe tutele de lenghe furlane si fasin sintî ancjemò, massime su chei che al è in prime linie intal promovi e intal doprâ la lenghe proprie dal Friûl. Cun di fat, cundut di cualchi piçul segnâl di cambiament, lis risorsis pes trasmissions radiotelevisivis par furlan previodudis des leçs regjonâls di tutele a son lontanis di ce che al coventarès. La fieste – conciert e je duncje une rispueste a ducj chei che in Regjon a van dilunc cu la politiche di limitazion des ativitâts di tutele e di promozion dal furlan, setôr là che Onde Furlane e davuelç une funzion di prin plan no dome cu la sô programazion radiofoniche, ma ancje cuntune vore di altris progjets. Poiâ la radio, dut câs, al vûl dî ancje difindi une vôs libare e indipendente che e contribuìs al pluralisim de informazion regjonâl, cence dismenteâ po la impuartance che la emitente e à intal sburtâ lis produzions musicâls di chenti. Nol è un câs, di fat, se ancjemò une volte “Viva Onde Furlane” e pues poiâsi sul contribût volontari di cetancj rapresentants de sene musicâl furlane e no dome. Cussì, sul palc de manifestazion, si podarà viodi un pôcs dai ultins nons di Musiche Furlane Fuarte (etichete di riferiment de radio) tant che Ulisse e i Ciclopi e Orchestra Cortile, che a àn vinçût lis ultimis edizions dal Premi Friûl, e i Mig 29 Over Disneyland che a presentaran la ultime produzion discografiche di MFF, o sei il cd “2+2 nol fâs 4”. A sunaran po ancje i innomenâts Carnicats, i spetacolârs Radio Zastava, i eletrics-ipnotics Arbeiter e i Mellow Mood, un dai grups miôr dal panorame reggae talian che pe ocasion a varan tant che ospit speciâl DJ Tubet. Il moment plui spietât de serade al è però chel de esibizion dai Kultur Shock, grup american in stât di traspuartâ il public cul so miscliç potent di grunge, balkan e metal. Chê di Cjasielis, tra l’altri, e je la uniche tape intal stât talian de lôr tournée europeane.Ae musiche dal vîf dai grups si alternaran i DJ sets di Gerovinyl, Green Beats, Tommy, Tunnel, Sister Blister, Abrasive, Stîl Salvadi, Notonlynoise e Hybrida: ducj protagoniscj dai dopodimisdîs e des seradis musicâls de radio.Dal numar grues di telefonadis e di adesions za rivadis par mieç dai social networks, ancje chest an “Viva Onde Furlane” si presente tant che un event in stât di confermâ la grande poie popolâr che cheste radio e à simpri vût intai siei passe trente agns di storie. Un segnâl che ancje lis istituzions a fasaressin ben a tignî cont. “Viva Onde Furlane” e je inmaneade de associazion “Lenghis dal drâc – Amîs di Onde Furlane”, nassude propite cun chê di meti adun iniziativis par judâ la “radio libare dai furlans”, cu la colaborazion dal circul “il Cantîr” di Mortean e cun Hybrida.

CORMÔR SALVADI A CJASIELIS DI MORTEAN

Come ogni an a Cjasielis di Mortean e torne la musiche di Cormôr Salvadi. Il Cantîr e Radio Onde Furlane e an inmaneât un program verementri super: di no pierdi la serade di solidarietât cul progjet Snait ai 7 di otubar e, ai 15 di otubar, Vivaondefurlane la fieste di autofinaziament a pro de Radio Libare dai Furlans. No stait a mancjâ!