CUN BANCA ETICA PAR DISCUTI DI TIERE E AGRICULTURE

Sabide ai 17 di novembar, alì dal Circul Arci Mis(s)Kappa in Vie Bertaldia, 38 Banca Etica us invide a partecipâ a cheste interessante cunvigne:

"Tiere e agriculture": la situazion nazionâl e internazionâl"

da lis 10.00 a lis 13.00

Marco Iob: La situazion internazionâl cun rivuart a agriculture e mudaments climatics, sovranitât alimentâr e lote ae denutrizion

Giorgio Osti: La corse ae tiere. Propueste di rivalorizazion dal ben tiere in Italie.

"Buinis pratichis intal nestri teritori" 

da lis 14.00 a lis 16.30

Sergio Pascolo (titolâr az. agr. omonime e president AproBio): arlevament di gjalinis pe produzion di ûfs biologjics, situazion dal Bio in Regjon.

Giuliano Marini (az. agr. "Canais da la mîl"): Produzion mîl biologjic, progjet "Adote un bôç".

Dario Brollo. Il progjet "La Costigliola", aziende agricule biologjiche gjestide di Banca Etica, centri atîf pes tematichis dal disvilup sostignibil.

Oscar Missero (az. agr "Li Zuculis" di Alzetta Rosmari). Produzion e vendite di prodots biologjics par une alimentazion sane, sostignibile, peade al teritori.

Tiziana Cimolino (Associazion Bioest). "Urbi et Horti", la esperience.

18/12/2011: ZORNADE DI AZION GLOBÂL CUINTRI IL RAZISIM E PAI DIRITS DAI MIGRANTS

ZORNADE EUROPEANE DES LENGHIS: AL CIRCUL ARCI NUOVI ORIZZONTI SI PRESENTE IL LIBRI CJALANT IL FRIÛL

In ocasion de Zornade europeane des Lenghis, il Circul culturâl e ricreatîf "Nuovi Orizzonti" dai Riçs, al à il plasê di dedicâ une serade ae presentazion dal libri Cjalant il Friûl, Pinsiirs e opinions sui luucs comuns de lenghe furlane publicât de cjase editore Forum, li che diviersis personis dal mont culturâl furlan a rispuindin a domandis che a nassin dai stereotips plui comuns su la lenghe furlane. Chest argoment si insuaze ad implen intal teme plui larc dal plurilinguisim, sburtât a fuart a de Union Europeane che di dîs agns incà i à dedicât une zornade: ai 26 di Setembar.

Ae serade a cjaparan part lis curadoris dal libri, Priscilla De Agostini e Silvana Schiavi Fachin, e cualchidune des personalitâts intervistadis pe realizazion de opare: Adriano Ceschia e Lorenzo Fabbro.

Us invidìn a partecipâ ae serade par resonâ insiemi sul valôr e su la utilitât dal furlan intun contest plurilengâl, tant che il nestri. La serade si davuelzarà ai 27 di Setembar, des 20.30 li dal Circul "Nuovi Orizzonti" in vie Brescia n.3, ai Riçs - Udin.

UNE REPUBLICHE DEMOCRATICHE FONDADE SUL LAVÔR

Martars ai 28 di setembar, alì de sale SOMSI a Cividât, inmaneât di Liumang, Circul Iskra, ANPI e SPI-CGIL, incuintri public cun proiezion dal video-documentari su le problematiche dal lavôr intal nestri paîs (e in Friûl) ITALIAN PORTRAITS di Thomas Turolo. E saran presints Thomas Turolo, regjst e Franco Belci, segretari regjonâl de CGIL FVG.

ANARCHIC, RAPINADÔR,FALSARI, SOREDUT MURADÔR