LA FIESTE PLUI IMPUARTANTE. BON 1 DI MAI!



LIS LOTIS DAL CORMÔR: ANCJE A UDIN CONTÂ PAR NO DISMENTEÂ

6/7/2012 - LIS LOTIS DAL CORMÔR A PALAÇÛL

Inte suaze de rassegne “Estât, aghis e storiis” il Comun di Palaçûl, la Associazion Culturâl Emilio Nardini e Radio Onde Furlane us invidin a partecipâ al spetacul:

LA MEMORIE, DOPO LA LIBERAZION LIS LOTIS PAL LAVÔR
1950, la Basse Furlane a jeve il cjâf: LIS LOTIS DAL CORMÔR

Vinars ai 6 di lui, a lis 21.00, in Place Luigi Bini a Palaçûl

Introduzion di Lorenzo Fabbro e Adriano Venturini, videointervistis ai protagoniscj, leturis di Maurizio Mattiuzza e incursions musicâls dai Luna e Un Quarto.“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

1 DI MAI A ÇARVIGNAN

Dut pront pe fieste dal lavôr a Çarvignan. La manifestazion provinciâl dai sindicâts che si davuelzarà doman e proviôt la partence dal corteu di Vie Garibaldi a lis 9.30 e il comizi in Place Indipendence a partî des 10.30. Si proviodin intervents dal sindic di Çarvignan Pietro Paviotti e dal Segretari de Anpi di Udin Luciano Rapotez. Pai sindicâts al cjaparà la peraule Paolo Carcassi, segretari confederâl de Uil che al fevelarà ancje a non de Cisl e de Cgil.

Us segnalin ancje un pâr di events colaterâi: la presentazion dal libri “1 di mai a Çarvignan” usgnot aes 20.30 intal teatri Pasolini e il conciert dai radio Zastava doman, in place Indipendence, subite dopo i comizis.

Ca sot lis locandinis cui programs complets.

JUSTIZIE E LIBERTÂT: INIZIATIVE PUBLICHE SUL TEME DAI ZOVINS E DAL LAVÔR A UDIN

Il Circul Justizie e Libertât di Udin us invide a partecipâ al incuintri “Ocupazion pai zovins: struments e prospetivis” che si davuelzarà joibe ai 22 di març a lis 18.30, alì de Sale Tomadini in Vie Tomadini 30 a Udin. Relazion de prof.re Valeria Filì de Universitât di Udin.

www.libertaegiustizia.it

udine@libertaegiustizia.it

TAULE TARONDE A MONFALCON: LAVÔR VUÊ

Le Associazion Culturâl Apertamente, in colaborazion cul Piccolo e le Fondazion Nord Est, e invide a partecipâ ae cunvigne sul teme “Lavoro Oggi – Lavôr Vuê” che si davuelzarà sabide ai 14 di zenâr, a lis 10.00, alì dal Europalace Hotel, in Vie Cosulich 20 a Monfalcon.

Introduzion: Paolo Possamai, diretôr dal Piccolo

Senaris di riferiment: Stefano Musso, docent di storie dal lavôr ae Universitât di Turin “Storie dal lavôr in Italie de unitât al dì di vuê”, Daniele Marini, Universitât di Padue, diretôr sientific Fondazion Nord Est “Il lavôr che al cambie”.

Taule taronde: Giuseppe Morandini, Casse di Sparagn dal Friûl - Vignesie Julie “Credit e lavôr”, Franco Belci, segretari regjonâl CGIL FVG “Lavôr e dirits”, Michele Degrassi, manager “Delocalizazion o internazionalizazion?”, Giulio Bellinato, docent di storie economiche ae Universitât Bicocca di Milan “Cantîrs e plui in là: la situazion locâl”

RASSEGNE STAMPE

Dopo dal articul di Silvio Bini publicât in croniche sul Gazzettino dai 11 di dicembar ancje sul Messaggero Veneto di îr si fevele de cunvigne "Tiaris di aghis e boscs" inmaneade dal Pd a Muçane te prime setemane di dicembar. Par lei l'articul di Viviana Zamarian, intitulât "Turismo e agricoltura anti-crisi" fracait achì.

TORNÂ A CONTÂ PAR NO DISMENTEÂ: LIS LOTIS DAL CORMÔR A CJASTEONS

Il Comun di Cjasteons - Assessorât ae Culture - e Radio Onde Furlane us invidin al spetacul "La memorie, dopo la liberazion lis lotis pal lavôr. 1950, la basse furlane e jeve il cjâf : LIS LOTIS DAL CORMÔR" che si davuelzarà miercus ai 28 di dicembar, a lis 20.30, alì dal Centri Civic di Vie Dante a Cjasteons.

Introduzion di Lorenzo Fabbro e Adriano Venturini, videointervistis ai protagoniscj, leturis di Maurizio Mattiuzza e inserts musicâi dai Luna e un Quarto.

“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

AI 5 DI DICEMBAR TIZIANO TREU A CODROIP PAR FEVELÂ DI LAVÔR

Il Partît Democratic regjonâl al à organizât par lunis ai 5 di dicembar, a lis 19.00, alì de Biblioteche Comunâl “Don Gilberto Pressacco” di Codroip un seminari sul lavôr in preparazion de conference programatiche. A lis 21.00 si proviôt un intervent dal senatôr Tiziano Treu par fâ il pont de situazion e par pandi lis iniziativis dal Partît Democratic nazionâl cun rivuart ae cuistion dal lavôr.

IL LAVÔR A NUS PLÂS DIGNITÔS

SERVIZIS, LAVÔR,DIRITS: IL FUTÛR INTE ETE BOLKESTEIN

Udin, Cjamare dal Lavôr di Vie Bassi - ai 7 di otubar 2011, a lis 9.30

Intervents
ABDOU FAYE, Segretarie Regjonâl Cgil
DEBORA SERRACCHIANI, Europarlamentâr
Rapresentants di categorie de Filcams - Filctem - Fillea - Filt - Fiom - Slc
Conclusions
FRANCO BELCI, Segretari gjenerâl Cgil Fvg
La cunvigne e sarà inmaneade in ocasion de Zornade Mondiâl dal Lavôr Dignitôs

A CHEI DE BARETE NISSUN AI LA PETE

06.09.2011 SIOPAR GJENERÂL

In place a Udin e in dute Italie cu le CGIL

LOTIS DAL CORMÔR: TORNÂ A CONTÂ PAR NO DISMENTEÂ. CUNVIGNE A CJARLINS

La sezion Anpi di Cjarlins e Maran un invide a partecipâ ae cunvigne par memoreâ lis Lotis dal Cormôr. La iniziative si davuelzarà, cul patrocini dal Comun di Cjarlins, sabide ai 14 di mai, aes 17.00, li de sale parochiâl a Cjarlins. La introduzion e sarà di Paolo Gaspari, storic e editôr, si proviodin intervents di Giuseppe Zigaina, un dai plui preseâts artiscj dal '900 european, di Furio Honsell, sindic di Udin, testemoneancis dai protagoniscj e contribûts video.

BON PRIN DI MAI A DUCJ

SUCÈS A TISANE PE INIZIATIVE DAL PD CUN FANTIN E SERRACCHIANI SUL TEME DAL LAVÔR

I circui de Basse Ocidentâl dal Partît Democratic e an fat il plen al Polifunzionâl di Tisane li che plui di 130 personis e an partecipât al incuintri public sul teme da lavôr e dal disvilup locâl. Dopo le introduzion dal segretari dal Pd di Tisane Luca Abriola, Carlos Corvino e Riccardo Cicuttin e an presentât dôs relazions une vore interessantis: la prime une analisi statistiche e no dome sul marcjât dal lavôr a plui livei, nazionâl, regjonâl e locâl e la seconde cuntune schirie di solecitazions sul rûl propositîf che e podaressin vê i ents locâi e in particolâr i comuns rivuart il guvier dal teritori e la creazion di oportunitâts. I stimui e son stâts tirâts su ae grande sedi dal candidât sindic pal centri çampe Orlando Fantin - che al a ilustrât ai presints ideis e propuestis programatichis pal disvilup di Tisane e dal teritori - sedi de segretarie regjonâl dal Pd Debora Serracchiani che, cuntun intervent une vore preseât, e a spaziât dal livel european aes problematichis talianis e de nestre Regjon. Orlando Fantin al à pontât il dêt ancje su lis divisions dal centri drete a Tisane, marcant il fat che intant che il centri çampe al continue a presentâ lis sôs propuestis su plan regoladôr, coesion sociâl, politichis pal lavôr e v.i. di che altre bande al è un cidinôr impressionant: ancje par chest e je bielzà partide la domande di organizâ un confront public tra i candidâts par un confront trasparent e tal merit des ideis e dai programs.
Ae fin ancje diviers intervents e contribûts di bande dal public e dibatit interessant e vivarôs.

la foto e je cjolte sul sît http://www.latisana.it

LOTIS DAL CORMÔR: TORNÂ A CONTÂ PAR NO DISMENTEÂ

guerrino cecotti

i luna e un quarto

le sale plene dal auditorium S. Vitale

“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

Il prin apontament de rassegne Anpi “Resistenze 2011”, dedicât aes Lotis dal Cormôr dal 1950, al è stât un sucès al di là des sperancis. Cirche 150 personis e an jemplât l’auditorium S. Vitale di Muçane mostrânt che la memorie dai oms e des feminis dal Cormôr e je inmò vive. Dopo la introduzion di Lorenzo Fabbro, Adriano Venturini al à presentât un straordenari e comovent video-documentari realizât di Radio Onde Furlane montant lis intervistis ai protagoniscj tiradis sù dilunc dal an passât (60° inovâl des Lotis). Bielissimis ancje lis musichis dai Luna e un Quarto (simpri plui brâfs) e lis leturis dal poete Maurizio Mattiuzza che e an compagnât i presints intun viaç penç di storiis e sintiments. Lis peraulis di Giancarlo Velliscig e la vôs sflandorose di Alessandra Kersevan e an scjaldât i presints che però il batimans plui lunc a lu an regalât a Guerrino Cecotti, l’ultin dirigjent des Lotis dal Cormôr che, rivât dongje dai otante, nol à pierdût dal sigûr ni il snait ni la grinte di chei agns. Cristian Sedran, assessôr dal comun di Muçane che al à sigurât il patrocini de iniziative, al à consegnât un presint tant che segn di ricognossince a Bertuzzi Achille, Brotto Bruno, Cecotti Guerrino, Cudini Rino, Galasso Fanny, Tollon Felice, Andrian Gastone, Mian Mario, Bragagnolo Angela, Alfredo Zaina, Del Piccolo Sante e a Anna Graziutti, fie dal mitic Franco Graziutti “Pablo”. Ultin ricognossiment ae memorie di Ernesto Tartaro, che nus a lassâts sabide stât, e par finî la conclusion cuntune fantastiche e liberatorie “Bella Ciao” cjantade di dute la sale e che e someave no volê finî plui……

Fracait chi par viodi cualchi foto in plui.

DEBORA SERRACCHIANI E ORLANDO FANTIN A TISANE: LAVÔR E OCUPAZION: CUÂL RÛL PES AMINISTRAZIONS LOCÂLS

I circui dal Partît Democratic de Basse Ocidentâl us invidin a partecipâ al incuintri public sul teme "Lavôr e ocupazion: cuâl rûl pes aministrazions locâls" che si davuelzarà martars ai 22 di març 2011, aes 20.30, te sale otagonâl dal Centri Polifunzionâl di Vie Goldoni a Tisane. Dopo de esposizion e de analisi dai dâts statistics cun rivuart al marcjât dal lavôr regjonâl e locâl Debora Serracchiani, europarlamentâr e segretarie regjonâl dal Pd e Orlando Fantin, candidât sindic pe coalizion di centri çampe aes elezions comunâls a Tisane e proponaran struments e strategjiis par agjevolâ il disvilup socio economic dal teritori.

LIS LOTIS DAL CORMÔR: TORNÂ A CONTÂ PAR NO DISMENTEÂ

LA MEMORIE, DOPO LA LIBERAZION LIS LOTIS PAL LAVÔR:

1950/2010 60° ANIVERSARI DES LOTIS DAL CORMÔR

Sabide ai 19 di març 2011, aes20.15, li de Sale dal Ricreatori S. Vitale a Muçane

Introduzion di Lorenzo Fabbro e Adriano Venturini, videointervistis ai protagoniscj, leturis di Maurizio Mattiuzza e incursions musicâls dai Luna e Un Quarto e di Giancarlo Velliscig e Alessandra Kersevan. Cun le partecipazion di Guerrino Cecotti.
“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

par cure di: anpi intercomunâl di palaçûl, comun di muçane, associazion artetica, circul trois, radio onde furlane, spi cgil, auser turgnano e stella&tagliamento.

SAFILO: DOI AGNS DI PROROGHE DE CASSE INTEGRAZION E A MARTIGNA' LE PRODUZION E TORNE A PARTÎ (LAVÔR DAURMAN ANCJE PAR CENT DI PRISSININS)

Daspò de notizie de proroghe de casse integrazion par altris doi agns ai operaris de Safilo al rive ancje il vie libare de assemblee dai lavoradôrs al plan di rilanç de aziende za fat bon in sede ministeriâl e presentât dai sindacâts. Si proviôt che è tornarà a partî in curt la lavorazion dai ocjâi intal stabiliment di Martignà impleânt 300 personis (100 e rivaran di Prissinins).
I sindacâts e an anunciât che par chei 526 che no son jentrâts ta chest program si continuarà cun azions di formazion par favorî, dentri dai doi agns di casse che e restin, la plene ocupazion di ducj.

LAVÔR, FEMINIS E MIGRAZIONS: IL CÂS DAL FRIÛL-VIGNESIE JULIE

Lunis ai 24 di zenâr 2011, aes 16.00, alì dal Centri Balducci di Çuian al vignarà presentât il libri “Il lavôr feminin jenfri vecjis e gnovis migrazions – Il câs dal Friûl Vignesie Julie” par cure di Ariella Verrocchio e Paola Tessitori, Ediesse Edizions.

Introduzion di
Yeok Kar Hoon - Segreterie Cjamare dal Lavôr di Udin
Intervents di
Ariella Verrocchio - Diretore Sientifiche Istitût Livio Saranz
Fatou Sarr - Inca Cgil Gurize
Don Pierluigi Di Piazza - Centri “Ernesto Balducci”
Renzo Guolo - Sociolic Universitât dai Studis di Padue
Debora Serracchiani - Europarlamentâr
Conclusions
Franco Belci - Segretari Gjenerâl Cgil Fvg

CONGRÈS PROVINCIÂL DE ANPI

Domenie ai 28 di novembar intal auditorium Zanon di Udin a si è davuelt il Congrès Provinciâl de Associazion Nazionâl Partigjans (ANPI). Un congrès une vore biel che si è strent ator des "colonis" (in particolâr il President Federico Vincenti e il segretari Luciano Rapotez) ma che al à viodût la definitive vierzidure ai zovins ancje intai organisims dirigjents de associazion. Il congrès al à elet il gnûf comitât provinciâl (Lorenzo Fabbro di Palaçûl al è stât riconfermât) e i delegâts al congrès nazionâl. Pe nestre sezion (Palaçûl,Muçane,Pucinie e Prissinins) e an partecipât tant che delegâts Mario Venturini, Cristian Sedran, Denis Nardon, Renato Zuliani e Lorenzo Fabbro (che al à fat un intervent tocjant doi cantins: lis minorancis linguistichis e il teme de memorie e dal lavôr, ricuardânt in particolâr la ricorence, che e cole chest an, dai sessante agns des Lotis dal Cormôr).