"RESISTENZE" IL SECONT APONTAMENT: LA PARTIGJANE FURLANE Y LOS NIÑOS REBELDES DI GUIDO CARRARA

 

Vinars, ai 29 di març 2013, aes 20.30, alì de Cjase dal Marinaretto di Palaçûl, si davuelzarà il secont apontament de rassegne "Resistenze 2013". Dilunc de serade, inmaneade di bande de ANPI adun cun diviersis associazions dal teritori, a vignaran presentâts i libris a fumuts "Angelina, una storia partigiana" e "Il grido del sapo" di Guido"Quisco" Carrara e Raff BB Lazzara.  Lis dôs iniziativis editorialis de Anpi di Tarcint/Tresesin e de Bande Tzingare nus contin, cuntune modalitât e un lengaç no convenzionâi dôs resistencis; il fîl ros jenfri la storie de partigjane furlane e chê visionarie dai fruts ribei de Americhe Latine che lotin cuintri il sfrutament dai adults e dal "sisteme" a rapresentin pai organizadôrs une ocasion di no pierdi par alimentâ la memorie ma ancje par dâ vôs ai ultins che inmò vuê, par doprâ lis peraulis di Guido Carrara, "a esistin e a resistin". Vinars, dopo la introduzion di Lorenzo Fabbro, Gabriella Cecotti a dialogarà cui autôrs intant che Mauro Daltin e Simone Ciprian de "Bottega Errante" e learan cualchi toc leterari intervalât des cjançons "resistentis" dal Coro Popolâr de Resistence di Udin e dai Luna e un Quarto. Une mostre des riproduzions e di cualchi taule origjinâl dal "Grido del sapo" si podarà visitâ par un pâr di setemanis intai oraris di vierzidure dal centri di agregazion pai zovins Art Port.

UN ALTRI FURLAN IN PARLAMENT. UN ALTRI PARLAMENT PUSSIBIL

O vin savût che intes listis dal Partît Democratic pe circoscrizion foreste de Americhe Meridionâl al è candidât ae cjarie di deputât un nestri amì e compagn Mauro Sabbadini, di Salta, Argjentine. La famee di Mauro e je di divignince furlane e lui al è une vore leât ae nestre tiere lì che al è stât cetantis voltis, ancje par luncs periodos. Mauro al à une grande competence e une grande passion soredut pes tematichis sociâls (lu recuardìn ancje tant che animadôr dal progjet di cooperazion Friûl/Argjentine "Snait" e in che vieste al a visitât ancje lis scuelis dai nestris paîs). Dut câs Mauro Sabbadini al sarès un bonissim acuist pal parlament talian e un valit rapresentant pai talians in argjentine e ancje ...... pai furlans. Dale Maurito, vamos!

NUNCA MAS

www.pdcordoba.blogspot.com

CORMÔR SALVADI A CJASIELIS DI MORTEAN

Come ogni an a Cjasielis di Mortean e torne la musiche di Cormôr Salvadi. Il Cantîr e Radio Onde Furlane e an inmaneât un program verementri super: di no pierdi la serade di solidarietât cul progjet Snait ai 7 di otubar e, ai 15 di otubar, Vivaondefurlane la fieste di autofinaziament a pro de Radio Libare dai Furlans. No stait a mancjâ!

PROGJET SNAIT: FRIÛL-ARGJENTINE, I FRUTS PROTAGONISCJ DAL CAMBIAMENT

Vinars ai 11 di fevrâr a Codroip aperitîf cun Nahuel, Brenda, Susy e Flor ospits in Friûl diretementri dal barrio di Ferrari (Argjentine). Une ocasion par condividi un moment di fradilance e amicizie e par cognossi lis ultimis gnovis di Snait il progjet di cooperazion friulargjentin plui figo dai ultins agns :-)

Frache ca sot par viodi miôr il volantin

UN GRANT PRESIDENT

Despido al hombre que dijo cuando asumió la Presidencia que “todos somos hijos de las Madres de Plaza de Mayo” ...........

ABUELAS DE PLAZA DE MAYO CANDIDADIS AL PREMI NOBEL PE PÂS

Une biele maniere (une di plui) par fâ fieste pal 25 di avrîl e memoreâ la Resistence: us invidìn a sapontâ il progjet di candidature da lis Abuelas di Plaza de Mayo al premi Nobel pe Pâs.

Par saventin di plui e par firmâ lait su www.abuelasdelapaz.com.ar