"RESISTENZE" IL SECONT APONTAMENT: LA PARTIGJANE FURLANE Y LOS NIÑOS REBELDES DI GUIDO CARRARA

 

Vinars, ai 29 di març 2013, aes 20.30, alì de Cjase dal Marinaretto di Palaçûl, si davuelzarà il secont apontament de rassegne "Resistenze 2013". Dilunc de serade, inmaneade di bande de ANPI adun cun diviersis associazions dal teritori, a vignaran presentâts i libris a fumuts "Angelina, una storia partigiana" e "Il grido del sapo" di Guido"Quisco" Carrara e Raff BB Lazzara.  Lis dôs iniziativis editorialis de Anpi di Tarcint/Tresesin e de Bande Tzingare nus contin, cuntune modalitât e un lengaç no convenzionâi dôs resistencis; il fîl ros jenfri la storie de partigjane furlane e chê visionarie dai fruts ribei de Americhe Latine che lotin cuintri il sfrutament dai adults e dal "sisteme" a rapresentin pai organizadôrs une ocasion di no pierdi par alimentâ la memorie ma ancje par dâ vôs ai ultins che inmò vuê, par doprâ lis peraulis di Guido Carrara, "a esistin e a resistin". Vinars, dopo la introduzion di Lorenzo Fabbro, Gabriella Cecotti a dialogarà cui autôrs intant che Mauro Daltin e Simone Ciprian de "Bottega Errante" e learan cualchi toc leterari intervalât des cjançons "resistentis" dal Coro Popolâr de Resistence di Udin e dai Luna e un Quarto. Une mostre des riproduzions e di cualchi taule origjinâl dal "Grido del sapo" si podarà visitâ par un pâr di setemanis intai oraris di vierzidure dal centri di agregazion pai zovins Art Port.

6/7/2012 - LIS LOTIS DAL CORMÔR A PALAÇÛL

Inte suaze de rassegne “Estât, aghis e storiis” il Comun di Palaçûl, la Associazion Culturâl Emilio Nardini e Radio Onde Furlane us invidin a partecipâ al spetacul:

LA MEMORIE, DOPO LA LIBERAZION LIS LOTIS PAL LAVÔR
1950, la Basse Furlane a jeve il cjâf: LIS LOTIS DAL CORMÔR

Vinars ai 6 di lui, a lis 21.00, in Place Luigi Bini a Palaçûl

Introduzion di Lorenzo Fabbro e Adriano Venturini, videointervistis ai protagoniscj, leturis di Maurizio Mattiuzza e incursions musicâls dai Luna e Un Quarto.“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

LÛCS, STORIE, MEMORIE E TERITORI: IL PROFUM DAL PAN

Cjâr amì/amie, ti invidi a partecipâ ae presentazion dal libri "Il profum dal pan" che si davuelzarà sabide ai 30 di jugn, aes 18.00, alì de sale civiche di Villa Muciana a Muçane.
Un libri, une ocasion par cjatâsi jenfri citadins, aministradôrs, associazionisim e mont de culture par resonâ su la storie e la identitât de Basse Furlane ma ancje par pensâ al futûr.
Il mont dai Mulins, la societât rurâl e contadine, la seconde vuere mondiâl, i rapuarts tra l'om e il teritori.
O conti su la tô partecipazion e intant ti saludi cuntun mandi di cûr.
Cristian Sedran.

Dopo la presentazion o restarin in compagnie par gjoldi de musiche sfolmenade dai Luna e un Quarto e par cerçâ il pan cuet intal for a lens secont la ricete dal Mulin e la bire Zahre di Sauris.

BUTEGHE @ ITINERANNIA

LA MÊ PATRIE E SUNE IL ROCK: PERAULIS, IDEIS E MUSICHIS PAR UN FRIÛL LIBAR E BABELIC

Inte suaze de Fieste dal Friûl il Comun di Muçane e Radio Onde Furlane us invidin ae presentazion dal libri di Marco Stolfo  "La mê lenghe e sune il rock". Apontament li dal centri civic Villa Muciana, in Place S. Marc, martars ai 3 di avrîl 2012, a lis 20.30, par fevelâ di musiche, storie, politiche, societât, dirits, leterature e tutele des minorancis chenti e ator pe Europe. Cristina Mauro e Stefano Montello, components dal storic grup dal Mitili Flk, i pionîrs de "gnove musiche furlane", si confrontaran, moderâts di Pauli Cantarut di Radio Onde Furlane, cul grup dai Luna e un Quarto, vincidôrs dal Premi Friûl intal 2010, e cul autôr dal libri, il gjornalist Marco Stolfo. Duncje no dome la presentazion di un libri o une taule taronde ma ancje un conciert li che i musiciscj, vêrs protagoniscj de serade, e sunaran dal vîf cjançons di îr e di vuê. Apontament di no pierdi.

PREMARIÂS 2/3/2012: CENE (E CONCIERT) PAR ONDE FURLANE

La cene dal Drâc – ai 2 di Març dal 2012

Par mangjâ ben, scoltâ musiche dal vîf e judâ Onde Furlane!

La “Cene dal Drâc” e je la prime iniziative enogastronomiche metude adun de associazion “Amîs di Onde Furlane - Lenghis dal Drâc” par dâ une man a Radio Onde Furlane.

Cun 25 euros tu podarâs gjoldi di un menù speciâl alì de piçule tratorie Sant Maur a Premariâs, (http://www.trattoriasanmauro.com/) scoltâ un conciert dai Luna e un Quarto (vincidôrs dal Premi Friûl 2010) e judâ la situazion economiche de tô radio.

Dilunc vie de cene si podarà mangjâ: tocj in braide; carpaccio di cjar salade su rucule e cuince di asêt balsamic; crêpes cul lidric di Trevîs gratinadis tal for; spaghets grues di cjase cun luianie nostrane; cuintrifilet di purcit cuet in panzete e osmarin; patatis rustidis; polente zale; strudel.

La cene e je vierte a ducj, socis e no, e cui che al vûl al pues ancje profitâ par fâ la tessare pal 2012.

Prenote daurman telefonant al 0432 530614 begin_of_the_skype_highlighting 0432 530614 end_of_the_skype_highlighting o pûr scrivint a lenghisdaldrac@gmail.com dentri dal prin di març.

No tu puedis mancjâ!

TORNÂ A CONTÂ PAR NO DISMENTEÂ: LIS LOTIS DAL CORMÔR A CJASTEONS

Il Comun di Cjasteons - Assessorât ae Culture - e Radio Onde Furlane us invidin al spetacul "La memorie, dopo la liberazion lis lotis pal lavôr. 1950, la basse furlane e jeve il cjâf : LIS LOTIS DAL CORMÔR" che si davuelzarà miercus ai 28 di dicembar, a lis 20.30, alì dal Centri Civic di Vie Dante a Cjasteons.

Introduzion di Lorenzo Fabbro e Adriano Venturini, videointervistis ai protagoniscj, leturis di Maurizio Mattiuzza e inserts musicâi dai Luna e un Quarto.

“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

PREMI FRIÛL AL PARC DAL CORMÔR

Premi Friûl pront a partî
Dut al è a bon pe finâl dal concors musicâl in lenghe furlane
Vinars ai 19 di Avost a 9 di sere (21.00) alì dal Parc dal Cormôr al torne il Premi Friûl: il storic concors pai musiciscj che a cjantin par furlan.

Une serade fisse di musiche là che si podarà scoltâ cinc grups di zovins che a proponaran gjenars musicâi une vore diviers tra di lôr. Un tant par confermâ inmò une volte cemût che la lenghe furlane e puedi confrontâsi cence pôre cun ducj i contescj artistics dal dì di vuê, fûr di ogni sierai folcloric. Pe finâl de edizion dal 2011, framieç dal trop dai partecipants, la scuadre di Radio Onde Furlane – chest an adun cul Homepage Festival – e à sielzût cinc grups zovins, ven a dî: Ulisse e i Ciclopi (hard rock blues cuntune vene psichedeliche); (H)ausbau (formazion elegante e plene di poesie che e rive dal Cjanâl dal Arzin); Trio Tubazzi (trê musiciscj che a produsin un rock che al sbreghe); Umori Instabili (folk cjantautoriâl); e Sunrise (progjet de cjantautore Nicole Lizzi e dal musicist Dario Di Lorenzo).
Daûr tradizion, il vincidôr di cheste sfide al varà la pussibilitât di produsi un lavôr discografic editât de etichete Musiche Furlane Fuarte. E di fat, intant de serade, a sunaran ancje i Luna e un quarto, vincidôrs de edizion stade e grup za di cult inte Basse furlane, che a presentaran cussì il lôr cd “Basse Pression”. Un lavôr là che il folk si misclice cul jazz e cun influencis mediteraniis. Chest an, cun chê di svicinâ il Premi Friûl al public plui zovin, si à decidût di spostâ la finâl dal Teatri Palamostre al Parc dal Cormôr, che al ufrìs une suaze plui dongje dal spirt “rock” de manifestazion. Di là di cheste piçule rivoluzion, il Premi Friûl al va dilunc a mostrâ elements di continuitât cu lis edizions stadis, a partî de presentazion de serade – ancje su chest front la manifestazion e je stade farie di talents – afidade ae condutore radiofoniche e televisive Mojra Bearzot e a Dek Ill Ceesa, vere stele dal hip hop furlan.
Apontament di no pierdi alore vinars ai 19 di Avost, a tacâ des 9 di sere, alì dal Parc dal Cormôr.

OJ CE FIESTO LARILERA'

zovins furlans in musiche pe fieste dal friûl -muçane - dj tubet e luna e un quarto

FIESTE DAL FRIÛL TE BASSE FURLANE

In ocasion dal 3 di Avrîl, aniversari de nassite dal Stât Patriarcjâl furlan, e je stade metude adun dai comuns di Cjarlins, Muçane e Sant Zorç, la Fieste dal Friûl te basse Furlane.

Il program:
JOIBE ai 24 di Març a Muçane
Inte Biblioteche aes 15.00 pe scuelis primariis e aes 16.00 pe scuele de infanzie
"Storiutis. La pavee, il pessut e la ruie" di Debora Crapiz e Doriana Alessio
VINARS al 1 di Avrîl a San Zorç di Noiâr
Intal Auditorium San Zorz aes 20.45
"Il condot intal ort" comedie teatrâl cun la "Buine blave di Mortean"
SABIDE ai 2 di Avrîl a Muçane
Inte sale dal ricreatori "San Vitale" aes 10.30
"Zovins furlans in musiche" - Conciert dai Luna e Un Quarto e DJ Tubet e presentazion de mape ilustrade "Friûl di Magance" di Luigino Peressini.
DOMENIE ai 3 di Avrîl a Cjarlins
Aes 11.00 Sante Messe par furlan inte glesie parochiâl di Cjarlins
Aes 12.00 Corteu cu la partecipazion de Gnove Bande di Cjarlins e deposizion di rosis tal monument ai muarts in vuere par cure dal grop alpins di Cjarlins.
Aes 12.15 Inte sale parochiâl: presentazion dal librut "La Clape 2011" e cerimonie di consegne dal premi "Britule di Arint" par cure de Clape culturâl di Cjarlins e Sarvâs

LOTIS DAL CORMÔR: TORNÂ A CONTÂ PAR NO DISMENTEÂ

guerrino cecotti

i luna e un quarto

le sale plene dal auditorium S. Vitale

“La primevere dal 1950, la miserie e la emigrazion, il plan pal lavôr e il grant siopar contrari sul Cormôr. Comizis cun miârs di personis a jemplâ lis placis, sindacaliscj ex-partigjans a traviersâ lis stradis de Basse in biciclete, i zovins, lis assembleis dai zornadîrs. Une lote deventade event politic e sociâl di enorme impuartance pal teritori de Basse e pal mont dal lavôr furlan in gjenerâl. Tornâ a contâ par no dismenteâ.”

Il prin apontament de rassegne Anpi “Resistenze 2011”, dedicât aes Lotis dal Cormôr dal 1950, al è stât un sucès al di là des sperancis. Cirche 150 personis e an jemplât l’auditorium S. Vitale di Muçane mostrânt che la memorie dai oms e des feminis dal Cormôr e je inmò vive. Dopo la introduzion di Lorenzo Fabbro, Adriano Venturini al à presentât un straordenari e comovent video-documentari realizât di Radio Onde Furlane montant lis intervistis ai protagoniscj tiradis sù dilunc dal an passât (60° inovâl des Lotis). Bielissimis ancje lis musichis dai Luna e un Quarto (simpri plui brâfs) e lis leturis dal poete Maurizio Mattiuzza che e an compagnât i presints intun viaç penç di storiis e sintiments. Lis peraulis di Giancarlo Velliscig e la vôs sflandorose di Alessandra Kersevan e an scjaldât i presints che però il batimans plui lunc a lu an regalât a Guerrino Cecotti, l’ultin dirigjent des Lotis dal Cormôr che, rivât dongje dai otante, nol à pierdût dal sigûr ni il snait ni la grinte di chei agns. Cristian Sedran, assessôr dal comun di Muçane che al à sigurât il patrocini de iniziative, al à consegnât un presint tant che segn di ricognossince a Bertuzzi Achille, Brotto Bruno, Cecotti Guerrino, Cudini Rino, Galasso Fanny, Tollon Felice, Andrian Gastone, Mian Mario, Bragagnolo Angela, Alfredo Zaina, Del Piccolo Sante e a Anna Graziutti, fie dal mitic Franco Graziutti “Pablo”. Ultin ricognossiment ae memorie di Ernesto Tartaro, che nus a lassâts sabide stât, e par finî la conclusion cuntune fantastiche e liberatorie “Bella Ciao” cjantade di dute la sale e che e someave no volê finî plui……

Fracait chi par viodi cualchi foto in plui.

FRIÛL-ETIOPIE A RIVIGNAN

Bielissime serade in favôr dai progjets de Associazion Mamre in Etiopie sabide stât alì dal Circûl Trois a Rivignan. Une vore interessante la presentazion dai progjets e il video zirât intal ultin viaç, biei i concerts dai "Luna e un quarto" ("buine le prime" ..... bulos pardabon!) di Cristina Mauro e Stefano Montello e dai tambûrs spirtâts dai Africa Sunegal, sauride la cene etiope e sflandorôse la cerimonie dal cafè.
"Balute" in plene! Compliments.
Plui fotos su http://www.laboratoriomuzzana.blogspot.com