"RESISTENZE" IL SECONT APONTAMENT: LA PARTIGJANE FURLANE Y LOS NIÑOS REBELDES DI GUIDO CARRARA

 

Vinars, ai 29 di març 2013, aes 20.30, alì de Cjase dal Marinaretto di Palaçûl, si davuelzarà il secont apontament de rassegne "Resistenze 2013". Dilunc de serade, inmaneade di bande de ANPI adun cun diviersis associazions dal teritori, a vignaran presentâts i libris a fumuts "Angelina, una storia partigiana" e "Il grido del sapo" di Guido"Quisco" Carrara e Raff BB Lazzara.  Lis dôs iniziativis editorialis de Anpi di Tarcint/Tresesin e de Bande Tzingare nus contin, cuntune modalitât e un lengaç no convenzionâi dôs resistencis; il fîl ros jenfri la storie de partigjane furlane e chê visionarie dai fruts ribei de Americhe Latine che lotin cuintri il sfrutament dai adults e dal "sisteme" a rapresentin pai organizadôrs une ocasion di no pierdi par alimentâ la memorie ma ancje par dâ vôs ai ultins che inmò vuê, par doprâ lis peraulis di Guido Carrara, "a esistin e a resistin". Vinars, dopo la introduzion di Lorenzo Fabbro, Gabriella Cecotti a dialogarà cui autôrs intant che Mauro Daltin e Simone Ciprian de "Bottega Errante" e learan cualchi toc leterari intervalât des cjançons "resistentis" dal Coro Popolâr de Resistence di Udin e dai Luna e un Quarto. Une mostre des riproduzions e di cualchi taule origjinâl dal "Grido del sapo" si podarà visitâ par un pâr di setemanis intai oraris di vierzidure dal centri di agregazion pai zovins Art Port.

PAI TROIS DAI SANTS 2012

Ca sot il program che a nus propon la Associazion Trois di Rivignan in ocasion de fieste dai Sants.

Musiche, mostris e cetant altri a partî di joibe 31 fin ai 3 di novembar.

Vierzidure cul bot joibe a lis 21.00: scree de mostre e presentazion dal gnûf fumet di Guido Carrara Quisco e Raff BB Lazzara "Il grido del Sapo" , un lavôr di une fuarce e bielece straordenariis, une storie visionarie di denuncie sul sfrutament de infanzie e su la lote pe libertât …… di no pierdi!

SABIDE RIVIEI DI INGJUSTRI A UDIN E VINO DI LEI A MUÇANE

Doi apontaments culturâi impuartants par sabide ai 21 di mai.
A Udin, aes sîs e mieze sot sere (18.30) alì de sale esposizions dal Visionario di Udin si scree “Riviei di ingjustri”, la mostre des taulis origjinâls dai fumuts che a àn partecipât ae edizion 2010 dal Premi Friûl. La iniziative, che si insuaze intal program udinês pai cinccent agns dal riviel de Joibe Grasse, e je inmaneade de cooperative Informazione Friulana / Radio Onde Furlane e de Associazion 1511 cu la poie dal Assessorât pe Culture dal Comun di Udin e cu la colaborazion dal Visionario / Centro per le arti visive.
Dentri di “Riviei di ingjustri” si podaran viodi lis taulis origjinâls dissegnadis di diviers autôrs furlans (Guido Carrara; Lorenzo Manià; Nicola Angeli e Fabio Varnerin; Emilio Bertossi; Eleonora Spizzamiglio; Enrico Tomasi; progjet MaMaRuTo) pal Premi Friûl di Radio Onde Furlane e dedicadis al riviel de Joibe Grasse dal 1511. Dongje di chestis oparis, a saran metudis fûr ancje des taulis origjinâls di Luigino Peressini che, cul so “Vitis di un vilan salvadi”, al è stât il prin a cubiâ fumuts e Joibe Grasse dal 1511. In plui di cualchi taule di chel lavôr, si podarà viodi ancje la mape su la Joibe Grasse fate dal stes Peressini pai cinccent agns dal riviel.
A compagnâ lis contis a fumuts si varan ancje des notis storics là che a son presentadis lis causis dal riviel, il so svilup e cualchi considerazion su la plui grande insurezion popolâr de storie furlane. Intant de scree, là che a saran organizadôrs e autôrs, si presentarà ancje la publicazion che e met adun lis siet contis a fumuts in vision alì dal Visionario. La mostre e restarà vierte fin ai 11 di Jugn cui oraris de sale esposizions dal Visionario, ven a dî plui o mancul di cuatri tal dopodimisdì a nûf e mieze di sere (16.00-21.30).
Te Basse, a Muçane, il circul culturâl Artetica al presente il secont apontament de rassegne “Vino di Lei 2011”, presentazions di libris e vins intai zardins di Muçane. Aes 18.30, cheste volte intal zardin de famee Turco Bruno (in via Molino) al vignarà presentât il libri di Emanuele Tonon “Il nemico”. L’autôr al sarà presentât di Pauli Cantarut. Il vin presentât pe ocasion al sarà chel de cantine Riz Paolo di Brazzan di Cormons.

"LA PÔRE E IL CORAÇ": INIZIATIVIS ANPI PALME - GONARS

Caro amico / compagno,
l'ANPI Sezione di Palmanova – Gonars partecipa il 18 ed il 19 settembre 2010, in uno degli angoli più belli del Friuli e dell’Italia: il borgo di Clauiano a Trivignano Udinese, alla manifestazione IMMAGINARE IL TEMPO 2010. Il tema della manifestazione quest’anno è “la paura e il coraggio”, tema liberamente tratto da una frase di Cesare Pavese “Non ci si libera di una cosa evitandola, ma soltanto attraversandola”.

P R O G R A M M A I N I Z I A T I V E A N P I
Sabato 18 settembre 2010
Ore 14.00 - Apertura mostra :“ANPI - La resistenza nella bassa friulana - San Giorgio” (Mostra dell’ANPI San Giorgio di Nogaro)
“Un campo di concentramento fascista in Italia: Gonars” a cura di Alessandra Kersevan
(Mostra del Comune di Gonars)
“L’inverno d’Italia” fumetti a cura di Davide Toffolo (Mostra del Comune di Gonars)
(Esposizione presso la Sala della Parrocchia al 1° Piano - Centro Paese)
Domenica 19 settembre 2010
Ore 16.00- Incontro / dibattito con LUCIANO RAPOTEZ Segretario Regionale dell’ANPI
(presso la Sala della Parrocchia al 1° Piano)
Prosecuzione esposizione mostra

PREMI FRIÛL 2010

Sul sît di Radio Onde Furlane http://www.ondefurlane.eu/ e son stâts publicâts i bants pal concors plui impuartant pe creativitât in lenghe furlane e viert ancje a chês altris lenghis minorizadis dal Friûl. Chest an dongje de sezion musiche ancje une novitât: i fumuts. Partecipait e ricuardaitsi che lis oparis a van consegnadis dentri dai 30 di otubar dal 2010.