BUTEGHE @ ITINERANNIA

A ITINERANNIA LA PLACE DE TIERE

UNE BUTEGHE CUNTUN BARCON SUL MONT: 1 LA BOLIVIE

Sabide ai 5 di Març 2011, aes 17.00, alì de Buteghe in Place xxv Avrîl a S. Zorç
Barcons sul Mont : 1/Le Bolivie
Esperiencis di viaç, fotos, contis, testemoneancis......
Conclusion dal incuintri cuntune degustazion gratuite di prodots dal Cumierç Just

"IL DIARIO KREMER": PATRIZIO RASSATTI AL PRESENTE IL GNÛF LIBRI A TISANE

Un consei e un pâr di buinis ideis pai regâi di Nadâl (o par regalâsi alc par Nodâl).
Se o sês golôs alore une biele confezion di prodots dal cumierç just comprade alì di Buteghe a San Zorç.
Ma se us plâs lei, alore no stait a pierdisi chest apontament: sabide ai 4 di dicembar, aes 18.00, alì dal Centri Polifunzionâl di Tisane il "Lucarelli Furlan", Patrizio Rassatti, al presente il so ultin libri "Il diario Kremer".

Une ocasion par scoltâ Patrizio e la presentazion dal brâf Davide Lorigliola ma ancje par "gafâ" daurman cualchi copie dal libri - che se al è biel come chei altris , e nô ju vin lets ducj , al larà esaurît tun marilamp ;-)

SELEZION GJENETICHE DA LIS PLANTIS IN AGRICULTURE: STRUMENTS EFICAÇS, A BAS COST E DEMOCRATICS: CUNVIGNE DI NIVEL NAZIONÂL A MUÇANE

AIAB-FVG (Associazion taliane agricultôrs biologjics) cun le colaborazion de Associazion Buteghe e il patrocini dal Comun di Muçane, e presentin le cunvigne
Selezion gjenetiche da lis plantis in agriculture: struments eficaçs, a bas cost e democratics
Vinars ai 4 di jugn 2010
Sale Consiliâr di Villa Muciana – Place San Marc - Muçane (Ud)

• 9:30 AIAB-FVG
Salût di benvignût e introduzion ae zornade
• 9:45 Riccardo Bocci, AIAB “Il plan nazionâl des semencis pe agriculture biologjiche”.
• 10:20 Salvatore Ceccarelli, ICARDA (Siria)
“Selezionâ pe sostegnibilitât:la selezion partecipative. Jentradure metodologjiche e risultâts otignûts”.
• 11:00 Andrea Giubilato, AIAB-FVG
“La selezion des varietâts orticulis in aziende”.
• 11:30 Esperiencis regjonâls di conservazion e ûs dal gjermoplasme locâl.
• 12:30 Conclusions.
• 13:00 Mirinde intal cjamp, alì de Aziende agricule Andrea Pitton di Riverote.
• 14:30 Visite e cjaminade intai cjamps de Aziende di Andrea Pitton, che al contarà dal so lavôr di selezion di fasûi, lidric, crucifaris, cereai e altris plantis coltivadis cu le tecniche de “arade sot”.
• 15:30 Come aplicâ la selezion partecipative intal nestri teritori: discussion cun Salvatore Ceccarelli, Andrea Giubilato, Andrea Pitton e altris esperts regjonâi.
• 17:00 Conclusion de zornade.

La partecipazion e je libare e a gratis, ma par cuestions di organizazion a si domande di segnalâ la vuestre partecipazion cuntune mail a aiab.fvg@aiab.it o telefonant al 0432 800 371.
Pe visite dal daspomisdì apontament a lis 14:15 sot dal cjampanili di Riverote.
Par cui che si piert: 348 805 93 39 – Cristina
AIAB-FVG - Vie dei Tigli 2 - 33034 Feagne (UD)
tel. e fax 0432 800 371 • e-mail: aiab.fvg@aiab.it • www.aiab.it
Par saventin alc di plui su selezion partecipative e biodiversitât coltivade:
http://www.aiab.it/
http://dweb.repubblica.it/dweb/
http://www.unipi.it/athenet/
http://www.plosone.org/article/
http://www.icarda.org/