VIERS VIGNESIE 2012: DECRESSITE, SOSTIGNIBILITÂT E ECUITÂT SOCIÂL

Intal sît dal RESFVG Rêt di economie solidâl dal Friûl-Vignesie Julie si fevele de prossime Conference Internazionâl su decressite, sostignibilitât e ecuitât sociâl che si davuelzarà a Vignesie dai 19 ai 23 di setembar.

Lait a viodi su

http://resfvg.blogspot.it/

www.venezia2012.it

BUTEGHE @ ITINERANNIA

FÂ FIESTE .......

Il Gas Furlan us invide ae "Fieste dai Gas e de economie solidarie" che si davuelzarà ai 12 di mai, des 10.00 aes 18.00, alì de "Cjase di Catine" in vie Selvuzzis 1 a Vilalte di Feagne. Frache ca par lei il program complet.

Ca parsore il program de 1 Fieste Democratiche che e tacarà vinars ai 11 di mai e e durarà dut il fin setemane te "buse" di Cjamplunc. Une vore interessantis lis iniziativis in program. Se o vês voie di viodi il calendari di dutis lis fiestis in provincie di Udin lu cjatais sul sît dal Pd provinciâl.

UNE BUTEGHE CUNTUN BARCON SUL MONT: 1 LA BOLIVIE

Sabide ai 5 di Març 2011, aes 17.00, alì de Buteghe in Place xxv Avrîl a S. Zorç
Barcons sul Mont : 1/Le Bolivie
Esperiencis di viaç, fotos, contis, testemoneancis......
Conclusion dal incuintri cuntune degustazion gratuite di prodots dal Cumierç Just

A TRIEST CUARTE FIESTE DE “DECRESCITA FELICE”

La Rêt di Economie Solidarie dal Friûl Vignesie Julie, RES-FVG, cul sostegn de Provincie di Triest, e propon la cuarte edizion de Fieste de "Decrescita Felice". L'event si davuelzarà a Triest tes zornadis di joibe ai 10 e sabide ai 12 dal mês di març. Vierzidure alì dal Liceu Sientific Galilei cun conference dal pensadôr e economist francês Serge Latouche, une mostre di art a teme e visite vuidade al teritori. Te seconde zornade, alì de Universitât, intervent introdutîf di Francesco Giosualdi dal Centri Gnûf Model di Disvilup e a seguî "Buinis pratichis par 8R", une schirie di laboratoris vuidâts di esperts che e laran indevant par dute le zornade fin al moment des conclusions e de presentazion des propuestis che al vignarà coordenât di Paolo Cacciari e Dalma Domeneghini. A lis 18.15, spetacul teatrâl dal grup Labor-Aquae, "Come un fîl di paie".
Frache sul manifest par lei miôr il program complet.