ÛS CIVICS E PROPIETÂTS COLETIVIS, CUÂL FUTÛR?

La liste civiche Laboratorio Muzzana adun cul Coordenament Regjonâl des Propietâts Coletivis us invidin a partecipâ ae cunvigne "Ûs civics e propietâts coletivis, cuâl futûr? Buinis pratichis par une pussibile gjestion dal teritori sostignibile e moderne" che si davuelzarà sabide ai 29 di setembar, a lis 18.00, alì de sale civiche di Villa Muciana a Muçane.

Al vignarà presentât il libri "Viaç te Italie dai bens comuns" ae presince di Romina Rodela - ricercjadore tes Universitâts di Nova Gorica (Slovenie) e Wageningen (Olande), dai autôrs Lucia Piani - Universitât di Udin, Delio Strazzaboschi - Aministrazion Bens Civics di Pesariis e de curadore dal volum,  Nadia Carestiato.

LABORATORI MUZANE: SABIDE IN PLACE PE AGHE PUBLICHE

Sabide ai 19 di març il grup di Laboratori Muzane al sarà in place Sbaiz a Muçane, des 9 aes 12,30, cuntun bancut dulà che si cjatarà materiâl informatîf e al sarà pussibil poiâ la campagne referendarie pe aghe publiche cuntune piçule donazion.

LABORATORI MUZANE, ZOVINS MA PEVARINS (CUANT CHE AI VÛL AI VÛL)

Sabide passât o vevin riferît di un articul scrit di bande dal cjâf grup dal Pdl in consei comunâl a Muçane Elvis Zamparo jessût sul Messaggero. O vevin ancje dite che lis afermazions dal conseîr Zamparo nus vevin lassâts un tic perplès e, in veretât, o proviodevin che e sarès stade une rispueste di bande de aministrazion.
I plui svelts a sclarî lis robis e a rispuindi ben e no mâl (cuntune ponte di pevar che il conseîr dal Pdl onestementri a si meretave) e son stâts i zovins di "Laboratorio Muzzana - Laboratori Muzane". Rispueste une vore clare. Bulos.

LA MIÔR ZOVENTÛT

A Palaçûl riconfermade segretarie di circul dal Pd Manuela Romano.
A Muçane al cjape il puest de brave Marilena Zoccolan (che e reste intal diretîf) Alessio Turco “Balute”, 27 agns, conseîr comunâl di maiorance di “Laboratorio Muzzana”, che al a fat il plen cu le so liste “Muzane Democratiche” e al è ancje stât elet tant che delegât al congrès provinciâl.

Te liste "Muzane Democratiche" un trop di zovins (ducj gnûfs iscrits) che e lavoraran adun cul gnûf segretari. Compliments e bon lavôr!