LABORATORI MUZANE, ZOVINS MA PEVARINS (CUANT CHE AI VÛL AI VÛL)

Sabide passât o vevin riferît di un articul scrit di bande dal cjâf grup dal Pdl in consei comunâl a Muçane Elvis Zamparo jessût sul Messaggero. O vevin ancje dite che lis afermazions dal conseîr Zamparo nus vevin lassâts un tic perplès e, in veretât, o proviodevin che e sarès stade une rispueste di bande de aministrazion.
I plui svelts a sclarî lis robis e a rispuindi ben e no mâl (cuntune ponte di pevar che il conseîr dal Pdl onestementri a si meretave) e son stâts i zovins di "Laboratorio Muzzana - Laboratori Muzane". Rispueste une vore clare. Bulos.

UN PÂR DI GNOVIS DI MUÇANE E PRISSININS

Un pâr di articui publicâts sul Messaggero intai ultins dîs:
A Prissinins la liste civiche di minorance "Cambiare si può", dopo lis bataiis su le situazion economiche e a pro de trasparence aministrative e sul cantin des scuelis, si fâs sintì ancje sul teme de programazion urbanistiche e dal ambient domandânt cun fuarce di proviodi un progjet par tornâ a fâ sù il bosc intai terens comunâi dal “Bosco Bando”.
Il teme dai ûs civics, des proprietâts coletivis e dai boscs al è une vore sintût di bande de int dal nestri teritori come che o savìn ben ancje a Palaçûl.
A Muçane cun riferiment ai lavôrs completâts di bande de aministrazion comunâl (tarondis e jentrade ae zone industriâl) un conseîr di minorance dal Pdl a si svante di vê procurât lui i bêçs e al declare in pratiche che lis oparis e son merit sô e dal assessôr regjonâl dal sô partît e par nuie dal comun di Muçane, li che par altri lui al è aministradôr. Ce dî, une ricostruzion dai fats une vore origjinâl….