SALVIN I REFERENDUM SU LA AGHE PUBLICHE

Il Decret su lis liberalizazions al podarès escludi la pussibilitât di gjestion de aghe a traviers dai ents di dirit public in contrast evident cu lis indicazions popolârs dai referendum pe "aghe publiche".

FIRME ANCJE TU

IL BEN AGHE IN FRIÛL VIGNESIE JULIE

Il Grup Consiliâr dal Partît Democratic al invide a partecipâ a un incuintri public sul impuartant teme de gjestion des risorsis idrichis ae lûs de evoluzion de normative, in particolâr di che regjonâl, e dal risultât dai referendum cun l'obietîf di proponi e indicâ lis sieltis fondamentâls e strategjichis pal Friûl Vignesie Julie.

L'incuintri a si davuelzarà lunis ai 28 di novembar 2011, a lis 18.00, alì dal Auditorium Centri Congrès San Marco di Palme, in vie Scamozzi n.5.

Program dai lavôrs:

Introduzion di Giorgio Brandolin, conseîr regjonâl e intervents di Antonio Massarutto, professôr di economie publiche, Marco Iob, Comitât 2 Sì pe Aghe Comun FVG, Stefano Del Cont Bernard, president A.A.T.O “Occidentale”, Antonio Nonino, diretîf Confindustrie Udin, Mauro Travanut e Sergio Lupieri, conseîrs regjonâi dal Pd.

A seguî contribûts e esperiencis locâls, dibatit e conclusions di Gianfranco Moretton, cjâf grup in consei regjonâl.

DIRIT A LA AGHE: CUALCHI RIFLESSION IN PROSPETIVE COMPARADE

IL DIRIT A LA AGHE: CUALCHI RIFLESSION IN PROSPETIVE COMPARADE

Interessante cunvigne inmaneade di bande de Universitât dal Friûl Udin 14 e 15 di otubar 2011
Fracait ca par viodi il program complet

12 E 13 DI JUGN 2011

E poi la gente, (perchè è la gente che fa la storia)
quando si tratta di scegliere e di andare,
te la ritrovi tutta con gli occhi aperti,
che sanno benissimo cosa fare.
Quelli che hanno letto milioni di libri
e quelli che non sanno nemmeno parlare,
ed è per questo che la storia dà i brividi,
perchè nessuno la può fermare............

LA AGHE NO SI VENT!

2 SI' PE AGHE BEN COMUN : SPOT REFERENDUM

PRESIDIO PER L'ACQUA PUBBLICA E MUSICA RIBELLE

Schirie di iniziativis culturâls in favôr de aghe publiche a Çarvignan. Ai 28 di avrîl, aes 20.30, li de Cjase de Musiche concierts dai LMS a dai Lasal, ai 30 di avrîl, stesse ore, in Place Indipendence e sunaran The Duckers, 56K On Stage e Osteria Popolare Berica e al sarà presint, a partî da lis 19.00, un presidi dal Comitât pai Referendum cuintri la privatizazion de aghe. Il prin di mai, aes 11.00, simpri in Place Indipendence, conciert dal grup "Gli idraulici del suono".

IL PD REGJONÂL DAL FVG AL CJAPE POSIZION CUINTRI IL NUCLEÂR E LA PRIVATIZAZION DE AGHE

Te ultime direzion regjonâl dal Partît Democratic che si è davuelte lunis ai 21 di març al è stât fat bon il document elaborât di bande de comission vuidade di Ezio Beltrame e presentât tant che contribût programatic pe riforme de sanitât regjonâl e chel cun rivuart aes infrastruturis elaborât di bande dal forum dal conseîr regjonâl Brandolin. Daspò de relazion de segretarie regjonâl Debora Serracchiani discussion e aprovazion ancje par doi ordins dal dì che e impegnin il partît regjonâl a supuartâ lis resons dai referendum in favôr de aghe publiche e cuintri il nucleâr.
Votade ancje la gnove segretarie regjonâl compueste di Rino Battocletti, Vittorino Boem, Silvia Caruso, Paolo Coppola, Luigi Cortolezzis, Miriam Davide, Carmen Galdi, Fabio Gri, Antonella Grim, Renzo Liva, Diego Moretti, Cristina Nazzi, Fabio Omero, Giorgia Polli, Renzo Travanut (coordenadôr politic), Stefano Ukmar e Fabrizio Venier.

LABORATORI MUZANE: SABIDE IN PLACE PE AGHE PUBLICHE

Sabide ai 19 di març il grup di Laboratori Muzane al sarà in place Sbaiz a Muçane, des 9 aes 12,30, cuntun bancut dulà che si cjatarà materiâl informatîf e al sarà pussibil poiâ la campagne referendarie pe aghe publiche cuntune piçule donazion.