POLEMICHIS E VIABILITÂT A MUÇANE: INTERVENT DAL PD

Jessût sul Messaggero di îr un comunicât dal Pd di Muçane che, dopo l'intervent dal grup di maiorance "Laboratorio Muzzana", al torne sul cantin dai lavôrs publics completâts di bande de aministrazion comunâl -tarondis e jentrade ae zone industriâl- par rispuindi aes polemichis stiçadis di bande dal conseîr di minorance dal Pdl Zamparo.

(te foto il segretari dal Pd Alessio Turco)

LABORATORI MUZANE, ZOVINS MA PEVARINS (CUANT CHE AI VÛL AI VÛL)

Sabide passât o vevin riferît di un articul scrit di bande dal cjâf grup dal Pdl in consei comunâl a Muçane Elvis Zamparo jessût sul Messaggero. O vevin ancje dite che lis afermazions dal conseîr Zamparo nus vevin lassâts un tic perplès e, in veretât, o proviodevin che e sarès stade une rispueste di bande de aministrazion.
I plui svelts a sclarî lis robis e a rispuindi ben e no mâl (cuntune ponte di pevar che il conseîr dal Pdl onestementri a si meretave) e son stâts i zovins di "Laboratorio Muzzana - Laboratori Muzane". Rispueste une vore clare. Bulos.