LASSITS E SERVIZIS PAL SOCIÂL: LIS PROPUESTIS DAL PD PAR TISANE

Un sucès la iniziative inmaneade dal circul dal Partît Democratic di Tisane lunis stât lì dal Centri Polifunzionâl di Vie Goldoni. Buine partecipazion di bande dai citadins, a jerin presintis plui di cincuante personis, e soredut intervents e propuestis claris di bande dai relatôrs che e son stadis une vore preseadis di bande de int. Frache chi par lei il rindicont de serade sul sît dal Pd di Tisane e su le fotografie parsore par lei il struc dal intervent di Orlando Fantin.

PD DI TISANE: GNÛF SEGRETARI, GNOVIS INIZIATIVIS

Ancje il circul dal Partît Democratic di Tisane al à rinovât il diretîf. Il gnûf segretari al è Luca Abriola. A lui i miôr auguris di bon lavôr e l’impegn a colaborâ puartânt indevant iniziativis “teritoriâls” intal latisanês. E torne la “vite” ancje intal sît dal Pd di Tisane che nus vise che lunis ai 20 di dicembar, a lis 21.00, alì dal Centri Polifunzionâl di Vie Goldoni a Tisane a si davuelzarà un incuintri public sul teme de riorganizazion de assistence aes fassis debilis e dai servizis sociâi. Dongje dal gnûf segretari e puartaran il lôr contribût Orlando Fantin e Sergio Simonin. Ducj e son invidâts a partecipâ.

PUCINIE: GNÛF SEGRETARI E GNÛF BLOG

Ancje a Pucinie al è stât rignuvît il diretîf di circul dal Pd.
Il gnûf segretari al è Marco Vincoletto, 35 agns; a lui e ai components dal gnûf diretîf augurons di cûr di bon lavôr.
Marco, une vore bulo cul computer e lis gnovis tecnologjiis, al sierarà il sô storic "Blog no uficiâl dal Comun di Pucinie" ma al à bielzà screât scuasit in timp reâl il Blog dal Circul Pd di Pucinie.

Compliments!

LA MIÔR ZOVENTÛT

A Palaçûl riconfermade segretarie di circul dal Pd Manuela Romano.
A Muçane al cjape il puest de brave Marilena Zoccolan (che e reste intal diretîf) Alessio Turco “Balute”, 27 agns, conseîr comunâl di maiorance di “Laboratorio Muzzana”, che al a fat il plen cu le so liste “Muzane Democratiche” e al è ancje stât elet tant che delegât al congrès provinciâl.

Te liste "Muzane Democratiche" un trop di zovins (ducj gnûfs iscrits) che e lavoraran adun cul gnûf segretari. Compliments e bon lavôr!

SERRACCHIANI: JOIBE AI 16 DI SETEMBAR A ÇARVIGNAN

Joibe ai 16 di setembar, a lis 20.00, alì de sede di Vie Garibaldi 23 a Çarvignan, inmaneât dal Circul dal Pd, a si davuelzarâ un incuintri public cun Debora Serracchiani, segretarie regjonâl dal Pd dal Friûl-Vignesie Julie.

Giovedì 16 settembre, alle ore 20.00, presso la sede di Via Garibaldi 23 a Cervignano, organizzato dal Circolo del Pd, si svolgerà un incontro pubblico con Debora Serracchiani, segretaria regionale del Pd del Friuli-Venezia Giulia.