CONVOCADE LA ASSEMBLEE REGJONÂL DAL PD A TUMIEÇ

La presidente Elena Maiulini e à convocât la riunion de Assemblee Provinciâl dal Partît Democratic par lunis ai 28 di fevrâr, aes 19.00, alì de Sale Cunvignis de Comunitât Montane a Tumieç, vie Cjargne Libare n.29.
Ve ca l'ordin dal dì:
- Comunicazions dal Segretari Provinciâl
- Intervent dal Conseîr Regjonâl Franco Iacop sul teme "Riunion e semplificazion dal ordenament locâl in teritori di mont. Istituzion des unions dai Comuns di mont"
- Dibatit e racuelte osservazions e propuestis
- Conclusions dal Segretari Provinciâl

"CJARGNEI, CJARGNEI, CJARGNEI"

Plui di trê mil personis in place a Tumieç e an partecipât ae grande manifestazion cuintri la privatizazion de aghe e pe bataie cuintri la costruzion dal megaeletrodot privât Wurmlach-Somplago. Don Pierluigi Di Piazza al à fevelât dal palc de manifestazion di vanzeli e costituzion.

Une zornade impuartante pe Cjargne e pal Friûl e un segnâl une vore clâr in direzion dai potentâts economics e de politiche: vonde decidi parsore dal cjâf de int, plui rispiet pe nature, pe tiere, pe aghe.

Compliments a Francesco Brollo pe so cronache su http://www.carnia.la/

AGHE E ELETRODOTS: MANIFESTAZION IN CJARGNE

Sabide ai 15 di zenâr a Tumieç a si davuelzarà la seconde grande manifestazion cuintri la privatizazion de aghe e par continuâ la bataie cuintri la costruzion dal megaeletrodot privât Wurmlach-Somplago. Apontament a lis 13.30 lì dal puint di Cjanive (Tumieç).
La manifestazion e je organizade dal Coordenament dai Comitâts de Cjargne.

Par vê plui informazions lait su http://www.carnia.la/

NO PASARAN

Paluce-Cjargne-Friûl 13.11.2010