“Udin, biele le vite”. Biele iniziative dal cuotidian sportîf plui let in Italie, la Gazzetta dello Sport, che te edizion di vuê e dediche une pagjine ae scuadre dal Udin e ae capitâl dal Friûl. Il toc plui biel al è dal brâf Marco Pastonesi che, jenfri di tantis robis (sport, culture, cusine, cualitât de vite, musiche, manifestazions tant che Far East, Vicino Lontano e v.i.) al fevele ancje, intune maniere finalmentri corete e positive, di lenghe furlane (lingua, non dialetto!) e di Radio Onde Furlane, la Radio Libare dai Furlans e dai siei programs sportîfs “cult” tant che Schiribicilu e Il balon al è di ducj cun super citazion par Enrico Turloni. Grazie Marco, un articul fantastic (ancje parcè che al è stât scrit in vie Volturno 29). Vive Udin, vive la Rosea, vive Onde Furlane!
Plui di trê mil personis in place a Tumieç e an partecipât ae grande manifestazion cuintri la privatizazion de aghe e pe bataie cuintri la costruzion dal megaeletrodot privât Wurmlach-Somplago. Don Pierluigi Di Piazza al à fevelât dal palc de manifestazion di vanzeli e costituzion.
Fracait achì par scoltâ il discors dal segretari Bersani ae manifestazion di Rome dai 11 di dicembar. Une biele zornade, une biele place.
Ancje noaltris o jerin là.
Trenitalia e a comunicât al Partît Democratic i oraris pal treno speciâl organizât in ocasion de manifestazion nazionâl dai 11 di dicembar a Rome: partence di Triest a lis 22.40 di vinars (10.12.20101) e fermadis a Monfalcon (23.07), Gurize (23.43) e Udin (00.17).
Ancje il Pd furlan ai 11 di dicembar al sarà a Rome pe manifestazion nazionâl “Con l’Italia che vuole cambiare”. 
Lait a lei la letare de segretarie dal Pd di Palaçûl Manuela Romano publicade sul Messaggero Veneto cun rivuart al câs Fontanini.
