IL GRUP DAL PD IN CONSEI PROVINCIÂL AL PRESENTE I DOCUMENTS PROGRAMATICS PAI PROSSIMS TRÊ AGNS IN CUATRI INCUINTRIS SUL TERITORI

Il cjâf grup Francesco Martines nus informe che il grup consiliâr dal Partît Democratic in Provincie di Udin al à programât cuatri incuintris sul teritori provinciâl par presentâ i documents di belanç e programatics pai prossims trê agns. La riunion pe Basse si davuelzarà vinars ai 16 di dicembar, a lis 18.00, alì dal Centri San Marco, in Vie Scamozzi 5 a Palme. Sul sît dal Pd provinciâl o cjatais ancje che altris apontaments.

LETARIS, CENSURIS, MANIFESTAZIONS

Lait a lei la letare de segretarie dal Pd di Palaçûl Manuela Romano publicade sul Messaggero Veneto cun rivuart al câs Fontanini.

Recuardin a ducj la manifestazion convocade par lunis ai 15 di novembar juste prime dal consei provinciâl lì che e vignarà votade une mozion di censure al president de Provincie.