PAR UN PUGN DI MINÛTS

FONDAZION AQUILEE, MODEL DI GUVIER E PARTECIPAZION DAL TERITORI

Il Circul dal Pd di Aquilee us invide a partecipâ ae assemblee publiche "Fondazion Aquilee, model di guvier e partecipazion dal teritori" che si davuelzarà joibe ai 15 di març 2012, a lis 20.15, inte sale consiliâr di Place Garibaldi 7 a Aquilee.

Intervents di Alviano Scarel, president de Fondazion Aquilee e Franco Nicoletti, president dal comitât di “Agenda 21” de Fondazion Aquilee.

PD DI TISANE: GNÛF SEGRETARI, GNOVIS INIZIATIVIS

Ancje il circul dal Partît Democratic di Tisane al à rinovât il diretîf. Il gnûf segretari al è Luca Abriola. A lui i miôr auguris di bon lavôr e l’impegn a colaborâ puartânt indevant iniziativis “teritoriâls” intal latisanês. E torne la “vite” ancje intal sît dal Pd di Tisane che nus vise che lunis ai 20 di dicembar, a lis 21.00, alì dal Centri Polifunzionâl di Vie Goldoni a Tisane a si davuelzarà un incuintri public sul teme de riorganizazion de assistence aes fassis debilis e dai servizis sociâi. Dongje dal gnûf segretari e puartaran il lôr contribût Orlando Fantin e Sergio Simonin. Ducj e son invidâts a partecipâ.

CENTRI SOCIÂL POLIFUNZIONÂL: UNE BATAIE LUNGJE DÎS AGNS

La assemblee publiche par discuti dal progjet dal centri sociâl polifunzionâl si tignarâ joibe ai 15 di lui a lis 20.30 in Municipi di Palassôl. O recuardin che cheste opare fondamentâl e jere stade progjetade (cun grande partecipazion di bande de popolazion) e finanziade par intîr par iniziative de aministrazion di centri-çampe intal 2000/2001. La gnove aministrazion dal Sindic Bordin no dome no a realizât le opare (straçant un progjet za paiât e rivât ae fâse esecutive) ma e a zirât ducj i beçs su altris progjets une vore mancul importants dal pont di viste sociâl. O vin lotât (cu la poie de înt) par scuasit dîs agns: racueltis di firmis, une schirie di documents presentâts in consei, une iniziative di pression politiche cence polse e, ae fin, o sin rivâts a fâ finanziâ la progjetazion dal centri sociâl. Il probleme al è la filosifie di progjetazion (par nô e à di jessi partecipade), i resonaments su lis necessitâts dai spazis e su la future gjestion. Il progjet che a nus propon le aministrazion al è une vore cambiât rispiet a chel dal 2001; bisugne domandâ a fuart di recuperâ chel progjet (moderni, intergjenerazionâl ecc.....) per no fâ tant par fâ ma, une volte par dutis, fâ ben. Lis ideis, di bande nestre, e son. Bisugne resonâ cence preclusions e soredut savê, che par fâ lis robis par ben, la cifre stanziade e je dal sigûr masse basse. Ducj e son invidats a partecipâ a le assemblee.