DOMENIE E LUNIS. PAR TORNÂ A JESSI SPECIÂI. PARDABON

21-22 avrîl - pe Regjon votait DEBORA SERRACCHIANI

 

e pe Provincie di Udin ANDREA SIMONE LERUSSI

(candidât pal PD intal coleç di Rivignan Cristian SEDRAN)



CONCLUSION DE CAMPAGNE ELETORÂL: APONTAMENTS A UDIN E A TISANE

Us segnalin doi apontament pe conclusion de campagne eletorâl pes elezions politichis.

Vinars ai 22 di fevrâr, aes 18.00, in place S. Jacum a Udin, fieste pe fin de campagne eletorâl cun Debora Serracchiani, candidade ae presidence de Regjon Friûl Vignesie Julie, i candidâts e lis candidadis de coalizion di centri campe ae Cjamare e al Senât e il Sindic di Udin Furio Honsell. Daspò dai intervents fieste cun musiche dal vîf e vin brulè.

In serade, simpri vinars ai 22 di fevrâr, il Pd di Tisane al à inmaneât un incuintri par presentâ il program dal partît pes elezions 2013. Apontament cun Ivano Strizzolo, candidât ae Cjamare, e cun Maurizio Ionico, candidat al Senât, alì dal Bar "Al Stusighin", aes 19.30.

“IL GUVIER DE LAGUNE DI MARAN E GRAU, I DRAGAÇS, LE AGHECULTURE , LA TUTELE E LA VALORIZAZION DAI PATRIMONIS”

Il Circul dal Partît Democratic di Maran, e Circui de Basse Furlane e il Pd dal Friûl – Vignesie Julie us invidin a partecipâ ae cunvigne “Il guvier de lagune di Maran e Grau, i dragaçs, le agheculture , la tutele e la valorizazion dai patrimonis” che si davuelzarà vinars ai 8 di fevrâr, a lis 17.00, alì de sale dal Consei Comunâl a Maran.

Cun Debora Serracchiani, deputade intal parlament european e candidade ae Presidence de Regjon e i candidâts e lis candidadis ae Cjamare a al Senât de Provincie di Udin.

Introduzion di Riccardo Milocco, pescjadôr, coordenadôr dal circul Pd di Maran.

RELAUNCHING EUROPE: LA NESTRE VISION ALTERNATIVE PAL FUTÛR

Relaunching Europe: la nestre vision alternative pal futûr

Workshop inmaneât dal Grup S&D (Socialiscj e Democratics) intal Parlament European 30 di zenâr 2013 -  19.30 - Palaç dai Congrès de Stazion Maritime, Triest.
Cun Debora Serracchiani, il grup S&D, i retôrs des Universitâts di Udin e Triest, e Boris Pahor par un confront sui valôrs europeans, la culture e la politiche.
Program:
Intervent di salût di bande di Debora Serracchiani, eurodeputade, grup S&D
Introduzion di bande di Hannes Swoboda, president dal grup S&D
Workshop I – 19.30/20.30
Valôrs europeans: il pont di viste de culture
Giorgio Pressburger, scritôr e regjist di cine e teatri
Relatôrs: Boris Pahor, scritôr – Cristiana Compagno, retore de Universitât di Udin – Francesco Peroni, retôr de Universitât di Triest
Dibatit cul public
Workshop II– 20.30/21.30
Valôrs europeans: il pont di viste de politiche
Igor Lukšić, president dal partît socialdemocratic sloven
Relatôrs: Hannes Swoboda, president dal grup S&D – Eliza Politi, (tbc) componente dal Bureau ECOSY – Hadleigh Roberts, zovins laburiscj, UK
Dibatit cul public
Conclusions, buffet e musiche dal vîf

 

BERSANI A TRIEST

Incuintri public di presentazion dai candidâts dal Pd dal Friûl-Vignesie Julie al Parlament, martars ai 29 di zenâr, aes 20.45, alì de Sale Tommaseo dal NH Hotel Trieste in Corso Cavour 7, a Triest. Introduzion di Debora Serracchiani, segretarie regjonâl dal Pd e candidade ae presidence de Region Friûl-Vignesie Julie e intervent di Pierluigi Bersani, segretari nazionâl dal Pd e candidât premier.

 

A CJASARSE IL PRIN CONGRÈS REGJONÂL DAI ECO-DEM DAL FRIÛL-VIGNESIE JULIE

Sabide ai 15 di dicembar, a partî des 9.15, alì dal Ristorant Solidari "Al Posta" di Cjasarse si davuelzarà il 1 Congrès Regjonâl dai Eco-Dem dal Friûl-Vignesie Julie.

Il program:

-  9.15   Elezion de presidence, salûts des autoritâts e introduzion di Giorgio Zanin dal diretîf dai Eco-Dem Fvg

-  9.45   Relazions: L'impegn dai ecologjiscj democratics dal Friûl-Vignesie Julie (Elio Baracetti, coordenadôr regjonâl Eco-Dem) - Lis propuestis dai ecologjiscj democratics (Marco Rossi, diretîf Eco-Dem Fvg)

-  10.30   Intervents: Fabrizio Vigni, president nazionâl dai ecologjiscj democratics e Debora Serracchiani, parlamentâr european, candidade ae presidence de Regjon Friûl-Vignesie Julie

-  12.30  Polse pal gustâ

-  14.30  Voris dal congrès (dome pai iscrits)

Frache ca par lei il program complet dai intervents e ca par lei il document politic dal congrès.

CONVOCADE PAR LUNIS AI 15 DI OTUBAR LA ASSEMBLEE PROVINCIÂL (VIERTE) DAL PD DI UDIN

La presidente Elena Maiulini e à convocât la Assemblee Provinciâl dal Pd di Udin par lunis ai 15 di otubar 2012 alì dal auditorium de sede Enaip di Pasian di Prât.
Ordin dal dì:
1) Salûts e introduzion ai lavôrs di bande dal segretari provinciâl Lerussi;
2) Presentazion a iscrits e citadins de candidature di Debora Serracchiani ae presidence de Regjon Friûl-Vignesie Julie.
La assemblee e sarà vierte a ducj, iscrits, simpatizants e eletôrs.

ASSEMBLEE REGJONÂL DAI SEGRETARIS DI CIRCUL

La segretarie regjonâl Debora Serracchiani e a convocât par lunis ai 25 di jugn, a lis 20.00, alì de sede dal Pd di Udin in Vie Joppi 63, la Assemblee regjonâl dai segretaris di circul.

29/05/2012: CONVOCADE LA ASSEMBLEE PROVINCIÂL DAL PD

Convocade di bande de presidente Elena Maiulini la Assemblee Provinciâl dal Partît Democratic slargjade ai segretaris di circul e ai sindics. Apontament alì de sede dal Pd in Vie Joppi, 63 a Udin, martars ai 29 di mai a lis 20.00.

Teme centrâl de discussion e saran i risultâts des elezions aministrativis e la analisi de situazion politiche.

Ve ca l'ordin dal dì:
- Analisi dal vôt cun rivuart aes elezions aministrativis dal mês di mai 2012 par cure dal segretari provinciâl Andrea Simone Lerussi

- Analisi de situazion politiche regjonâl e percors viars lis elezions dal 2013 par cure de segretarie regjonâl Debora Serracchiani
- Dibatit
- Conclusions dal segretari provinciâl

UDIN 10/04/2012: CUALE FILOSOFIE PAL PARTÎT DEMOCRATIC E LA ÇAMPE

Martars ai 10 di avrîl 2012, a lis 18.00, alì de Librarie Feltrinelli di Udin, si davuelzarà la presentazion dal libri “Cuale filosofie pal Partît Democratic e la Çampe” par cure di Luca Taddio, Mimesis Edizions.

L’autôr al discutarà cul public e cun Francesco Bilotta (Universitât di Udin), Roberto Masiero (Universitât di Vignesie) e Debora Serracchiani (Europarlamentâr dal Pd). Introduzion e moderazion di Maurizio Ionico (Dirigjent dal Pd di Udin).

IL LAVÔR A NUS PLÂS DIGNITÔS

SERVIZIS, LAVÔR,DIRITS: IL FUTÛR INTE ETE BOLKESTEIN

Udin, Cjamare dal Lavôr di Vie Bassi - ai 7 di otubar 2011, a lis 9.30

Intervents
ABDOU FAYE, Segretarie Regjonâl Cgil
DEBORA SERRACCHIANI, Europarlamentâr
Rapresentants di categorie de Filcams - Filctem - Fillea - Filt - Fiom - Slc
Conclusions
FRANCO BELCI, Segretari gjenerâl Cgil Fvg
La cunvigne e sarà inmaneade in ocasion de Zornade Mondiâl dal Lavôr Dignitôs

DELLA SETA, D'ALEMA E SERRACCHIANI A TISANE

SUCÈS A TISANE PE INIZIATIVE DAL PD CUN FANTIN E SERRACCHIANI SUL TEME DAL LAVÔR

I circui de Basse Ocidentâl dal Partît Democratic e an fat il plen al Polifunzionâl di Tisane li che plui di 130 personis e an partecipât al incuintri public sul teme da lavôr e dal disvilup locâl. Dopo le introduzion dal segretari dal Pd di Tisane Luca Abriola, Carlos Corvino e Riccardo Cicuttin e an presentât dôs relazions une vore interessantis: la prime une analisi statistiche e no dome sul marcjât dal lavôr a plui livei, nazionâl, regjonâl e locâl e la seconde cuntune schirie di solecitazions sul rûl propositîf che e podaressin vê i ents locâi e in particolâr i comuns rivuart il guvier dal teritori e la creazion di oportunitâts. I stimui e son stâts tirâts su ae grande sedi dal candidât sindic pal centri çampe Orlando Fantin - che al a ilustrât ai presints ideis e propuestis programatichis pal disvilup di Tisane e dal teritori - sedi de segretarie regjonâl dal Pd Debora Serracchiani che, cuntun intervent une vore preseât, e a spaziât dal livel european aes problematichis talianis e de nestre Regjon. Orlando Fantin al à pontât il dêt ancje su lis divisions dal centri drete a Tisane, marcant il fat che intant che il centri çampe al continue a presentâ lis sôs propuestis su plan regoladôr, coesion sociâl, politichis pal lavôr e v.i. di che altre bande al è un cidinôr impressionant: ancje par chest e je bielzà partide la domande di organizâ un confront public tra i candidâts par un confront trasparent e tal merit des ideis e dai programs.
Ae fin ancje diviers intervents e contribûts di bande dal public e dibatit interessant e vivarôs.

la foto e je cjolte sul sît http://www.latisana.it

L’AQUILA: E COVENTE UNE LEÇ PE RICOSTRUZION

Le segretarie dal Pd Debora Serracchiani e a scrit ai circui dal Friûl Vignesie Julie par comunicâ le adesion dal partît ae campagne di racuelte di firmis pe presentazion di une leç di iniziative popolâr pe ricostruzion da L'Aquila e pe metude in sigurece dai teritoris a risi in dut il paîs. Par firmâ domandait intal vuestri comun di residence o ai circui e ai aministradôrs locâi dal Partît Democratic. L'obietîf al è rivâ a 50.000 firmis dentri dal mês di fevrâr. Firmait!

UNITÂT INTAL PD REGJONÂL: LA SEGRETARIE SERRACCHIANI E PUARTE A CJASE LA DIREZION

Il Partît Democratic dal Friûl Vignesie Julie al fâs un pas indenant impuartant; vuê di matine a Udin la assemblee regjonâl e a elet i 40 components de direzion regjonâl segnânt la conclusion dal percors congressuâl e il completament dai organisims di direzion dal partît. La segretarie Debora Serracchiani e a viert cun inteligjence a dutis lis componentis dal partît rivant finalmentri a meti adun dutis lis animis dal Pd regjonâl e a inviâ un rapuart costrutîf ancje cul cjâf grup in consei regjonâl Moretton. Elete intal parlamentin regjonâl ancje une "democratiche" di Palaçûl, Tatiana Cozzarolo (te foto). A Tatiana e a ducj i components de gnove direzion regjonâl compliments e soredut bon lavôr!

LA ZONTE TONDO NUS TAIE LA LENGHE: CONFERENCE STAMPE DAL PD

Lunis ai 24 di zenâr, aes 14.30, alì de Sale Svevo, Palaç de Regjon in Vie Sabbadini a Udin, si davuelzarà une conference stampe dal Partît Democratic dal Friûl-Vignesie Julie cun rivuart aes politichis linguistichis de zonte regjonâl pe lenghe furlane.
E parteciparan al incuintri Debora Serracchiani, europarlamentâr e segretarie regjonâl dal Pd, Mauro Travanut, vice cjâf grup dal Pd in consei regjonâl, Francesco Martines, cjâf grup dal Pd in consei provinciâl, Andrea Simone Lerussi, segretari provinciâl dal Pd e Lorenzo Fabbro, component de segretarie provinciâl di Udin.
Jenfri i ponts al ordin dal dì la pesante riduzion des risorsis e la scancelazion dei lenghe furlane intal setôr dai media intal belanç 2011, la assence di une linie strategjiche tes politichis linguistichis e, daspò trê agns de aprovazion, la mancjade atuazion de leç regjonâl 29/07.

Lei la cronache de conference stampe sul Gazzettino e sul Messaggero Veneto .

FRIÛL/EUROPE: LA POLITICHE AGRICULE COMUN A LA PUARTADE DI DUCJ

Il grup de Aleance Progressiste dai Socialiscj e dai Democratics intal Parlament European in colaborazion cul Partît Democratic dal Friûl-Vignesie Julie us invide a partecipâ al incuintri public "La politiche agricule comun a la puartade di ducj" che si davuelzarà vinars ai 28 di zenâr, a lis 17.00, alì di Villa Chiozza, in Vie Carso 3, a Çarvignan. Le introduzion ai lavôrs e sarà di Debora Serracchiani, eurodeputade e segretarie regjonâl dal Pd e, pe relazion principâl, si proviôt l'intervent di Paolo De Castro, president de Comission Agriculture e svilup rurâl dal Parlament European. E an garantît la lôr presince ancje Piergiovanni Pistoni, President Regjonâl Confagriculture, Dario Ermacora, President Regjonâl Coldiretti Fvg, Ennio Benedetti, President Regjonâl CIA Fvg e rapresentants des categoriis produtivis, politichis e sindacâls, de Universitât e dal mont de ricercje.

LAVÔR, FEMINIS E MIGRAZIONS: IL CÂS DAL FRIÛL-VIGNESIE JULIE

Lunis ai 24 di zenâr 2011, aes 16.00, alì dal Centri Balducci di Çuian al vignarà presentât il libri “Il lavôr feminin jenfri vecjis e gnovis migrazions – Il câs dal Friûl Vignesie Julie” par cure di Ariella Verrocchio e Paola Tessitori, Ediesse Edizions.

Introduzion di
Yeok Kar Hoon - Segreterie Cjamare dal Lavôr di Udin
Intervents di
Ariella Verrocchio - Diretore Sientifiche Istitût Livio Saranz
Fatou Sarr - Inca Cgil Gurize
Don Pierluigi Di Piazza - Centri “Ernesto Balducci”
Renzo Guolo - Sociolic Universitât dai Studis di Padue
Debora Serracchiani - Europarlamentâr
Conclusions
Franco Belci - Segretari Gjenerâl Cgil Fvg

ORGOI DEMOCRATIC

Debora Serracchiani, segretarie regjonâl dal Partît Democratic dal Friûl - Vignesie Julie, e fevele di “orgoi democratic” intun articul publicat su L’Unità. Tu puedis lâ a leilu fracant su le foto.

VISITE IN REGJON DAL SENATÔR DAL PD FABRIZIO MORRI, COMPONENT DE COMISSION VIGJILANCE RAI

Inte zornade di îr, une delegazion dal Partît Democratic, vuidade de segretarie regjonâl Debora Serracchiani e dal senatôr Fabrizio Morri, component de Comission di Vigjilance Rai e a visitât lis sedis Rai di Triest e Udin. Adun cun lôr e an partecipât Lorenzo Fabbro, in rapresentance dal esecutîf provinciâl di Udin e i senatôrs Pegorer, Blazina e Pertoldi (te foto Debora Serracchiani e Lorenzo Fabbro).
Daspò des visitis ae Rai, lì che an vût fevelât di situazion gjenerâl de aziende, di ativitâts e di risultâts des sedis locâls, dal passaç al digjitâl e dal contrat di servizi, Debora Serracchiani, Fabrizio Morri, Carlo Pegorer e Lorenzo Fabbro e an partecipât a une conference stampe inte sede de Regjon a Udin par denunciâ il pericul di scancelazion dai programs par furlan tes emitentis publichis (il contrat di servizi nol è inmò stât firmât) e la mancjade aplicazion de gnove leç di tutele de lenghe furlane di bande de Regjon. La visite si è sierade cuntune visite de delegazion a Radio Onde Furlane. I rapresentants dal Pd e an pandût ae radio la lôr solidarietât cun rivuart ai pesants tais dai contribûts regjonâi e e an ricognossût e preseât il lavôr cuotidian di Onde Furlane tal cjamp de promozion de lenghe furlane ma ancje de informazion di servizi e "peade" al teritori. "Il vuestri lavôr al tapone lis mancjancis dal servizi public - al à afermât il senatôr Morri - viôt il câs dal radiogjornâl e no dome, e partant al à di jessi ricognossût e sostignût di bande des istituzions".
Lei i articui publicâts sul Gazzettino e sul Messaggero.