DOPLI APONTAMENT "RESISTENT" A RUDE

La Biblioteche "Luigi Chiozza", l'Assessorât ae culture dal Comun di Rude e la Sezion ANPI di Rude us invidin ae presentazion dal libri di Irene Bolzon "Repressione antipartigiana in Friuli - La Caserma Piave di Palmanova e i processi del dopoguerra" che si davuelzarà sabide ai 3 di març 2012, a lis 18.30, alì de sale consiliâr dal Municipi di Rude.

Il program al proviôt la introduzion di Bernardino Spanghero, vice president de A.N.P.I. provinciâl e daspò i intervents di Alessandra Kersevan, storiche e editore de Kappa Vu , di Paolo Ferrari, docent di storie contemporanie ae Universitât di Udin e di Irene Bolzon, autore dal libri e dotorande in storie ae Universitât di Udin.

Us ricuardin ancje l’apontament di Sacilet par domenie ai 4 di març a lis 10.30, cun partence dal corteu dal parc Formentini o drets alì de Place La Spessa a lis 10.45 par memoreâ i partigjans de Intendence Montes e de GAP fusilâts dai fassiscj intal fevrâr dal ’45. Il program de cerimonie al proviôt il salût dal Sindic, intervents dai arlêfs des scuelis di Tierç e di Rude e contribûts musicai dal Coru Multifariam e de Bande Mandamentâl di Çarvignan. La orazion conclusive e sarà dal senatôr Luciano Guerzoni, vice president nazionâl de ANPI.

SCUELIS E PIÇUI COMUNS DOPO LA RIFORME GELMINI

I circui dal Partît Democratic di Dael, Cjamplunc Tapoian, Rude e Visc us invidin a partecipâ al incuintri public “Cualis scuelis pai piçui comuns - la situazion des nestris scuelis dopo la riforme Gelmini” che si davuelzarà vinars ai 11 di març, aes 20.00, alì dal Municipi di Cjamplunc Tapoian. E fevelaran: Fulvio Tomasin, aministradôr public, Franca Gallo, segretarie provinciâl Flc Cgil Scuele e i dirigjents scolastics Vincenzo Pappalardo, Aldo Durì e Laurino Nardin. Lis conclusions e saran di Franco Codega, conseîr regjonâl dal Partît Democratic.

SACILET 2011 (SORELI, MEMORIE, LIBERTÂT, DEMOCRAZIE, POPUL E PARTIGJANS)

Un biel soreli al à scjaldât cualchi centenâr di personis che îr di matine si son dadis dongje a Sacilet di Rude par memoreâ i partigjans de Intendence Montes e de Gap-Friûl massacrâts dai fassiscj republichins de Caserme Piave di Palme. Ancje chest an memorie, valôrs e grande partecipazion di popul pe manifestazion de Anpi plui impuartante de Basse furlane. Te foto di Mauro Grion il sindic di Rude Palmina Mian e lei il sô intervent.

6.3.2011: ANTIFASSISCJ E PARTIGJANS A SACILET

Fracait ca par viodi il program de cerimonie inmaneade di bande de Anpi che davuelzarà domenie ai 6 di març, cun partence dal corteu a lis 10.30 dal Parc Formentini di Sacilet di Rude in ricuart dai valorôs partigjans de Intendence Montes e de Gap-Friûl massacrâts dai fassiscj republichins de Caserme Piave di Palme. Ae cerimonie al sarà presint il vice president dal Senât On. Vannino Chiti.

FIESTE NAZIONÂL DE UNITÂT A TURIN: PARTENCE ANCJE DE BASSE

In ocasion de conclusion de Fieste Nazionâl de Unitât dal 12 di setembar (a lis 16.00 in Place Cjastiel a Turin comizi dal segretari Bersani) i circui dal Pd di Rude, Vile e Çarvignan e an organizât une coriere cun partence la buinore dal 11 e tornade inte gnot dal 12. Il cost al è di 100 euros (viaç e “mirinde” di viaç , hotel e culizion). Par prenotâ o domandâ informazions clamâ - dentri dal 3 di setembar – Lorenzo al 347 130 41 01 o Vera al 348 70 59 741.

In occasione della conclusione dalla Festa nazionale dell’Unità del 12 settembre( alle 16.00 in Piazza del castello a Torino comizio del segretario Bersani) i circoli del Pd di Ruda, Villa Vicentina e Cervignano hanno organizzato una corriera con partenza la mattina del giorno 11 e ritorno nella nottata del 12. Il costo è di 100 euro (viaggio con merenda, una notte in hotel con prima colazione). Per prenotare o richiedere informazioni chiamare – entro il 3 settembre - Lorenzo al 347 130 41 01 o Vera al 348 70 59 741 .

DOI APONTAMENTS PAR VINARS CHE AL VEN

Us segnalin doi apontaments par vinars 27 di mai:

1) a lis 18.00, alì de sale consiliâr dal Comun di Rude, par cure de associazion Auser "Basse Furlane", presentazion dal libri di poesiis "Caravanserai" di Bepi Mariuz. L'autôr al vignarà presentât dal prof. Emilio Rigatti

2) a lis 20.30, intal Centri Civic di Tavagnà (in place Di Prampar jentrade di vie Madonnina), presentazion dal DVD documentari "on the road" di M. Garlatti Costa "SunsAtor, a torzeon te culture furlane".