UN PAT CUL STÂT PAR UNE REGJON EUROPEANE

Il Partît Democratic dal Friûl-Vignesie Julie us invide a partecipâ al incuintri public "Un pat cul Stât par une Regjon Europeane" che si davuelzarà sabide ai 17 di novembar, aes 9.30, alì dal Hotel Ambassador in Vie Carducci, 46, a Udin.
Si proviodin intervents di:
Debora Serracchiani (candidade ae Presidence de Regjon Friûl-Vignesie Julie, europarlamentâr): colaborâ cul Stât par un rûl european dal Friûl-Vignesie Julie;
Roberto Bin (Universitât di Ferare): la specialitât al timp de crisi, jenfri guvier tecnic e jurisprudence costituzionâl;
Leopoldo Coen (Universitât di Udin, component de comission paritetiche Stât - Regjon Friûl-Vignesie Julie): il protocol di intese par rilançâ une leâl colaborazion;
Gianmario Demuro (za component  de comission paritetiche Stât - Regjon Sardegne): la esperience de comission paritetiche Stât - Regjon Sardegne.

MINORANCIS LINGUISTICHIS E IMPRENDITORIE: CUNVIGNE DI INFORMAZION FURLANE A UDIN

Minorancis e Imprenditorialitât
Minorancis linguistichis e imprenditorie
Cunvigne ai 13 di Novembar alì de Cjamare di Cumierç di Udin
Pes minorancis in Europe lenghe e identitât no son dome un valôr e un dirit di fonde, ma a puedin jessi ancje une oportunitât in tiermins economics. Dut chest al ven sugjerît de metude in vore de legjislazion di tutele, previodût di chei che a son i indreçaments plui modernis in materie di disvilup, inovazion e sostignibilitât e confermât di tantis esperiencis imprenditoriâls che par lôr il leam tra lenghe, culture e teritori al è pardabon un fatôr competitîf.
La celebrazion dai trente agns di ativitât de cooperative Informazione Friulana e devente la ocasion par frontâ, jenfri teorie e prassi, il teme dal rapuart tra lenghe, identitât e imprenditorie.
Un confront di ideis, esperiencis e prospetivis, tra marketing teritoriâl e media, cumierç e produzion culturâl, promozion dai prodots tipics e servizis linguistics. Dal Friûl al Paîs Basc, de Sardegne ae Ladinie, de Istrie al Gales, de Corsiche ae Bretagne, de Ocitanie ae Catalogne.

Lait a viodi il program complet su http://www.ondefurlane.eu/