IL PD REGJONÂL DAL FVG AL CJAPE POSIZION CUINTRI IL NUCLEÂR E LA PRIVATIZAZION DE AGHE

Te ultime direzion regjonâl dal Partît Democratic che si è davuelte lunis ai 21 di març al è stât fat bon il document elaborât di bande de comission vuidade di Ezio Beltrame e presentât tant che contribût programatic pe riforme de sanitât regjonâl e chel cun rivuart aes infrastruturis elaborât di bande dal forum dal conseîr regjonâl Brandolin. Daspò de relazion de segretarie regjonâl Debora Serracchiani discussion e aprovazion ancje par doi ordins dal dì che e impegnin il partît regjonâl a supuartâ lis resons dai referendum in favôr de aghe publiche e cuintri il nucleâr.
Votade ancje la gnove segretarie regjonâl compueste di Rino Battocletti, Vittorino Boem, Silvia Caruso, Paolo Coppola, Luigi Cortolezzis, Miriam Davide, Carmen Galdi, Fabio Gri, Antonella Grim, Renzo Liva, Diego Moretti, Cristina Nazzi, Fabio Omero, Giorgia Polli, Renzo Travanut (coordenadôr politic), Stefano Ukmar e Fabrizio Venier.

IL BOLETIN ELETORÂL

Sot lis fiestis di Nadâl tes cjasis de int di Palassôl al è rivât un "boletin" informatîf, mandât di bande de aministrazion comunâl, che al conte di un paîs un tic diferent de realtât. Plui che un boletin informatîf un boletin eletorâl.

La segretarie dal Pd Manuela Romano e à scrit al gjornâl par pandi la sô opinion.

Frache achì par lei la letare publicade sul M.V. domenie ai 16 di zenâr.

ORGOI DEMOCRATIC

Debora Serracchiani, segretarie regjonâl dal Partît Democratic dal Friûl - Vignesie Julie, e fevele di “orgoi democratic” intun articul publicat su L’Unità. Tu puedis lâ a leilu fracant su le foto.

LETARIS, CENSURIS, MANIFESTAZIONS

Lait a lei la letare de segretarie dal Pd di Palaçûl Manuela Romano publicade sul Messaggero Veneto cun rivuart al câs Fontanini.

Recuardin a ducj la manifestazion convocade par lunis ai 15 di novembar juste prime dal consei provinciâl lì che e vignarà votade une mozion di censure al president de Provincie.

PD FURLAN: PRIME ASSEMBLEE PROVINCIÂL DE GJESTION LERUSSI, ELETS IL DIRETÎF E LA SEGRETARIE

Sabide ai 25 di otubar, aes 18.00, inte sale congrès de Enaip a Pasian di Prât a si è tignude la prime assemblee provinciâl dal Pd.
Il segretari Andrea Simone Lerussi al à presentât, dongje de relazion, lis propuestis di nominatîfs pe composizion dai organisims politics di direzion dal partît (propuestis presentadis in cunvigne cu le minorance rapresentade di Salvatore Spitaleri). Un clime positîf e un segnâl di volontât unitarie une vore impuartant.
E son stâts elets doi components dal circul dal Pd di Palaçûl: Manuela Romano inte direzion e Lorenzo Fabbro intal esecutîf provinciâl. Par cognossi ducj/dutis i/lis components de direzion e dal esecutîf lait a lei il prin coment.

Sabato 25 ottobre, alle 18.00, nella sala congressi dell'Enaip di Pasian di Prato si è svolta la prima assemblea provinciale del Pd. Il segretario Andrea Simone Lerussi ha presentato, con la sua relazione, le proposte di nominativi per la composizione degli organismi politici di direzione del partito (proposte presentate in accordo con la minoranza rappresentata da Salvatore Spitaleri). Un clima positivo ed un segnale di volontà unitaria molto importante. Sono stati eletti due componenti del circolo Pd di Palazzolo dello Stella: Manuela Romano nella direzione e Lorenzo Fabbro nella segreteria/esecutivo provinciale. Per conoscere tutte/tutti le/i componenti della direzione e della segreteria andate a leggere il primo commento.