Inte zornade di îr, une delegazion dal Partît Democratic, vuidade de segretarie regjonâl Debora Serracchiani e dal senatôr Fabrizio Morri, component de Comission di Vigjilance Rai e a visitât lis sedis Rai di Triest e Udin. Adun cun lôr e an partecipât Lorenzo Fabbro, in rapresentance dal esecutîf provinciâl di Udin e i senatôrs Pegorer, Blazina e Pertoldi (te foto Debora Serracchiani e Lorenzo Fabbro).Daspò des visitis ae Rai, lì che an vût fevelât di situazion gjenerâl de aziende, di ativitâts e di risultâts des sedis locâls, dal passaç al digjitâl e dal contrat di servizi, Debora Serracchiani, Fabrizio Morri, Carlo Pegorer e Lorenzo Fabbro e an partecipât a une conference stampe inte sede de Regjon a Udin par denunciâ il pericul di scancelazion dai programs par furlan tes emitentis publichis (il contrat di servizi nol è inmò stât firmât) e la mancjade aplicazion de gnove leç di tutele de lenghe furlane di bande de Regjon. La visite si è sierade cuntune visite de delegazion a Radio Onde Furlane. I rapresentants dal Pd e an pandût ae radio la lôr solidarietât cun rivuart ai pesants tais dai contribûts regjonâi e e an ricognossût e preseât il lavôr cuotidian di Onde Furlane tal cjamp de promozion de lenghe furlane ma ancje de informazion di servizi e "peade" al teritori. "Il vuestri lavôr al tapone lis mancjancis dal servizi public - al à afermât il senatôr Morri - viôt il câs dal radiogjornâl e no dome, e partant al à di jessi ricognossût e sostignût di bande des istituzions".
Lei i articui publicâts sul Gazzettino e sul Messaggero.
3 commenti:
soi infastidit che le serrachiani a vedi di fa le segretarie regjonal dal PD. Ma in Europe non si stin za fasint ridi che no vin i nestris tra i pi presinz in parlament. Cimut ise che ie a ancje timp di cori ator in friul? Un lavor e vonde nol baste? ca fasedi chel e ca lu fasedi ben. O a Bruxelles o a Palacul!
cjâr anonim, viodût che debora serracchiani e je sedi parlamentâr europeane sedi segretarie regjonâl dal pd e scugne "cori ator pal friûl".
la critiche sul dopli "lavôr" e je legjitime ma spietin di viodi i risultâts ca di un pôc.
il to coment però al è un tic "off topic": lis declarazions fatis lunis di bande de nestre segretarie e son di preseâ.
dut câs, come che si dîs debora e a volût la biciclete e alore e à di pedalâ: a bruxelles, a udin e ancje a palaçûl :-)
beh, a lei achì le considerazion che e an in europe de segretarie regjonâl no je per nuje mâl .....
http://www.eurosduvillage.eu/Le-Top-10-des-eurodeputes-les-plus,4259.html
Posta un commento