Al è un an che nus à lassâts: trê apontaments inmaneâts di bande dal Comun e de Biblioteche di Udin par memoreâ il grant Tito Maniacco.Ai 6 di zenâr, aes 17.00, alì dal Teatri San Zorç a Udin, Fabiano Fantini, acompagnât di Pier Paolo Ciurlia al liût, al learà il poemut Viaç di Herr Walther von de Vogelweide te Patrie dal Friûl, ospit dal Sâr Patriarcje Wolger di Ellenbrechtskirchen, in Civitate Austriae.
Ai 14 di zenâr, simpri aes 17.00, alì de Galarie Tina Modotti a Udin , l’assessôr ae culture, Luigi Reitani, al screarà une mostre di fotografiis di Danilo De Marco adun cun diviersis oparis figurativis che il stes Maniacco al à regalât al Comun di Udin.
L’ultin dai trê apontaments, il plui impuartant, ai 19 di zenâr in sale Aiace: la presentazion di Una piccola osteria rossa, une edizion dal Circul Culturâl Menocchio, li che e son stadis metudis dongje cincuante versions, in ancjetantis lenghis e dialets, di poetis e inteletuâi di dute Europe e no dome che e an voltât la poesie che e dâ il titul al libri. E saran presints Pierluigi Cappello, Marko Kravos e Rosanna Paroni Bertoja.
Fracait ca sot par lei i articui publicâts sul Messaggero a proposit de iniziative:
http://messaggeroveneto.gelocal.it/dettaglio/udine-ricorda-tito-maniacco-a-un-anno-dalla-scomparsa/3103075
Nessun commento:
Posta un commento