PIERLUIGI DI PIAZZA E MARGHERITA HACK A "VINO DI LEI"

Pal secont apontament de rassegne Vino di Lei la Associazion Artetica di Muçane us presente il libri di Margherita Hack e Pierluigi Di Piazza "Io credo. Dialogo tra un'atea e un prete": sabide ai 15 di jugn, aes 18.30, alì dal zardin des scuelis elementârs. A saran presints i autôrs e la gjornaliste Marinella Chirico. Ae fin si presentaran ancje i vins de cantine Conti Formentini di San Florian.

TRÊ APONTAMENTS PAR SABIDE TE BASSE JENFRI DIBATITS, LIBRIS E TEATRI

Sabide ai 7 di lui 2012 a lis 17.00

“Vecia Pescaria” di Maran

LA JUSTIZIE IN ITALIE. SINO DUCJ COMPAGNS DI FRONT A LA LEÇ?

Assemblee publiche inmaneade di bande de sezion ANPI di Cjarlins e Maran cun intervents dal Prof. FURIO HONSELL, sindic di Udin e dal Sen. FELICE CASSON, Vice President dai Senatôrs dal Partît Democratic.

Sabide ai 7 di lui 2012 a lis 18.30

La Associazion Artetica us invide al secont apontament di “Vino di Lei 2012”: intal zardin de famee Bianco, in Via Stroppagallo 47/1 a Muçane apontament cun Mauro Daltin e il sô ultin libri “I PIEDI SUL FRIULI - Viaggio fra lune, borghi e storie dimenticate” (Edizioni Biblioteca dell’Immagine)".

Introduzion e cjacaris par cure di Gabriella Cecotti, leturis e incursions di Claudio Moretti. A seguî degustazions dai vins de Aziende Agricule Dino Turco di Dolegne.

In câs di ploie la serade di davuelzarà alì dal Centri Civic Villa Muciana in Place San Marc.

Vignît in biciclete.

Simpri sabide ai 7 di lui, a lis 21.30, in Place Frangipane a Maran inte suaze de rassegne “Teatro in Visinàl” inmaneade de Assemblee Teatrâl F. Faccio, un spetacul di no pierdi: la Compagnie Yevgeni Mayorga / Lluvia Horizontal di Valencie (Italie, Cîl, Spagne) e presentarà il spetacul “VERNE:UN SOGNO A 20.000 LEGHE” cu le partecipazion di Angelo Comisso al piano.

Par info: virginia

virginia@lluviahorizontal.com

SABIDE RIVIEI DI INGJUSTRI A UDIN E VINO DI LEI A MUÇANE

Doi apontaments culturâi impuartants par sabide ai 21 di mai.
A Udin, aes sîs e mieze sot sere (18.30) alì de sale esposizions dal Visionario di Udin si scree “Riviei di ingjustri”, la mostre des taulis origjinâls dai fumuts che a àn partecipât ae edizion 2010 dal Premi Friûl. La iniziative, che si insuaze intal program udinês pai cinccent agns dal riviel de Joibe Grasse, e je inmaneade de cooperative Informazione Friulana / Radio Onde Furlane e de Associazion 1511 cu la poie dal Assessorât pe Culture dal Comun di Udin e cu la colaborazion dal Visionario / Centro per le arti visive.
Dentri di “Riviei di ingjustri” si podaran viodi lis taulis origjinâls dissegnadis di diviers autôrs furlans (Guido Carrara; Lorenzo Manià; Nicola Angeli e Fabio Varnerin; Emilio Bertossi; Eleonora Spizzamiglio; Enrico Tomasi; progjet MaMaRuTo) pal Premi Friûl di Radio Onde Furlane e dedicadis al riviel de Joibe Grasse dal 1511. Dongje di chestis oparis, a saran metudis fûr ancje des taulis origjinâls di Luigino Peressini che, cul so “Vitis di un vilan salvadi”, al è stât il prin a cubiâ fumuts e Joibe Grasse dal 1511. In plui di cualchi taule di chel lavôr, si podarà viodi ancje la mape su la Joibe Grasse fate dal stes Peressini pai cinccent agns dal riviel.
A compagnâ lis contis a fumuts si varan ancje des notis storics là che a son presentadis lis causis dal riviel, il so svilup e cualchi considerazion su la plui grande insurezion popolâr de storie furlane. Intant de scree, là che a saran organizadôrs e autôrs, si presentarà ancje la publicazion che e met adun lis siet contis a fumuts in vision alì dal Visionario. La mostre e restarà vierte fin ai 11 di Jugn cui oraris de sale esposizions dal Visionario, ven a dî plui o mancul di cuatri tal dopodimisdì a nûf e mieze di sere (16.00-21.30).
Te Basse, a Muçane, il circul culturâl Artetica al presente il secont apontament de rassegne “Vino di Lei 2011”, presentazions di libris e vins intai zardins di Muçane. Aes 18.30, cheste volte intal zardin de famee Turco Bruno (in via Molino) al vignarà presentât il libri di Emanuele Tonon “Il nemico”. L’autôr al sarà presentât di Pauli Cantarut. Il vin presentât pe ocasion al sarà chel de cantine Riz Paolo di Brazzan di Cormons.

VINO DI LEI 2011: PRIN APONTAMENT

Il circul culturâl Artetica us invide al prin apontament de rassegne “Vino di Lei 2011”, presentazions di libris e vins intai zardins di Muçane. Sabide ai 21 di mai, aes 18.30, intal zardin de famee Petris (Vicolo del Parroco) al vignarà presentât l’ultin libri di Pierluigi Di Piazza “Fûr dal templi. La Glesie al servizi de umanitât”. L’autôr al sarà presentât di Angelo Floramo. Il vin presentât pe ocasion al sarà chel de cantine Sirch di Albane di Prepot.

SABIDE AI 26 DI JUGN ULTIN APONTAMENT PAR "VINO DI LEI 2010". DI NO PIARDI .....

Ultin apontament pe edizion 2010 di “Vino di Lei”.
Sabide ai 26 di jugn, a lis 18.00, tal zardin di cjase Michelutti-Biondin, l’associazion Artetica us invide ae presentazion dal libri “Il nemico. Romanzo eretico”. E saran presints l’autôr Emanuele Tonon, il gjornalist di Radio Onde Furlane Pauli Cantarut, e, cuntune schirie di incursions poetico-musicâls, il poete trastolon Raff BB Lazzara e il blues-omp Fabian Riz. Daspò de presentazion dal libri degustazion dai vins de Aziende Agricole Colutta Bandut di Manzan. In câs di brut timp la manifestazion si davuelzarà alì dal Centri Civic Villa Muciana. Vignît in biciclete.

SABIDE 22 AL TORNE "VINO DI LEI"

Al torne “Vino di Lei” cun trê apontaments jenfri Mai e Jugn: une schirie di incuintris che nus puartaran a discuvierzi i zardins privâts des cjasis di Muçane e cetancj scritôrs, poets, musiciscj e personaçs de culture. Ae fin di ogni event une cantine dal teritori e presentarà la sô produzion di vin e al vignarà ufiert un ghiringhel a ducj i partecipants. Intal prin apontament, sabide ai 22 di mai, a lis 18.00, intal zardin de famee Casadio in vie San Gervasio, 30, al vignarà presentât il libri “Curiosità e divertimenti con i numeri” ae presince dal autôr (e sindic di Udin) Furio Honsell. Presentazion dal prof. Angelo Floramo e, ae fin, o larìn a cognossi il vin de Cantine Fattor di Ravose.

Par informazions: http://artetica.wordpress.com/