CUNVIGNE DI LEGAMBIENTE A MONFALCON: GRANDIS OPARIS PAR FÂ SU LIS OPARIS O BEN PAR INVIÂ UNE MOBILITÂT SOSTIGNIBILE DI PERSONIS E MARCJANZIIS?

Vinars ai 16 di març 2012, a lis 18.00 alì de sale Conferencis de Biblioteche Comunâl di Vie Cerini a Monfalcon o sês invidâts a partecipâ al incuintri public: "Grandis oparis par fâ su lis oparis o ben par inviâ une mobilitât sostignibile di personis e marcjanziis? De TAV in Val di Sûse al Plan de Zonte Regjonâl dal Friûl–Vignesie Julie pes infrastruturis di traspuart, de mobilitât des marcjanziis e de logjistiche"

Program:

Salût dal Sindic di Monfalcon Silvia Altran

Intervents di Vanda Bonardo, za presidente regjonâl di Legambiente Piemont, Elia Mioni, president regjonâl di Legambiente FVG, Andrea Wehrenfennig, Circul Legambiente Verdazzurro di Triest, Rudy Fumolo, Circul Legambiente Green Gang di Monfalcon

Dibatit

IL MONT AL CAMBIE. LA REGJON E JE FERME. LIS PROPUESTIS DAL PD

Il Partît Democratic dal Friûl Vignesie Julie adun cul Grup Regjonâl dal Pd us invidin a partecipâ ae Conference "Il mont al cambie. La Regjon e je ferme. Fasin sù il nestri futûr. Infrastruturis e traspuarts: liniis strategjichis par miorâ la vite dai citadins e rindi competitive la economie dal Friûl Vignesie Julie" che si davuelzarà sabide ai 19 di fevrâr, aes 9.30, intal salon di Palaç Kechler, Place XX Setembar, a Udin.
Introduzion:
Vincenzo Martines - Coordenadôr conference di program dal PD
Relazion di:
Giorgio Brandolin - Conseîr regjonâl membri de comission traspuarts in consei regjonâl
Conclusions:
on. Debora Serracchiani - Segretarie regjonâl PD
Si proviodin intervents di aministradôrs locâi e rapresentants dal mont de economie regjonâl.

CORIDÔR 5: ASSEMBLEE A PORPÊT

Usgnot, vinars ai 15 di otubar, a lis 20.30, alì de sale consiliâr dal Comun di Porpêt, inmaneât par cure dai Comitâts NO-TAV de Basse Furlane, assemblee publiche sul teme dal "Corridoio V" e de linie de alte velocitât/capacitât che e traviersarà la Basse furlane. E saran presints Riccardo Riccardi, assessôr regjonâl ai traspuarts, e Debora Serracchiani, parlamentâr europeane, componente de comission traspuarts.