ANPI: DOMENIE 23 A ONTAGNAN

VUÊ O FEVELIN DI.. LAVÔR

Vinars ai 21 di mai 2010 a lis 19:00 – Place Indipendence (in câs di ploe intal Teatri Pasolini) a Çarvignan
il Circûl dal PD di Çarvignan us invide a partecipâ al incuntri public “Vuê o fevelin di.. Lavôr”
Intervents di:
Denis Andrian – Confcommercio
Daniele Casotto – Lega delle Cooperative
Franco Clementin – Conf. Italiana Agricoltori
Sandro D’Antonio – Confartigianato
Alessandro Forabosco – Sindacato Unitario
Livio Menon – Lavoratore Cassintegrato
Denis Puntin – CNA
Roberto Rigonat – Coldiretti
Moderadôr
Domenico Pecile – Gjornalist dal Messaggero Veneto

AGHE: UN BEN PRIMARI, UN BEN ECONOMIC

Comun di San Zorç , Comun dal Tor, Union dai Comuns, Centri Economic de Basse Furlane e Province di Udin us invidin a partecipâ al incuintri public
Aghe: un ben primari, un ben economic
Dibatiment su lis propuestis di orientament normatîf cun rivuart a lis risorsis idrichis
Lunis ai 17 di mai, a lis 19.00 - alì de sale Barchesse di Villa Dora a San Zorç
Intervents di:
Pietro DELFRATE, Sindic di San Zorç
Roberto FASAN, Sindic dal Tor
Diego TRAVAN, imprenditôr, conseîr provinciâl di Udin
On.Federico TESTA, component de X comission (ativitâts produtivis, cumierç e turisim) de Cjamare dai Deputâts
Massimo MORETTUZZO, referent comitât referendari CEVI - Forum Talian Moviments pe Aghe di Udin

CERAMICHIS GIRARDI: SE I POLITICS A PROMETIN E PO NO MANTEGNIN

Publicade intal numar di mai dal periodic Ladins dal Friûl (dispunibil ancje online su http://www.ladinsdalfriul.eu) la letare di Marie Julie Pevere, la fie di un operari metût in mobilitât de fabriche “Ceramiche Girardi” di Palaçûl.

E scrîf Marie Julie:
“O vorès, a traviers cheste letare, riclamâ la atenzion di ducj, politics e no, sul câs des “Ceramichis Girardi” (viôt “Ladins dal Friûl” n.3 Març 2010 n.d.r.) e su dutis chês altris aziendis che, permetêtmi il tiermin, a son daûr a sierâ cence che nissun al loti, cence che nissun al fasi presint ai nestris politics lis tantis promessis fatis intai confronts di ducj chei lavoradôrs, cumò a cjase par vie che a son restâts cence lavôr.
E fevele une fantate che ogni dì e scugne afrontâ une societât che no si impegne par cirî di integrâ lis personis che par disfortune cumò a son a cjase, daspò che la aziende dulà che a lavoravin di agns in ca, viodude aromai come la seconde cjase, e à scugnût sierâ fasint mil impromissions ai lavoradôrs; une societât che no da la pussibilitât a personis che a son parsore dai 50 agns di rivâ insom ae lôr trate lavorative, cussì di podê cuistâ la suspirade pension, e je injuste e arogant parie.
Mi vergogni. Mi vergogni di ducj chei che a àn imprometût ai lavoradôrs des Ceramichis Girardi che ju varessin judâts, che la aziende e varès dal sigûr tornât a vierzi, che a saressin tornâts cence altri a vore; mi vergogni di ducj chei che no dan une pussibilitât a une persone come gno pari, cuntune lungje esperience, di podê lavorâ e a continuin a sbatii lis puartis in muse, une daûr chê altre, par colpe de etât.”

Lait a lei dute la letare intai coments.

PD E FEDERALISIM: INCUINTRI TE CJASE DAL POPUL A SARVIGNAN

Il coordinament provinciâl e il circûl de basse furlane dai zovins democratics adun cul circûl pd di Çarvignan / Sarvignan us invidin a partecipâ al incuintri public sul teme
Federalisim, cualis prospetivis?
intervents di
Alessandra Guerra, za presidente regjon fvg
Mauro Travanut, conseîr regjonâl PD
Miguel Velasco, segretari provinciâl ZD
joibe ai 13 di mai 2010, a lis 20.30, alì de Cjase dal Popul in vie G.Garibaldi a Sarvignan

DIALIC, SCUELE E TERITORI

Publicât îr in cronache di Palassôl sul Messaggero Veneto il comunicât stampe dal grup consiliâr dal Pd sul teme "scuele" e plui in gjenerâl su dialic, propuestis e colaborazions intercomunâls jenfri i nestris comuns tant che rispueste ae solecitazion vignude di bande dal grup consiliâr di minorance di Prissinins "Cambiare si può" (cjalait intai post di avrîl).
Par lei l'articul di îr va su:
http://ricerca.gelocal.it/messaggeroveneto/archivio/messaggeroveneto/2010/05/07/UD_13_PROC7.html

SERRACCHIANI SU ELETRODOTS E NUCLEÂR: STAIT IN VUAITE

“Terna e a anunziât cuntun at di pure prepotence di jessi contrarie a cualsisedi concet di riduzion di impat ambientâl, umiliânt i comuns interessâts e sdrumânt la autorevolece de zonte regjonâl”. Chestis lis declarazions de segretarie regjonâl dal Pd Debora Serracchiani daspò de conferme, di bande de societât Terna, che l’eletrodot di 380 kV di fâ sù jenfri Udin e Redipulie al varà di jessi sui pai e no sot tiere.
“Il president Tondo al veve sigurât che la posizion de zonte e jere pe soluzion sot tiere – e ricuarde Serracchiani – e che al rivuart al varès sburtât la societât a discuti progjets altenatîfs. Se cheste e je la rispueste, inmò une volte si palese la inconsistence de zonte tant che interlocutôr istituzionâl”. In plui la segretarie dal Pd e domande ai dirigjents de Lee Nord “se cheste e je la gnove maniere di jessi parons a cjase nestre o se invezit, denant di cierts interès, i padans a si dismentein cemût tirâ sù il cjâf e alçâ la vôs”.
“Cun chescj precedents – e zonte Serracchiani - al è aromai sigûr che il Friûl al deventarà sît nucleâr, massime dopo lis declarazions dal president Ballaman che propit intal aniversari dal taramot al propon di scambiâ la nestre sovranitât e la sigurece dai citadins sore un scont su lis boletis. Invidin citadins e aministradôrs dal teritori a tignîsi in vuaite parcè che, a partî di vuê, o savin che il risi al è une vore alt”.

MEMORIE

6 di mai 1976 - 6 di mai 2010

AI 15 DI MAI FIESTE ETIOPE A RIVIGNAN

Sabide ai 15 di mai, alì de associazion Trois (Ex Ostarie Alle Piramidi) a Rivignan fieste dedicade a l'Etiopie.
A lis 18.00 proiezion video e presentazion dal progjet di cooperazion Mamre.
A lis 19.30 cene etiope par ducj.
A partî da lis 20.30 i concerts: Luna e un quarto, Cristina Mauro e Stefano Montello, Africa Sunugal.

Il ricavât de fieste al sarâ devolût al progjet di cooperazion Mamre.

Patrocini dal comun di Muzane e colaborazion di Radio Onde Furlane, Ass. Trois, Buteghe/Altromercato, Artetica, Auser, Abfm, Afds, Ass. Art-Port

REFERENDUM PE AGHE PUBLICHE: SI FIRME DUTIS LIS SABIDIS INTE SEDE DAL PD A PALAÇÛL / PALASSÔL

A partî di sabide ai 8 di mai e par dutis lis sabidis fin ae fin dal mês di Jugn, da lis 10.30 a lis 13.00, alì de sede intercomunâl dal Partît Democratic, in Place L. Bini a Palaçûl / Palassôl, i conseîrs comunâi di Palaçûl e saran presints e a disposizion di ducj chei che e an voie di firmâ pai referendum cuintri la privatizazion de gjestion de aghe e pe aghe publiche. Us spietìn a firmâ.
Par info 3920041033.

"ECONOMIE VERDE PAL DISVILUP"

Vinars ai 7 di mai 2010 a lis 18.30, inte “Sale Leopardi” dal Hotel Cristallo in plaçâl G. D'Annunzio - Udin
aPeritîf Democratic sul teme

“economie verde pal disvilup”

- si a lis energjiis rinovabilis
- no al nucleâr
intervents di
Filippo Bubbico, senadôr de republiche, cjâf grup pd inte 10 comission industrie, cumierç e turisim
Carlo Pegorer, senadôr de republiche
Elio Baracetti, coordenadôr provinciâl ecodem
moderadôr
Hosam Aziz, coordenadôr pd circûl “udine centro”

I ULTINS DÎS DI ELUANA

Sabide ai 8 di mai a lis 20.30
Sale Ajace, Palaç D’Aronco, Place Libertât – Udin
presentazion dal libri di Amato De Monte e Cinzia Gori "I ultins dîs di Eluana"par cure di Elena Nave
Intervents di
Amato De Monte, Cinzia Gori e Elena Nave - Autôrs dal libri
Furio Honsell - Sindic di Udin
Beppino Englaro
Moderatore de serade
Marinella Chirico - gjornaliste