Publicade intal numar di mai dal periodic Ladins dal Friûl (dispunibil ancje online su http://www.ladinsdalfriul.eu) la letare di Marie Julie Pevere, la fie di un operari metût in mobilitât de fabriche “Ceramiche Girardi” di Palaçûl.
E scrîf Marie Julie:
“O vorès, a traviers cheste letare, riclamâ la atenzion di ducj, politics e no, sul câs des “Ceramichis Girardi” (viôt “Ladins dal Friûl” n.3 Març 2010 n.d.r.) e su dutis chês altris aziendis che, permetêtmi il tiermin, a son daûr a sierâ cence che nissun al loti, cence che nissun al fasi presint ai nestris politics lis tantis promessis fatis intai confronts di ducj chei lavoradôrs, cumò a cjase par vie che a son restâts cence lavôr.
E fevele une fantate che ogni dì e scugne afrontâ une societât che no si impegne par cirî di integrâ lis personis che par disfortune cumò a son a cjase, daspò che la aziende dulà che a lavoravin di agns in ca, viodude aromai come la seconde cjase, e à scugnût sierâ fasint mil impromissions ai lavoradôrs; une societât che no da la pussibilitât a personis che a son parsore dai 50 agns di rivâ insom ae lôr trate lavorative, cussì di podê cuistâ la suspirade pension, e je injuste e arogant parie.
Mi vergogni. Mi vergogni di ducj chei che a àn imprometût ai lavoradôrs des Ceramichis Girardi che ju varessin judâts, che la aziende e varès dal sigûr tornât a vierzi, che a saressin tornâts cence altri a vore; mi vergogni di ducj chei che no dan une pussibilitât a une persone come gno pari, cuntune lungje esperience, di podê lavorâ e a continuin a sbatii lis puartis in muse, une daûr chê altre, par colpe de etât.”
Lait a lei dute la letare intai coments.
E scrîf Marie Julie:
“O vorès, a traviers cheste letare, riclamâ la atenzion di ducj, politics e no, sul câs des “Ceramichis Girardi” (viôt “Ladins dal Friûl” n.3 Març 2010 n.d.r.) e su dutis chês altris aziendis che, permetêtmi il tiermin, a son daûr a sierâ cence che nissun al loti, cence che nissun al fasi presint ai nestris politics lis tantis promessis fatis intai confronts di ducj chei lavoradôrs, cumò a cjase par vie che a son restâts cence lavôr.
E fevele une fantate che ogni dì e scugne afrontâ une societât che no si impegne par cirî di integrâ lis personis che par disfortune cumò a son a cjase, daspò che la aziende dulà che a lavoravin di agns in ca, viodude aromai come la seconde cjase, e à scugnût sierâ fasint mil impromissions ai lavoradôrs; une societât che no da la pussibilitât a personis che a son parsore dai 50 agns di rivâ insom ae lôr trate lavorative, cussì di podê cuistâ la suspirade pension, e je injuste e arogant parie.
Mi vergogni. Mi vergogni di ducj chei che a àn imprometût ai lavoradôrs des Ceramichis Girardi che ju varessin judâts, che la aziende e varès dal sigûr tornât a vierzi, che a saressin tornâts cence altri a vore; mi vergogni di ducj chei che no dan une pussibilitât a une persone come gno pari, cuntune lungje esperience, di podê lavorâ e a continuin a sbatii lis puartis in muse, une daûr chê altre, par colpe de etât.”
Lait a lei dute la letare intai coments.
1 commento:
Simpri in prin plan lis dificoltâts economichis e ocupazionâls
CERAMICHIS GIRARDI: SE I POLITICS A PROMETIN E PO NO MANTEGNIN
Palaçûl - O scrîf cheste letare sperant che la podedis publicâ e soredut parcè che o ai let timp indaûr dai articui publicâts sul vuestri gjornâl che a fevelavin propit di un argoment che mi sta une vore a cûr. O soi une fantate di 23 agns e, cun dute la mê zovine etât, jo no ai gran fiducie inte nestre classe politiche. E chest par colpe di ce che i sta sucedint a gno pari, une persone che e à simpri lavorât cetant.
O vorès, a traviers cheste letare, riclamâ la atenzion di ducj, politics e no, sul câs des “Ceramichis Girardi” (viôt “Ladins dal Friûl” n.3 Març 2010 n.d.r.) e su dutis chês altris aziendis che, permetêtmi il tiermin, a son daûr a sierâ cence che nissun al loti, cence che nissun al fasi presint ai nestris politics lis tantis promessis fatis intai confronts di ducj chei lavoradôrs, cumò a cjase par vie che a son restâts cence lavôr.
E fevele une fantate che ogni dì e scugne afrontâ une societât che no si impegne par cirî di integrâ lis personis che par disfortune cumò a son a cjase, daspò che la aziende dulà che a lavoravin di agns in ca, viodude aromai come la seconde cjase, e à scugnût sierâ fasint mil impromissions ai lavoradôrs; une societât che no da la pussibilitât a personis che a son parsore dai 50 agns di rivâ insom ae lôr trate lavorative, cussì di podê cuistâ la suspirade pension, e je injuste e arogant parie.
Mi vergogni. Mi vergogni di ducj chei che a àn imprometût ai lavoradôrs des Ceramichis Girardi che ju varessin judâts, che la aziende e varès dal sigûr tornât a vierzi, che a saressin tornâts cence altri a vore; mi vergogni di ducj chei che no dan une pussibilitât a une persone come gno pari, cuntune lungje esperience, di podê lavorâ e a continuin a sbatii lis puartis in muse, une daûr chê altre, par colpe de etât.
O vorès dî une cjosse ai politics che a dan fûr cun masse facilitât “promessis pusticis”; voaltris lu savêso ce che al vûl dî jevâ dutis lis buinoris e viodi to pari che al va ae ricercje di un lavôr par po tornâ dongje a mans vueidis? Voaltris savêso ce che al vûl dî viodi la maluserie intai vôi des personis che ti àn tirâ sù parcè cumò si è intai intrics, e no si sa se si po rivâ ae fin dal mês? Savêso cemût che e po sintîsi la fie di une persone ae cuâl a son stadis fatis un grum di promessis mai mantignudis? Si sint come me, cence plui la fiducie in chei che a dan fûr, a pitinton, promessis platonichis che no vignaran mai sfrancjadis. Al è masse facil jemplâsi la bocje di bielis peraulis, cun chês nô no rivin ae fin dal mês. Lis bielis peraulis no si puedin doprâ par paiâ la spese inte buteghe o lis boletis…
O soi disdegnade di ce che al sta sucedint un pôc dapardut e soredut tal nestri piçul, in dutis chês aziendis lassadis al lôr inciert destin, ma o soi braurose di ducj chei ex lavoradôrs che a jevin distès dutis lis buinoris e a van ae ricercje di un lavôr. Di dutis chês personis che, come gno pari, ogni buinore nus fasin istès la bocje di ridi si ben che nol è sigûr che o podarìn rivâ ae fin dal mês.
Posta un commento