lunedì 25 aprile 2011
domenica 24 aprile 2011
PRESIDIO PER L'ACQUA PUBBLICA E MUSICA RIBELLE
Schirie di iniziativis culturâls in favôr de aghe publiche a Çarvignan. Ai 28 di avrîl, aes 20.30, li de Cjase de Musiche concierts dai LMS a dai Lasal, ai 30 di avrîl, stesse ore, in Place Indipendence e sunaran The Duckers, 56K On Stage e Osteria Popolare Berica e al sarà presint, a partî da lis 19.00, un presidi dal Comitât pai Referendum cuintri la privatizazion de aghe. Il prin di mai, aes 11.00, simpri in Place Indipendence, conciert dal grup "Gli idraulici del suono".FONTS EUROPEANS E PIÇUI COMUNS: COEN E SERRACCHIANI A PALAÇÛL
Manuela Romano, candidade Sindic di Palaçûl, e lis listis Svolta Democratica e Sin ducj par Palassôl us invidin al incuintri public di joibe ai 28 di avrîl, a lis 21.00, che si davuelzarà li de sede eletorâl di Place L. Bini, sul teme: Acès ai fonts europeans: Certificazion e economie di scjale. Cualis oportunitâts pai piçui comuns che e adotin in condivision politichis di teritori? E intervignaran Leopoldo Coen, docent di dirit aministratîf de Universitât di Udin e Debora Serracchiani, europarlamentâr e segretarie regjonâl dal Partît Democratic.MIERCUS A TISANE I CANDIDÂTS A SI CONFRONTIN: UNE BUINE OCASION PAR FÂSI UNE OPINION,CAPÎ,SIELZI
Miercus ai 27 di avrîl, aes 21.00, li dal Teatri Comunâl Odeon, i citadins e son invidâts al dibatit public jenfri i cinc candidâts ae cjarie di sindic dal comun di Tisane. Il dibatit jenfri Orlando Fantin, Salvatore Benigno, Ezio Simonin, Ugo Rassatti e Maddalena Spagnolo al sarà moderât dal vice diretôr dal Messaggero Veneto. Une buine ocasion par fâsi une opinion, capî, sielzi ......
sabato 23 aprile 2011
venerdì 22 aprile 2011
TROIS INDIANS E FIESTE PAR ONDE FURLANE
Dôs bielis iniziativis sabide ai 23 di avrîl a Codroip e a Rivignan. Cooperazion, fotos di Heloise Forzan e musiche li dal Circul Trois di Rivignan e serade di solidarietât par Radio Onde Furlane inmaneade li dal Circul Edera di Codroip. Un consei: passâ aes 21.00 a Rivignan par viodi lis bielis fotos di Heloise, gjoldi alc e contribuî al progjet di cooperazion e dopo passâ a Codroip pe conclusion de serade e sostignî ancje OF: e sunaràn Lavinia, Orchestra Cortile, Loris Vescovo e tancj altris. 
25 DI AVRÎL: LA FIESTE, LA LIBERAZION
Ve ca parsore il program des celebrazions pe fieste dai 25 di avrîl che si davuelzaran a Udin lunis che al ven. Par chei de Basse o ricuardìn che e je programade une cerimonie aes 9.00 di matine, in place a Palme e dopo .... ducj a Udin. A partî des 13.00, alì dal Parc dal ex-ospedâl psichiatric a S. Osvalt fieste partigjane organizade dai zovins de Anpi cun musiche e mangjâ par ducj. Cumò e simpri Resistence!sabato 16 aprile 2011
giovedì 14 aprile 2011
PALASSÔL: DOMENIE APERITÎF IN PLACE CUI ELETÔRS
Manuela Romano, candidade sindic e i rapresentants des listis Svolta Democratica e Sin ducj par Palassôl e invidin ducj i citadins di Palassôl a un aperitîf cui eletôrs, domenie ai 17 di avrîl 2011, a lis 12.00, li de sede eletorâl in place Bini. Inte ocasion e vignaran presentâts ducj i candidâts e il program eletorâl.No stait a mancjâ!
Sul sît www.svoltaperpalazzolo.blogspot.com o cjatàis za online il program e lis dôs listis Svolta Democratica e Sin ducj par Palassôl.
mercoledì 13 aprile 2011
A TISANE CUL CANDIDÂT DI CENTRI ÇAMPE PAR DISCUTI DES PROPUESTIS PAL CUMIERÇ E IL TERZIARI
Lunis ai 18 di avrîl la liste di centri çampe e il candidât sindic Fantin e proponin a Tisane un interessant moment di riflession e di propueste sul teme dal cumierç un compart storichementri impuartant par Tisane e cumò imberdeât intune crisi profonde. Robis une vore concretis duncje .... intant Pdl e Udc e puartin a Tisane, stesse ore, il Ministri Frattini che al podarà contâ dai sucès dal guvier in teme di politiche tal forest, soredut in nord Afriche, o magari dai beneficis pe economie che e rivaran dal "processo breve" .....
Iscriviti a:
Post (Atom)
