STORIIS DI RESISTENCE TE ZORNADE MONDIÂL DE TIERE

Lis manifestazions pe zornade mondiâl de tiere intai ultins agns si organizavin te Aziende Marianis-Volpares a Palaçûl. Chest an, dopo che Ersagricola, cul benstâ dai campions de ipocrisie Tondo e Violino e te complete indiference dai sorestants locâi e dal mont de politiche e a vendût (par altri cun procedure dut fûr che trasparente) il ram di aziende di Marianis rinunciant a un element strategjic pe valorizazion dal teritori e par sburtâ un gnûf model di disvilup, ancje la fieste de tiere si è trasferide in chel di Palme. Segnalin la cunvigne che si davuelzarà vinars ai 19 di avrîl: biel il titul "I zardinîrs di Diu. Storiis di Resistence al scancelâment dai lûcs". Te foto dal volantin la aziende Marianis-Volpares. Une volte bens coletîfs, cumò bens comuns e no di cuatri politics e di un consei di aministrazion. Bens di ducj, risorsis, identitât, paisaç, teritori. Cumò come dîs agns indaûr, resisti, resisti, resisti.

FIESTE DAI 3 DI AVRÎL: LA FIESTE DAL FRIÛL, LA FIESTE DI DUCJ

Tancj auguris a dutis/ducj pe Fieste dal Friûl. Us invidìn a partecipâ aes tantis iniziativis che si davuelzaràn un pôc pardut e, pe ocasion, us invidin a lei un editoriâl une vore biel di Renzo Balzan, publicât intal ultin numar di Ladins dal Friûl. Tes peraulis di Renzo o ricognossin cetantis olmis di che co volaressin fâ sù: Un Friûl diferent.

 

 

DAL TIMÂF A LA LIVENCE

3 di Avrîl: la fieste di ducj

Tal inovâl dai 736 agns di fondazion de Patrie dal Friûl 3 di Avrîl 1077 - 3 di Avrîl 2013, za fa 936 agns e nasseve la Patrie dal Friûl. Vadì che “La Fieste dai 3 di Avrîl” al è un fat storic, par vie che l’acjadiment che al è ae sô fonde e je une realtât dal secul XI, cun conseguencis duradis centenârs di agns, che a àn mantignût la lôr vitalitât fint ai nestris dîs. La celebrazion di cheste dade si è trasformade intune cerimonie uficiâl, ae cuâl a partecipin diviersis istituzions, dai Comuns aes trê Provinciis furlanis di Pordenon, Gurize e Udin, une des cuâl e ricuarde il 3 diAvrîl ancje tal propi Statût.

Dut câs cheste fieste no je mai stade uficializade, tal sens che no esistin leçs che a proclamin une “Fieste Nazionâl dal Friûl”. Pensade, inventade e volude di chel predi “rivoluzionari” che al è stât Pre Checo Placerean tal 1977, planc planc e sta invezit cuistant i contignûts di une fieste de int, con moments culturâi e di rievocazion storiche, se no fintremai di fieste popolâr, cence che par altri l’intîr popul furlan indi vegni coinvolt (de Cjargne a Puart, di Pordenon a Gurize, di Udin a Sapade/Plodn). Dispès in cheste ocasion, come in altris darest, al semee che il 3 di Avrîl e sedi une cjosse presint dome tal Friûl centrâl e in Cjargne, o sei dome in chei teritoris dulà che la fevelade furlane e je inmò presint. In ogni câs, no si po dineâ che a diviers livei si vebi almancul une cualchi cussience di ce che al è il 3 di Avrîl. Cuant che Pre Checo, e il grop dai predis di Glesie Furlane che a jerin cun lui, indi àn fevelât pe prime volte, tal 1977, vâl a dî juste a 900 agns dal diplome imperiâl di Indrì IV che al concedeve il Ducât dal Friûl al Patriarcje Sigjeart, si è doprade la espression “fieste”, volint intindi l’inovâl di une memorie di gjonde, di sperance, di spirt di identitât, di voie di rinassince intun avignî in miôr. O jerin, in fats, intai moments intrigôs dal daspò taramot e dai ferments plui vivarôs pe autonomie, la lenghe, il svilup economic e sociâl, la brame di une universitât autonome e dut chest al vignive vivût come une smire insiemit culturâl e politiche par une Friûl aromai madressût, cussient, libar di cjapâ lis decisions plui adatis ae propie indole e vocazion, ben inlidrisât inte sô storie e daviert aes sfidis dal presint.

Dal 1977 a vuê di agns a ’nd è passâts, Pre Checo Placerean, Pre Antoni Beline, Pre Pieri Londar e altris furlaniscj storics no son plui cun nô, magari cussì no, e la lôr mancjance si la sint cetant. Si sint che e mancje la grinte e l’entusiasim di chescj personaçs. Si rindisi cont che la “Cuestion Furlane” e je lade a finîle intune sorte di sgjarpie di dulà che e stente a diliberâsi. Par esempli al è dificil, vuê, distacâ la cuestion de autonomie e de tutele linguistiche dal rest dai problemis che si stan proponint: problemis di ocupazion, soredut di ocupazion dai zovins e des feminis, di imigrazion, di integrazion, di ambient e di paisaç, di viabilitât, di sparagn e di aument dai presits, di scuele, di spazis par fâ culture, di pluralitât e diplurilinguisim.

Ma, soredut, cuale imagjin di popul furlan vino nô vuê e dino a no stes, a cui che al ven a vivi chenti, a cui che nus vualme di fûr regjon? Cui sono dabon i Furlans vuê? Resonant di 3 di Avrîl, al è just che si feveli di lenghe, di culture, di autonomie, ma ancje di societât e di ambient dulà che la lenghe ladine dal Friûl si fevele,dulà che si vîf, dulà che si progjete o ben si paidìs ilfutûr. L’om furlan, la femine furlane, il frut furlan, l’anzian furlan: cemût vivino, cemût pensino, cemût si metino in rapuart cun chei altris? E par chei altris no vin di intindi chei che a loghin al di là des monts, o dal Timau e de Livence, ma chei altris che a stan rivant chenti, chei altris che a son bielzà rivâts chenti di agns in ca. Cetancj di chescj si sintino integrâts e ben acolzûts. Se a son nassûts achì, si sintin fintremai Furlans a ducj i efiets, ancje par vie che a fevelin pulît la nestre lenghe, dispès miôr di tancj dai nestris. Ma scoltant lis esperiencis di feminis e di oms, zirant pai nestris paîs, leint i gjornâi, o sintin inmò storiis di separazion e di esclusion, pal colôr de piel, pe diviersitât de divignince, pe diviersitât di religjon e di lenghe. Chest dal sigûr no nus fâs gran onôr.

In chescj moments cussì dificii, massime par chel che al rivuarde i puescj di lavôr, a son cuestions reâls, che dal sigûr a saran ogjet di dibatit e di discussion, ma che dut câs no puedin jessi assents intune vision globâl e complete dal nestri jessi Furlans vuê. Se fieste e à di jessi, il 3 di Avrîl al à di vierzi lis sôs puartis a dutis lis problematichis esistints, in maniere che lis justis aspirazions ae autonomie, al autoguvier, ae autodeterminazion, ae tutele e ae incressite de nestre lenghe mari, al svilup sostignibil, a cjatin il teren plui adat par cressi e par sperâ che si puedin tradusi in realtât. Une realtât, finalmentri, il plui pussibil condividude, di chei che a fevelin par furlan e par sloven, par todesc e par talian, di cui che al è rivât achì di nô di pôcs o di tancj agns. Il Friûl al è stât di simpri une beorcje di lenghis e di culturis, e dal sigûr lu jere ancje tal 1077 cuant che al è deventât un Stât indipendent che al è durât fint al 1420. Par chest o vin di fâ in mût che la “Fieste dai 3 di Avrîl” e deventi la fieste di ducj. (renzo balzan)

LÂ VIE DI LÀ

SERRACCHIANI, IL FRIÛL, LA LENGHE E L'IDENTITÂT

Ca sot la rispueste di Lorenzo Fabbro (te foto cul sindic di Udin Honsell) component de segretarie provinciâl dal Pd di Udin, ae letare di Marco Vadori publicade sul Messaggero Veneto ai 7 di setembar: une schirie di afermazions grivis e ancje pluitost pesantis che e meretavin di jessi confutadis cuntun resonament e cun cualchi idee. Lenghe e identitât il teme dal intervent di Fabbro che al è stât publicât cun buine evidence sul Messaggero di martars ai 11 di setembar cul titul "Serracchiani e il Friuli, tra identità ed equivoci".Ve ca il test complet.

Ha un particolare concetto dell’identità il signor Vadori che nella sua lettera pubblicata sul MV diffida Debora Serracchiani, candidata alla presidenza della regione nel 2013, dal “parlare di marilenghe, perché non le appartiene” e perchè, continua Vadori ”la lingua è cosa nostra, appartiene esclusivamente a noi friulani” e pertanto “nessuno si può prendere il diritto di essere friulano …. o lo si è o non lo si è”.

Riguardo alla candidatura della Serracchiani si spinge inoltre a dichiarare che non riesce proprio ad “immaginare come ad un immigrato possa venire in mente di fare il presidente dei friulani”.

Da un concetto di identità simile a questo, chiusa ed escludente, sono derivate negli ultimi anni politiche e provvedimenti di legge dannosi e in diversi casi incostituzionali, per esempio le leggi regionali di ispirazione leghista sul welfare, che unite ad un complessivo arretramento culturale  hanno rischiato di portare gravi danni alla coesione sociale della nostra regione.

L’identità è una cosa seria (e la lingua ne è senza dubbio un aspetto fondamentale) ma evidentemente è possibile declinarla in varie maniere.

Esiste quello del sig. Vadori ma anche quello che considera l’identità dei friulani come  aperta e plurale, si potrebbe dire anche meticcia, visto che deriva dall’incrocio dei tanti popoli che nel corso dei secoli hanno attraversato le nostre terre mescolandosi a chi viveva qui prima di loro.

Il Friuli è sempre stato ricco di diversità (linguistiche, etniche, culturali) ed è pertanto portato alla condivisione, allo scambio, all’accoglienza; qualità che sono state di grande utilità, naturalmente assieme ad altre, anche nella lunga esperienza dell’emigrazione quando tanti friulani sono diventati “anche” belgi, svizzeri, argentini, canadesi o americani.

Qualcuno di loro, che col metro del signor Vadori non avrebbe avuto titolo di candidarsi ad alcunchè fuori dal paese di origine, da immigrato è diventato sindaco, altri addirittura ministro.

Chi può dirsi friulano e chi no? A mio parere può dirsi friulano chi vive e lavora in Friuli, naturalmente se si sente tale (cosa che non gli impedisce di essere anche “altro”, di mantenere, oltre a quelle acquisite qui, altre lingue, altre culture). Se l’identità è salda la diversità è sempre una ricchezza.

Serracchiani essendo nata a Roma non può sentirsi, se lo desidera e si sente tale, friulana, dopo vent’anni nella nostra regione?

Non hanno diritto di sentirsi friulani gli immigrati che vivono da anni in Friuli, che qui lavorano contribuendo alla nostra economia e molto spesso parlano le nostre lingue (compreso il friulano che vorrebbero fosse anche insegnato a scuola ai loro figli e verso il quale altrettanto spesso hanno meno pregiudizi rispetto a chi si considera “friulano doc”)?

In Catalogna il Parlamento ha approvato (con maggioranza di oltre l’80%) una norma che permette al governo catalano di accreditare l'integrazione degli immigrati come elemento per richiedere la cittadinanza, naturalmente dopo aver assicurato loro l’apprendimento della lingua catalana e la conoscenza della società e dei diritti e dei doveri del paese. Obiettivi della norma sono promuovere l’equilibrio tra diversità e coesione sociale, ed eliminare comunità parallele e situazioni di diseguaglianza. Altro che welfare padano!

La differenza con il Friuli è che in Catalogna le politiche linguistiche sono indirizzate a tutti, nativi e non, con grande beneficio della coesione sociale, della cultura, della didattica e financo dell’economia mentre qui, purtroppo, la situazione è molto diversa.

Mi sembra allora del tutto normale che chi si candida alla presidenza del Friuli-Venezia Giulia abbia non solo il diritto ma il dovere di parlare di questi temi e di proporre la sua visione e le sue proposte.

Debora Serracchiani saprà senz’altro difendersi da sola ma vorrei dire, a proposito del video registrato a Ravenna al quale fa riferimento in chiusura della sua lettera il sig. Vadori, che lo stesso risale a due anni fa. Successivamente a quella data non solo la segretaria del Pd ha partecipato in più occasioni ad iniziative organizzate in Regione per denunciare le pesanti riduzioni di risorse, l’assenza di una linea strategica per le politiche linguistiche ed il colpevole ritardo nell’attuazione della legge 29/07, ma so che ha anche iniziato un percorso di approfondimento e di studio relativo a tematiche di cui forse (succede anche a tanti friulani doc), due anni fa non aveva la necessaria conoscenza.

Starà a lei ora rappresentare al meglio le proposte che il centrosinistra intenderà offrire alla comunità regionale, valorizzando al meglio il mosaico di diversità (e di lingue) che la compongono nel rispetto dei diritti, ma anche nella consapevolezza che tutto ciò può offrire riferimenti valoriali ed identitari positivi ed anche tante opportunità.

Lorenzo Fabbro (Segreteria Provinciale Pd di Udine)

 

TONDO E VIOLINO: COME FÂ CASSE E SBATISI DE INT E DAL TERITORI

 Tondo al torne ae cariche. Dopo vê inserît la aziende Volpares inte cartolarizazion intal 2001, dopo vê provât a tornâ a metile in vendite intal 2011, cence rispiet de volontât dal teritori ( 1 - 2 ), ni de opinion dai sindics, cumò al met in vendite la aziende Marianis. Par fortune che l'assessôr Violino al veve prometût mâr e monts rispiet ae valorizazion des dôs aziendis e dal teritori. Cjacaris. Par realizâ un progjet di reâl rilanç dal teritori, ancje sostignibil economichementri, la regjon e podeve meti adun comuns e altris realtâts economichis e sociâls par investî e realizâ un model di disvilup inovatîf poiât su agriculture di cualitât, ambient e turisim. Lis propuestis no mancjavin. Invezit sin a lis solitis. I prins a fâsi sintî cuintri la vendite e son chei dal Pd di Palaçûl. Parsore l'articul publicât sul Gazzettino jessût ai 6 di setembar (frache su la imagjine par lei miôr).

LÛCS, STORIE, MEMORIE E TERITORI: IL PROFUM DAL PAN

Cjâr amì/amie, ti invidi a partecipâ ae presentazion dal libri "Il profum dal pan" che si davuelzarà sabide ai 30 di jugn, aes 18.00, alì de sale civiche di Villa Muciana a Muçane.
Un libri, une ocasion par cjatâsi jenfri citadins, aministradôrs, associazionisim e mont de culture par resonâ su la storie e la identitât de Basse Furlane ma ancje par pensâ al futûr.
Il mont dai Mulins, la societât rurâl e contadine, la seconde vuere mondiâl, i rapuarts tra l'om e il teritori.
O conti su la tô partecipazion e intant ti saludi cuntun mandi di cûr.
Cristian Sedran.

Dopo la presentazion o restarin in compagnie par gjoldi de musiche sfolmenade dai Luna e un Quarto e par cerçâ il pan cuet intal for a lens secont la ricete dal Mulin e la bire Zahre di Sauris.

A PALAÇÛL , PAI 1250 AGNS, IL VIAÇ NOTURNI TE STORIE E TE MUSICHE DI STEFANO MONTELLO E CRISTINA MAURO

Sabide ai 19 di mai, a lis 20.30, inte suaze des celebrazions dedicadis a "Palaçûl 1250" la aministrazion comunâl us invide a partecipâ al spetacul teatrâl "Viaggio Notturno" di e cun Stefano Montello e Cristina Mauro.

Il spetacul, un viaç, a traviersâ la storie e la culture furlane dilunc i secui cul jutori de musiche e des cjançons, al tacarà aes 20.30, alì dal auditorium des scuelis di vie Rome, a lis 20.30.

Jentrade libare.

RASSEGNE STAMPE

Dopo dal articul di Silvio Bini publicât in croniche sul Gazzettino dai 11 di dicembar ancje sul Messaggero Veneto di îr si fevele de cunvigne "Tiaris di aghis e boscs" inmaneade dal Pd a Muçane te prime setemane di dicembar. Par lei l'articul di Viviana Zamarian, intitulât "Turismo e agricoltura anti-crisi" fracait achì.

TIARIS DI AGHIS E DI BOSCS: TUTELÂ E VALORIZÂ IL NESTRI TERITORI

I Circui dal Pd dal teritori in colaborazion cul Partît Democratic Provinciâl e il Grup Regjonâl us invidin a partecipâ a une serade di discussion e confront sul teme  "Tiaris di aghis e di boscs, tutelâ e valorizâ il nestri teritori: il paisaç, lis aghis, i boscs, le agriculture e le aziende “Marianis-Volpares" e rapresentin elements di identitât locâl e ocasions di ocupazion e di promozion dal disvilup di cualitât".  Apontament par vinars ai 9 di dicembar, a lis 20.30, alì dal Centri Civic Villa Muciana in place L. Sbaiz a Muçane. Si proviodin intervents di Alessio Turco (Balute) Segretari Circul Pd di Muçane, Lorenzo Fabbro Coordenadôr Pd Basse Ocidentâl, Mario Taverna Docent di Economie dal paisaç de Universitât di Udin, Morena Mauro Ufici Progjetazion Ires Fvg, Antonio Zambon President Regjonâl Aiab, Maurizio Ionico Urbanist, Mauro Travanut Conseîr Regjonâl Pd.

TONDO NOL PIART IL VIZI: JU' LIS MANS DI VOLPARES!

Un pôc di timp indaûr o vevin fevelât de aziende Volpares par dâ at ae Regjon che alc di positîf al tacave a viodisi ator de impuartante aziende regjonâl salvade de cartolarizazion intal 2003 in grazie dal ativisim e des batais dal centri çampe in consei comunâl e di un comitât di citadins di Palaçûl.  Un progjet une vore interessant ancje chel de Fatorie Sociâl partît intal mês di fevrâr 2011. Magari cussì no il president Tondo (simpri lui, che al veve za decidût di vendi Volpares dîs agns indaûr dopo che, simpri sot de sô gjestion e in maniere une vore scorete, la regjon e veve ometût di informâ il comun de pussibilitât di otignî la propietât) al torne a pandi la volontât di disfâsi de aziende par finanziâ l'Ospedâl di Pordenon. A Palaçûl naturalmentri la notizie o vevin di leile sul gjornâl ..... Dome cualchi dì dopo o vin vude le conferme des intenzions di alienazion cuant che Tondo al à rispuindût in consei regjonâl a une interpelance dal conseîr dal Pd Travanut.

Di bande nestre o tornin  a marcâ  che la Volpares e rapresente un ben public strategjic e impuartant pal nestri  teritori, che e van sostignudis lis ativitâts inviadis di resint e che, no dome la aziende no si a di vendile, ma bisugne tornâ a proponi chel grant progjet di disvilup e valorizazion za elaborât a so timp e che al tirave drenti lis risorsis dal teritori e al tignive dongje agriculture, ambient e turisim.

Il Partît Democratic al darà bataie, adun cui citadins e chei altris sogjets economics e sociâi che e an a cûr il nestri teritori, par impedî, inmò une volte, la svendite di un patrimoni public strategjic che, in mancjance di cualsisedi condivision e cun le arogance za mostrade  dîs agns indaûr Tondo al varès voie di fanus pierdi par simpri.

AMINISTRAZION, AMBIENT E TERITORI: CUÂL FUTÛR PE UNION CUORE DELLO STELLA? E SE O SCOMENÇASSIN A PENSÂ PLUI IN GRANT?

Silvio Bini sul Gazzettino dal 1 di setembar al ripuarte la croniche di une assemblee, inmaneade a Pucinie dal comitât civic di Giovanni Forni, par discuti de fusion dai comuns di Pucinie, Rivignan e Teôr daspò di sîs agns di vite de Union Cuore dello Stella. Un tic di confusion sul futûr e pôc coraç di bande dai aministradôrs (la miôr provocazion de serade pal gjornalist e je stade che dal ex sindic di Palaçûl Lorenzo Fabbro: il rilanç dal parc dal Stele e  une gjestion aministrative uniche di ducj i comuns partint di Rivignan par rivâ a Prissinins). Viodût che a Pucinie si votarà l'an che al ven o tornarin prest a fevelâ di chest cantin che, in efiets, al è di grandissime impuartance par dut il nestri teritori. Îr, ancje il Messaggero al à publicât une pagjine interie al argoment de fusion dai comuns de Union Cuore dello Stella.

P.s. Te prime part de riunion di Pucinie, par stesse amission dal Sindic, o vin ancje discuviert che a Torse a nol esist un depuradôr in funzion e duncje tancj di lôr e discjamin diretementri aghis no depuradis intal flum Stele. La robe no va nuie ben e ancje su chest argoment (za frontât plui voltis in consei comunâl a Palaçûl par stiçâ i nestris sorestants a fâ alc cuintri l'incuinament - viôt i report di Goletta Verde dai ultins agns) o tornarin une vore prest.

OJ CE FIESTO LARILERA'

zovins furlans in musiche pe fieste dal friûl -muçane - dj tubet e luna e un quarto

FIESTE DAL FRIÛL TE BASSE FURLANE

In ocasion dal 3 di Avrîl, aniversari de nassite dal Stât Patriarcjâl furlan, e je stade metude adun dai comuns di Cjarlins, Muçane e Sant Zorç, la Fieste dal Friûl te basse Furlane.

Il program:
JOIBE ai 24 di Març a Muçane
Inte Biblioteche aes 15.00 pe scuelis primariis e aes 16.00 pe scuele de infanzie
"Storiutis. La pavee, il pessut e la ruie" di Debora Crapiz e Doriana Alessio
VINARS al 1 di Avrîl a San Zorç di Noiâr
Intal Auditorium San Zorz aes 20.45
"Il condot intal ort" comedie teatrâl cun la "Buine blave di Mortean"
SABIDE ai 2 di Avrîl a Muçane
Inte sale dal ricreatori "San Vitale" aes 10.30
"Zovins furlans in musiche" - Conciert dai Luna e Un Quarto e DJ Tubet e presentazion de mape ilustrade "Friûl di Magance" di Luigino Peressini.
DOMENIE ai 3 di Avrîl a Cjarlins
Aes 11.00 Sante Messe par furlan inte glesie parochiâl di Cjarlins
Aes 12.00 Corteu cu la partecipazion de Gnove Bande di Cjarlins e deposizion di rosis tal monument ai muarts in vuere par cure dal grop alpins di Cjarlins.
Aes 12.15 Inte sale parochiâl: presentazion dal librut "La Clape 2011" e cerimonie di consegne dal premi "Britule di Arint" par cure de Clape culturâl di Cjarlins e Sarvâs

27 DI FEVRÂR 1511 - 27 FEVRÂR 2011

"e jo no, no pensi nuie di vô bulo cortesan

o ai in cûl la vuestre entrade us refudi il vuestri pan"

Dirits dineâts fûcs impiâts

BON 27 DI FEVRÂR A DUTIS/DUCJ

1511-2011 DIRITS DINEÂTS FÛCS IMPIÂTS

Al è in vore il gnûf blog http://www.associazion1511.blogspot.com/
Le Associazion 1511 e à chê di fâ cognossi il riviel popolâr furlan de Joibe Grasse dal 1511 e altris episodis di ribelisim che a àn segnât la storie dal Friûl e, di chê strade, di stiçâ la riflession su la influence che a àn vût o che a puedin vê pe identitât furlane.

SABIDE CAL VEN A PALASSÔL O FEVELIN DI SCUELE

Palassôl Grup Consiliâr Pd
Prissinins Grup Consiliâr “Cambiare si può”
UNE SCUELE, UNE COMUNITÂT:
Riflessions sui nestris paîs, lis nestris comunitâts e su lis nestris scuelis al timp de/des crisis
Contribûts di Lorenzo Fabbro e Andrea De Nicolò, conseîrs comunâi di Palassôl e Prissinins
Invît par un incuintri public
Sabide ai 20 di novembar 2010 - ZORNADE MONDIÂL DAI DIRITS DAI FRUTS, a lis 15.30 alì de Sale Consiliâr dal Comun di Palassôl

Palazzolo dello Stella Gruppo Consiliare Pd - Precenicco Gruppo Cambiare si può
UNA SCUOLA, UNA COMUNITÀ: Riflessioni sui nostri paesi, sulle nostre comunità e sulle nostre scuole al tempo della/delle crisi
Contributi di Lorenzo Fabbro e Andrea De Nicolò, consiglieri comunali di Palazzolo e Precenicco
Invito per un INCONTRO PUBBLICO
Sabato 20 novembre 2010 - GIORNATA MONDIALE DEI DIRITTI DEI BAMBINI, alle ore 15.30 presso la Sala Consiliare del Comune di Palazzolo dello Stella
scuola, comunità, progetti, territorio, cittadinanza, servizi, strutture, istituzioni, investimenti, spazi, laboratori, tempo pieno, trasporti, sport, ambiente, lingue, mensa, socialità, bambini, idee, dialogo, futuro …………………..