Doi apontaments culturâi impuartants par sabide ai 21 di mai.
A Udin, aes sîs e mieze sot sere (18.30) alì de sale esposizions dal Visionario di Udin si scree
“Riviei di ingjustri”, la mostre des taulis origjinâls dai fumuts che a àn partecipât ae edizion 2010 dal Premi Friûl. La iniziative, che si insuaze intal program udinês pai cinccent agns dal riviel de
Joibe Grasse, e je inmaneade de cooperative Informazione Friulana /
Radio Onde Furlane e de
Associazion 1511 cu la poie dal Assessorât pe Culture dal Comun di Udin e cu la colaborazion dal Visionario / Centro per le arti visive.
Dentri di
“Riviei di ingjustri” si podaran viodi lis taulis origjinâls dissegnadis di diviers autôrs furlans (Guido Carrara; Lorenzo Manià; Nicola Angeli e Fabio Varnerin; Emilio Bertossi; Eleonora Spizzamiglio; Enrico Tomasi; progjet MaMaRuTo) pal Premi Friûl di Radio Onde Furlane e dedicadis al riviel de Joibe Grasse dal 1511. Dongje di chestis oparis, a saran metudis fûr ancje des taulis origjinâls di Luigino Peressini che, cul so “Vitis di un vilan salvadi”, al è stât il prin a cubiâ fumuts e Joibe Grasse dal 1511. In plui di cualchi taule di chel lavôr, si podarà viodi ancje la mape su la Joibe Grasse fate dal stes Peressini pai cinccent agns dal riviel.
A compagnâ lis contis a fumuts si varan ancje des notis storics là che a son presentadis lis causis dal riviel, il so svilup e cualchi considerazion su la plui grande insurezion popolâr de storie furlane. Intant de scree, là che a saran organizadôrs e autôrs, si presentarà ancje la publicazion che e met adun lis siet contis a fumuts in vision alì dal Visionario. La mostre e restarà vierte fin ai 11 di Jugn cui oraris de sale esposizions dal Visionario, ven a dî plui o mancul di cuatri tal dopodimisdì a nûf e mieze di sere (16.00-21.30).
Te Basse, a Muçane, il circul culturâl
Artetica al presente il secont apontament de rassegne
“Vino di Lei 2011”, presentazions di libris e vins intai zardins di Muçane. Aes 18.30, cheste volte intal zardin de famee Turco Bruno (in via Molino) al vignarà presentât
il libri di Emanuele Tonon “Il nemico”. L’autôr al sarà presentât di
Pauli Cantarut. Il vin presentât pe ocasion al sarà chel de cantine
Riz Paolo di Brazzan di Cormons.
Il circul dal Partît democratic di Çarvignan us invide a partecipâ ae conference/dibatit
Lunedì 20 giugno 2011 alle ore 20:30
Organizazion par cure de sezion intercomunâl Anpi di Palaçûl, Muçane, Pucinie e Prissinins e de Associazion Auser "Stella&Tagliamento".
E poi la gente, (perchè è la gente che fa la storia)
Sabide ai 4 di jugn, aes 11.00, li des scuelis medis di Muçane, presentazion dal progjet L’ORT, inmaneât par cure de Aministrazion Comunâl cu le colaborazion e il jutori di Auser, Aiab e Istitût comprensîf. 
"Aghe, nucleâr, legjitim impidiment, nô o vin lis ideis claris"
Us segnalin che joibe ai 26 di mai, aes 19.30 alì dal parc Sartori a Manzan (via della Roggia 57) si davuelzarà un incuintri public cul coordenadôr de segretarie nazionâl dal Partît Democratic Maurizio Migliavacca e il senatôr dal Pd Carlo Pegorer par dibati dai temis dal partît e de situazion politiche a nivel locâl e nazionâl.
Convocât il prin consei comunâl de gnove aministrazion par martars 31 di mai, a lis 20.30, alì de sale consiliâr in Vie Rome a Palaçûl.
Doi apontaments culturâi impuartants par sabide ai 21 di mai.
Convocade di bande de presidente Elena Maiulini la Assemblee Provinciâl dal Partît Democratic slargjade ai segretaris di circul. Apontament alì de sale cunvignis de Enaip a Pasian di Prât, miercus 1 di jugn a lis 19.30.
