A ITINERANNIA LA PLACE DE TIERE

REFERENDUM: ERMETE REALACCI A UDIN

"Aghe, nucleâr, legjitim impidiment, nô o vin lis ideis claris"
Domenie ai 29 di mai, a lis 11.30, li dal Cafè Contarena in Vie Cavour a Udin incuintri cun Ermete Realacci, responsabil nazionâl green economy dal Partît Democratic .
“Ciò che si sta consumando in queste ore nell’Aula di Montecitorio è un vero scippo della democrazia. Non solo si sta esautorando il Parlamento dalle sue prerogative ma si sta anche tentando con la truffa e con l’inganno di impedire ai cittadini di dire la loro ai referendum del 12 e 13 giugno e di conoscere quali sono le reali intenzioni del Governo sul futuro del nucleare in Italia. La realtà è che Berlusconi è terrorizzato dal giudizio degli italiani perché sa bene che la maggior parte di essi, anche tra gli elettori del centro destra, è profondamente contraria ad un ritorno all’atomo perchè la considera una scelta vecchia, sbagliata, impopolare e antieconomica per l’Italia”

IL COORDENADÔR DE SEGRETARIE NAZIONÂL DAL PD MIGLIAVACCA A MANZAN

Us segnalin che joibe ai 26 di mai, aes 19.30 alì dal parc Sartori a Manzan (via della Roggia 57) si davuelzarà un incuintri public cul coordenadôr de segretarie nazionâl dal Partît Democratic Maurizio Migliavacca e il senatôr dal Pd Carlo Pegorer par dibati dai temis dal partît e de situazion politiche a nivel locâl e nazionâl.
Daspò dal dibatit, simpri te aree de fieste, al vignarà proietât il film di Sabrina Benussi "Rapotez, un caso italiano" ae presince de regjiste e dal protagonist Luciano Rapotez, segretari de Anpi provinciâl di Udin.

PALAÇÛL: CONVOCÂT IL PRIN CONSEI COMUNÂL DI BANDE DE GNOVE AMINISTRAZION

Convocât il prin consei comunâl de gnove aministrazion par martars 31 di mai, a lis 20.30, alì de sale consiliâr in Vie Rome a Palaçûl.
Il grup di minorance di centri çampe al à indicât tant che cjâf grup Mauro Tollon, za conseîr dal Pd ancje inte passade tornade aministrative.
Fracait ca par lei l'ordin dal dì complet.

SABIDE RIVIEI DI INGJUSTRI A UDIN E VINO DI LEI A MUÇANE

Doi apontaments culturâi impuartants par sabide ai 21 di mai.
A Udin, aes sîs e mieze sot sere (18.30) alì de sale esposizions dal Visionario di Udin si scree “Riviei di ingjustri”, la mostre des taulis origjinâls dai fumuts che a àn partecipât ae edizion 2010 dal Premi Friûl. La iniziative, che si insuaze intal program udinês pai cinccent agns dal riviel de Joibe Grasse, e je inmaneade de cooperative Informazione Friulana / Radio Onde Furlane e de Associazion 1511 cu la poie dal Assessorât pe Culture dal Comun di Udin e cu la colaborazion dal Visionario / Centro per le arti visive.
Dentri di “Riviei di ingjustri” si podaran viodi lis taulis origjinâls dissegnadis di diviers autôrs furlans (Guido Carrara; Lorenzo Manià; Nicola Angeli e Fabio Varnerin; Emilio Bertossi; Eleonora Spizzamiglio; Enrico Tomasi; progjet MaMaRuTo) pal Premi Friûl di Radio Onde Furlane e dedicadis al riviel de Joibe Grasse dal 1511. Dongje di chestis oparis, a saran metudis fûr ancje des taulis origjinâls di Luigino Peressini che, cul so “Vitis di un vilan salvadi”, al è stât il prin a cubiâ fumuts e Joibe Grasse dal 1511. In plui di cualchi taule di chel lavôr, si podarà viodi ancje la mape su la Joibe Grasse fate dal stes Peressini pai cinccent agns dal riviel.
A compagnâ lis contis a fumuts si varan ancje des notis storics là che a son presentadis lis causis dal riviel, il so svilup e cualchi considerazion su la plui grande insurezion popolâr de storie furlane. Intant de scree, là che a saran organizadôrs e autôrs, si presentarà ancje la publicazion che e met adun lis siet contis a fumuts in vision alì dal Visionario. La mostre e restarà vierte fin ai 11 di Jugn cui oraris de sale esposizions dal Visionario, ven a dî plui o mancul di cuatri tal dopodimisdì a nûf e mieze di sere (16.00-21.30).
Te Basse, a Muçane, il circul culturâl Artetica al presente il secont apontament de rassegne “Vino di Lei 2011”, presentazions di libris e vins intai zardins di Muçane. Aes 18.30, cheste volte intal zardin de famee Turco Bruno (in via Molino) al vignarà presentât il libri di Emanuele Tonon “Il nemico”. L’autôr al sarà presentât di Pauli Cantarut. Il vin presentât pe ocasion al sarà chel de cantine Riz Paolo di Brazzan di Cormons.

CONVOCADE PAR MIERCUS 1 DI JUGN LA ASSEMBLEE PROVINCIÂL DAL PD

Convocade di bande de presidente Elena Maiulini la Assemblee Provinciâl dal Partît Democratic slargjade ai segretaris di circul. Apontament alì de sale cunvignis de Enaip a Pasian di Prât, miercus 1 di jugn a lis 19.30.
Teme centrâl de discussion e saran i risultâts des elezions aministrativis e la elezion dai delegâts ae Conference Nazionâl sul Lavôr.

Ve ca l'ordin dal dì:
- comunicazions dal segretari provinciâl
- dibatit
- elezion dai delegâts ae Conference Nazionâl sul Lavôr.
- conclusions dal segretari provinciâl

VINO DI LEI 2011: PRIN APONTAMENT

Il circul culturâl Artetica us invide al prin apontament de rassegne “Vino di Lei 2011”, presentazions di libris e vins intai zardins di Muçane. Sabide ai 21 di mai, aes 18.30, intal zardin de famee Petris (Vicolo del Parroco) al vignarà presentât l’ultin libri di Pierluigi Di Piazza “Fûr dal templi. La Glesie al servizi de umanitât”. L’autôr al sarà presentât di Angelo Floramo. Il vin presentât pe ocasion al sarà chel de cantine Sirch di Albane di Prepot.

LA AGHE NO SI VENT!

2 SI' PE AGHE BEN COMUN : SPOT REFERENDUM

DELLA SETA, D'ALEMA E SERRACCHIANI A TISANE

LOTIS DAL CORMÔR: TORNÂ A CONTÂ PAR NO DISMENTEÂ. CUNVIGNE A CJARLINS

La sezion Anpi di Cjarlins e Maran un invide a partecipâ ae cunvigne par memoreâ lis Lotis dal Cormôr. La iniziative si davuelzarà, cul patrocini dal Comun di Cjarlins, sabide ai 14 di mai, aes 17.00, li de sale parochiâl a Cjarlins. La introduzion e sarà di Paolo Gaspari, storic e editôr, si proviodin intervents di Giuseppe Zigaina, un dai plui preseâts artiscj dal '900 european, di Furio Honsell, sindic di Udin, testemoneancis dai protagoniscj e contribûts video.

6/5/1976

6.5.1976 - 6.5.2011

Signòr
mi dolin stessere i miei pais...
Indolà setu Glemone,
frute ridint dai voi di sede,
neris ciavei inghirlandas d'arcassie,
suspir di primavere?...
Stessere, Signor, mi doul Glemone,
mi dolin, stessere, i miei pais...

A. Giacomini

PLUI IN LA' DI VALLE GROTARI: LIS PROPUESTIS DAL PARTÎT DEMOCRATIC